UHezekhiyeli 40:16 - iBhayibhili Elingcwele 1978

¹⁶ Emaceleni womabili esango kwakulamawindi, ezindlini eziseceleni emkhandlweni ophakathi kwazo; kwakukhona amawindi indawo zonke zendlu engasekungeneni kwesango, lezihlahla zelala zicecise izinsika.

IBhayibhili Elingcwele LesiNdebele

¹⁶ Phezu kwezindlwana lemiduli ephumele phandle ngaphakathi kwesango kwakulezikhadlanyana indawo yonke emdulini omncane, lalinjalo lentuba; izikhadlanyana indawana yonke zazikhangele ngaphakathi. Ubuso bemiduli ephumele phandle babuceciswe ngezihlahla zelala.

UHezekhiyeli 40:16 Mawu Ofanana

1 AmaKhosi 6:29

Emidulini yendlu yonke wabaza imifanekiso yamakherubi lezihlahla zamalala lamaluba endlini engaphakathi lengaphandle.

1 AmaKhosi 6:32

Izivalo zazenziwe ngamapulanka eoliva, wabaza kuzo imifanekiso yamakherubi lezihlahla zamalala lamaluba, wazibhada ngegolide elendlala phezu kwamakherubi lezihlahla zamalala.

1 AmaKhosi 6:35

Wabaza kuzo imifanekiso yamakherubi lezihlahla zamalala lamaluba, wazibhada ngegolide elendlala kuhle phezu kokubaziweyo.

1 AmaKhosi 6:4

Indlu wayenzela amawindi abanzi ngaphandle kulangaphakathi.

1 AmaKhosi 7:4

Kwakulemizila emithathu yamawindi, iwindi liqondene lewindi, okwemizila emithathu ekhwelayo.

2 ImiLando 3:5

Indlu wayakha ngamaphane ngaphakathi, wayigudula ngegolide elihle, wabaza imifanekiso yamalala leyamaketane kiyo.

AmaHubo 92:12

Abalungileyo bayakhahlela njengelala, bakhule njengezihlahla zeLebanoni.

UHezekhiyeli 40:12

Kwakukhona umnxibo phambi kwezindlu eziseceleni, uyingalo ngapha langapha. Izindlu eziseceleni zazizingalo eziyisithupha ngapha langapha.

UHezekhiyeli 40:15

Kusukela ngaphambi kwesango ekungeneni kuze kube ngasekucineni ngaphakathi endlini esekungeneni kwesango kwaba zingalo ezingamatshumi amahlanu.

UHezekhiyeli 40:25

Kwakukhona kilo amawindi inxa zonke lasendlini yalo esekungeneni, ayefana lamanye amawindi. Ubude balo babuzingalo ezingamatshumi amahlanu, lobubanzi balo buzingalo ezingamatshumi amabili lanhlanu.

UHezekhiyeli 40:26

Kwakukhona izinyathelo eziyisikhombisa eziya kilo, lendlu esekungeneni yayiphakathi; kwakulezihlahla zamalala ensikeni zalo, ngapha langapha kwalo.

UHezekhiyeli 40:29

Izindlu zalo eziseceleni lensika zalo lendlu yalo esekungeneni zazilingana lezinye. Kwakukhona kilo amawindi inxa zonke lasendlini yalo esekungeneni. Ubude balo babuzingalo ezingamatshumi amahlanu, lobubanzi balo buzingalo ezingamatshumi amabili lanhlanu.

UHezekhiyeli 40:30

Kwakukhona izindlu ezisekungeneni inxa zonke, ubude bazo buzingalo ezingamatshumi amabili lanhlanu, lobubanzi bazo buzingalo ezinhlanu.

UHezekhiyeli 40:31

Indlu yalo esekungeneni yayikhangele iguma elingaphandle, kukhona izihlahla zamalala ensikeni zalo; kwakukhona izinyathelo ezificaminwembili zokuya kilo.

UHezekhiyeli 40:33

Izindlu zalo eziseceleni, lensika zalo, lendlu yalo esekungeneni zazilingana lezinye; kwakukhona kilo amawindi inxa zonke lasendlini yalo esekungeneni. Ubude balo babuzingalo ezingamatshumi amahlanu, lobubanzi balo buzingalo ezingamatshumi amabili lanhlanu.

UHezekhiyeli 40:34

Indlu yalo esekungeneni yayikhangele iguma elingaphandle, kukhona izihlahla zamalala ensikeni zalo, ngapha langapha kwalo; kwakukhona izinyathelo ezificaminwembili zokuya kilo.

UHezekhiyeli 40:36

Izindlu zalo eziseceleni, lensika zalo, lendlu yalo esekungeneni zazilingana lezinye; lalilamawindi inxa zonke; ubude balo babuzingalo ezingamatshumi amahlanu, lobubanzi balo buzingalo ezingamatshumi amabili lanhlanu.

UHezekhiyeli 40:37

Indlu yalo esekungeneni yayikhangele iguma elingaphandle, kwakukhona izihlahla zamalala ensikeni zalo, ngapha langapha kwalo, kwakukhona izinyathelo ezificaminwembili zokuya kilo.

UHezekhiyeli 40:7

Walinganisa izindlu eziseceleni, zaba ngumhlanga munye ubude, lomhlanga munye ububanzi. Walinganisa umkhandlo ophakathi kwezindlu eziseceleni, waba zingalo ezinhlanu. Umbundu wesango ongasendlini engasekungeneni kwesango langaphakathi waba ngumhlanga munye.

UHezekhiyeli 41:18

kwakukhona izithombe ezibaziweyo, ezamakherubi lezihlahla zelala, isihlahla selala simi phakathi kwamakherubi amabili. Ikherubi lilinye lalilobuso obubili,

UHezekhiyeli 41:25

Ezivalweni zethempeli kwakubazwe amakherubi lezihlahla zelala, njengalokho okwakusemidulini. Kwakukhona uphahla lwezigodo ngaphambi kwendlu engasekungeneni.

UHezekhiyeli 41:26

Kwakukhona amawindi alemigubazi lezihlahla zelala ngapha langapha kwamawindi, emidulini esemaceleni endlu esekungeneni.

UHezekhiyeli 41:3

Wasengena endlini engaphakathi, walinganisa insika zomnyango, zaba zingalo ezimbili, lobubanzi bomnyango baba zingalo eziyisithupha; lemiduli eseceleni kwesango yaba zingalo eziyisikhombisa.

UHezekhiyeli 42:3

Endaweni eseleyo eyizingalo ezingamatshumi amabili eyayihlangene lendlu engaphakathi ledundulwini eligandelweyo elegceke elingaphandle, kwakukhona imikhandlo emithathu eyelekeneyo efananayo.

UJohane 5:2

Kwakukhonake lapho eJerusalema eduze lesango lezimvu ichibi elithiwa ngesiHeberu iBethesda, elilamathuli amahlanu.

1 AbaseKhorinte 13:12

Khathesi sibona esibukweni kaluvivi; kodwake lapho ubuso buzakubonana lobuso. Khathesi ngazi ingxenye; kodwa lapho ngizakwazi ngokupheleleyo, njengokuba kade ngisaziwa ngokupheleleyo nguNkulunkulu.

Isambulo 7:9

Emva kwalokhu ngakhangela, ngabona ixuku elikhulu elingelakubalwa muntu, elivela kuzo zonke izizwe, lakuyo yonke imihlobo, lakibo bonke abantu, lasezindimini zonke, limi phambi kwesihlalo sobukhosi laphambi kweWundlu, lambethe ingubo ezimhlophe, liphethe ingatsha zamalala ezandleni,