UHezekhiyeli 38:19 - iBhayibhili Elingcwele 1978

¹⁹ Ngoba ngomona wami langolaka lwami oluvuthayo ngithi: Ngalolosuku kuzakuba khona ukunyikinyeka okukhulu elizweni lakoIsrayeli.

IBhayibhili Elingcwele LesiNdebele

¹⁹ Ngokutshiseka kwami langolaka lwami oluvuthayo ngithi ngalesosikhathi kuzakuba lokuzamazama komhlaba okukhulu elizweni lako-Israyeli.

UHezekhiyeli 38:19 Mawu Ofanana

AmaHubo 18:7

Umhlaba wazamazama, wagedezela; lezisekelo zezintaba zaqhaqhazela, zazamazama, ngoba wayethukuthele.

AmaHubo 18:8

Kwaphuma intuthu emakhaleni akhe, lomlilo otshisayo emlonyeni wakhe; amalahle avuthayo aphuma kuye.

AmaHubo 79:5

Koze kube nini, Nkosi, uthukuthela, lolaka lwakho luvutha njengomlilo na?

U-Isaya 42:13

INkosi iyaphuma njengeqhawe, itshisekela ukulwa njengendoda yempi; iyamemeza isiga sempi, izinqobe izitha zayo.

U-Isaya 42:15

Ngizakubhidliza izintaba lamaqaqa, ngomise konke okuluhlaza okukuzo, ngiphendule imifula ibe yinkangala, ngomise leziziba zayo.

UHezekhiyeli 36:5

INkosi uNkulunkulu ithi: Ngikhuluma ngomona wami otshisayo ngezinye izizwe, ikakhulu ngalo lonke iEdoma, abazithathela ilizwe lami ngokuthokoza langokudelela ukuba libe ngelabo, bahlale kilo.

UHezekhiyeli 36:6

Ngalokho tshumayela ngelizwe lakoIsrayeli, utsho ezintabeni lasemaqaqeni, lasezindongeni lasezihotsheni uthi: INkosi uNkulunkulu ithi: Ngikhuluma ngomona wami langolaka lwami, ngoba lithwele ihlazo lezizwe.

UHezekhiyeli 39:25

Ngalokhoke iNkosi uNkulunkulu ithi: Sengizabuyisa abantu bakaJakobe, ngibe lesihawu kuye wonke uIsrayeli, ngibe lomona langebizo lami elingcwele.

UHezekhiyeli 39:6

Ngizathumela umlilo kuMagogi lakulabo abahlala ngokulondolozeka emazweni angasolwandle. Bazakwazi ukuba ngiyiNkosi.

UHezekhiyeli 5:13

Kuzaphelake ukuthukuthela kwami, nganelise ukufutheka kwami ngabo, bazakwazi ukuba mina, Nkosi, ngikhulumile ngomona wami lapho sengiphelelise ukufutheka kwami kibo.

UJoweli 2:18

INkosi yaliphisekela ilizwe layo, yaba lesihawu ebantwini bayo.

UJoweli 3:16

INkosi iyavungama iseZiyone, izwakalisa ilizwi layo iseJerusalema, kunyikinyeke iphezulu lomhlaba. Kodwa iNkosi iyisiphephelo sabantu bayo, lenqaba yabantu bakoIsrayeli.

UNahume 1:2

INkosi inguNkulunkulu olomona ophindiselayo; iNkosi iyaphindisela, igcwele ulaka; iNkosi iphindisela ezitheni zayo, ihlala ithukuthelela izitha zayo.

UZakhariya 1:14

Ngakho isithunywa esasikhuluma lami sathi kimi: Memeza uthi iNkosi yamabandla ithi: Ngilobukhwele obukhulu ngeJerusalema langeZiyone.

UDutheronomi 29:20

INkosi kayiyikumthethelela, kodwa intukuthelo yayo lomhawu wayo kuzavutha kuye, zize zimehlele zonke iziqalekiso ezilotshiweyo ogwalweni lolu, iNkosi icitshe ibizo lakhe emhlabeni.

UDutheronomi 32:22

Ngoba umlilo usubasiwe ngentukuthelo yami, uyatshisa kuze kube senzikini yendawo yabafileyo; uqeda umhlaba lezithelo zawo, utshise izisekelo zezintaba.

AmaHebheru 12:26

Ngalesosikhathi ilizwi lakhe lanyikinya umhlaba, kodwa khathesi uthembisile ukuthi: Ngizakuphinda futhi ukunyikinya, kungasumhlaba wodwa, kodwa lamazulu futhi.

AmaHebheru 12:29

ngoba uNkulunkulu wethu ungumlilo oqothulayo.

Isambulo 11:13

Ngalesosikhathi kwaba khona ukuzamazama okukhulu komhlaba, kwawa ingxenye yetshumi yomuzi; kwafa abantu abayizinkulungwane eziyisikhombisa ekuzamazameni komhlaba; labaseleyo batshaywa luvalo, bamdumisa uNkulunkulu wezulu.

Isambulo 16:18

Kwasekusiba khona ukuphazima kwemibane, lomsindo omkhulu, lokuduma, lokuzamazama komhlaba okukhulu okungazanga kube khona selokhu kwaba khona abantu emhlabeni, ukuzamazama okukhulu kakhulu.

Isambulo 16:20

Izihlenge zonke zabaleka, lentaba zanyamalala.