UHezekhiyeli 45:8 - iBhayibhili Elingcwele 1978

⁸ Izakuba yindawo yesikhulu koIsrayeli. Izikhulu zami kaziyikubacindezela abantu bami, kodwa zizavumela abakoIsrayeli balisebenzise ilizwe libe ngelezizwe zabo.

IBhayibhili Elingcwele LesiNdebele

⁸ Ilizwe leli lizakuba yisabelo sayo ko-Israyeli. Njalo inkosana yami kayisayikuncindezela abantu bami kodwa izavumela indlu ka-Israyeli ukuba bathathe ilizwe mayelana lezizwana zabo.

UHezekhiyeli 45:8 Mawu Ofanana

Izaga 28:16

Umbusi ongelakuqedisisa ungumcindezeli olesihluku, kodwa lowo ozonda inzuzo embi uzaphila isikhathi eside.

UJeremiya 22:17

Kodwa wena, amehlo akho lenhliziyo yakho kusekuphangeni kuphela, lasekuchitheni igazi elingelacala, lasekucindezeleni lekwenzeni okubi.

UJeremiya 23:5

Khangela, insuku ziyeza, kutsho iNkosi, lapho ngizamhlumisela uDavida uGatsha olulungileyo; luzakubusa njengenkosi, lube lokuhlakanipha, lwenze ukulunga lobuqotho elizweni.

UHezekhiyeli 19:3

Sakhulisa omunye wemidlwane yaso, waba yisilwane, wafunda ukubamba impango, wadla abantu.

UHezekhiyeli 19:7

Wabhidliza inqaba zabo, wachitha imizi yabo. Ilizwe lamangala labo bonke ababekilo ngenxa yokubhonga kwawo.

UHezekhiyeli 22:27

Izikhulu eziphakathi kwalo zifana lempisi eziphangayo, ezichitha igazi zibulala abantu, ukuba zizuze umvuzo ngobuqili.

UHezekhiyeli 22:6

Zonke izikhulu zakoIsrayeli ezikuwe zisebenzisa amandla azo ukuchitha igazi.

UHezekhiyeli 46:18

Isikhulu kasiyikuthatha ulutho empahleni zabantu; kasiyikubaxotsha empahleni zabo. Sizakunika amadodana aso impahla ngempahla yaso, ukuba kungabi khona omunye wabantu bami owamukwa impahla yakhe.

UZefaniya 3:13

abaseleyo koIsrayeli; kabayikwenza okubi, kabayikukhuluma amanga, kakuyikuphuma emlonyeni wabo amazwi akhohlisayo. Ngoba bazakwaluka balale phansi, kungabi khona obethusayo.

UJakhobe 2:6

Kodwa lina libadumazile abayanga. Abanothileyo kabalicindezeli na? Kakusibo abalidonsela emacaleni na?

UJoshuwa 11:23

UJoshuwa walithumba ilizwe lonke njengakho konke iNkosi eyakukhuluma kuMose. UJoshuwa wabanika abakoIsrayeli ilizwe ngezizwe zabo, laba ngelabo. Ilizwe laseliphumulake ekulweni.

UJoshuwa 19:49

Kwathi sebeqedile ukwaba indawo ezinengi zelizwe zibe ngezabo, abakoIsrayeli bamnika uJoshuwa indodana kaNuni isabelo phakathi kwabo.