UHezekhiyeli 47:11 - iBhayibhili Elingcwele 1978

¹¹ Kodwa amatete awo lamaxhaphozi awo kawayikuba lamanzi amatsha. Azakuba zindawo zetshwayi.

IBhayibhili Elingcwele LesiNdebele

¹¹ Kodwa amaxhaphozi lamatete kawayikuba mahle. Azasala eyizindawo zetswayi.

UHezekhiyeli 47:11 Mawu Ofanana

AmaHubo 107:34

umhlabathi ovundileyo ube lugwadule lwetshwayi, ngenxa yobubi babahlezi khona.

UJeremiya 17:6

Unjengesihlahlana enkangala, kayikubona okuhle lokukodwa. Uzahlala endaweni ezomileyo enkangala, elizweni eligcwele itshwayi, elingahlalwa muntu.

UHezekhiyeli 47:12

Enkunjini zombili zomfula kuzakhula zonke inhlobo zezihlahla ezidliwayo. Amahlamvu azo kawayikubuna, lezithelo zazo kaziyikuphutha, zizathela izithelo ezintsha inyanga zonke, ngoba amanzi azo avela endlini engcwele. Izithelo zazo zizakuba ngezokudliwa, lamahlamvu azo abe ngawokwelapha.

UDutheronomi 29:23

lonke ilizwe elitshiswe yisolufa letshwayi, elingelakho okuhlanyelweyo lokumilayo, lotshani, elichithwe njengeSodoma leGomora leAdima leZoboyimi, imizi eyachithwa yiNkosi ngentukuthelo yayo lolaka lwayo,

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

Isambulo 22:11

Ongalunganga kahlale esenza okungalunganga; ongcolileyo ahlale engcolile, kodwa olungileyo ahlale esenza ukulunga, longcwele ahlale engcwele.

Abahluleli 9:45

UAbimeleki walwa lomuzi lonke lolosuku, wawuthumba, wabulala bonke ababekiwo, wawudilizela phansi, wawenza waba lugwadule.