UHezekhiyeli 4:14 - iBhayibhili Elingcwele 1978

¹⁴ Ngasengisithi: O Nkosi Nkulunkulu! Kangizanga ngingcoliswe. Kusukela ebutsheni bami kuze kube lamuhla kangizanga ngidle ingcuba lokubulewe zinyamazana, lenyama engcolileyo kayizanga ingene emlonyeni wami.

IBhayibhili Elingcwele LesiNdebele

¹⁴ Lapho-ke mina ngathi, “Akunjalo, Thixo Wobukhosi. Angikaze ngizingcolise. Kusukela ebutsheni bami kuze kube khathesi angikaze ngidle loba yini etholakale ifile kumbe edlithizwe yizinyamazana. Akulanyama engcolileyo eseyake yangena emlonyeni wami.”

UHezekhiyeli 4:14 Mawu Ofanana

U-Eksodasi 22:30

lenze njalo langezinkabi zenu lezimvu zenu; azahlala lonina insuku eziyisikhombisa; ngosuku lwesificaminwembili linginike wona.

U-Eksodasi 22:31

Lina lizakuba ngabantu abangcwele kimi; ngakhoke lingadli inyama edatshulwe yizilo zeganga, kodwa iphoseni ezinjeni.

U-Isaya 65:4

abahlala emalibeni bekhonza imimoya emibi, balala endaweni ezisithekileyo, badle inyama yengulube, benatha umhluzi wokunengekayo emiganwini yabo;

U-Isaya 66:17

Labo abazahlukanisela ukungena ensimini yokukhonzela, bezihlambulula, belandelana, besidla inyama yezingulube, lesinengiso, lamagundwane, imisebenzi yabo lemicabango yabo izakuphela, kutsho iNkosi.

UJeremiya 1:6

Ngasengisithi: Hawu Nkosi Nkulunkulu! Angikwazi ukukhuluma ngoba ngingumntwana nje.

UHezekhiyeli 20:49

Ngasengisithi: Hawu, Nkosi Nkulunkulu! sebesithi ngami: Yena kasumqambi wemifanekiso na?

UHezekhiyeli 4:15

Yasisithi kimi: Khangela, ngikunika amalongwe enkomo endaweni yamalongwe abantu ukuba upheke ngawo ukudla kwakho.

UHezekhiyeli 44:31

Abapristi kabayikudla inyoni kumbe inyamazana ezifeleyo loba ebanjwe ngenye.

UHezekhiyeli 9:8

Kwathi besababulala, ngasala ngedwa, ngathi mbo ngobuso, ngakhala ngathi: Hawu, Nkosi Nkulunkulu! Uzababulala bonke abaseleyo koIsrayeli ekwehliseleni kwakho ukuthukuthela phezu kweJerusalema na?

UDanyeli 1:8

Kodwa uDaniyeli wazimisela ukuba angazingcolisi ngokudla kwenkosi okumnandi, langewayini eyayilinatha. Ngakhoke wasecela induna yabathenwa ukuba imvumele angazingcolisi.

ULevi 17:15

Futhi wonke umuntu, loba engowokuzalwa elizweni loba engowemzini, odla lokho okuzifeleyo loba lokho okubanjwe yizilo, kagezise ingubo zakhe, ageze ngamanzi, ahlale engcolile kuze kuhlwe; emva kwalokho uzakuhlambuluka.

ULevi 19:7

Uba udliwa ngosuku lwesithathu, kuzakuba yisinengiso; kawuyikwamukeleka.

ULevi 22:8

Lokho okuzifeleyo lalokho okubanjwe yizilo kangakudli ukuba angazingcolisi ngakho. NgiyiNkosi.

Imisebenzi 10:14

Kodwa uPetro wathi: Atshi, Nkosi, ngoba kangizake ngidle into embi lengcolileyo.

UDutheronomi 14:21

Lingabokudla ulutho oluzifeleyo; lingabanika lona abezizweni abahlala emizini yenu ukuba baludle, loba liluthengise kwabezizwe; ngoba lingabantu abangcwele eNkosini uNkulunkulu wenu. Futhi lingapheki izinyane lembuzi ngochago lukanina.

UDutheronomi 14:3

Lingabokudla ulutho olunengekayo.