UHezekhiyeli 37:6 - iBhayibhili Elingcwele 1978

⁶ Ngizabeka imisipha phezu kwenu, ngihlumise inyama phezu kwenu, ngilifake isigogo, ngilifake umoya, liphile. Lizakwazi ukuba ngiyiNkosi.

IBhayibhili Elingcwele LesiNdebele

⁶ Ngizaxhuma imisipha kini ngenze inyama ihlume phezu kwenu njalo ngibeke ijwabu phezu kwenu; ngizafaka umoya phakathi kwenu, njalo lizakuba lokuphila. Lapho-ke lizakwazi ukuthi mina nginguThixo.’ ”

UHezekhiyeli 37:6 Mawu Ofanana

UGenesisi 2:7

INkosi uNkulunkulu yasimbumba umuntu ngomhlabathi, yaphefumulela umoya wokuphila emakhaleni akhe; umuntu waba ngumuntu ophilayo.

1 AmaKhosi 20:28

Lowomuntu kaNkulunkulu wasesondela enkosini yakoIsrayeli esithi: INkosi uNkulunkulu ithi: Ngoba amaSiriya athe iNkosi ingunkulunkulu wasezintabeni, kayisuye unkulunkulu wasezihotsheni, ngizanikela esandleni sakho yonke limpi enkulu, lizakwazi ukuba mina ngiyiNkosi.

AmaHubo 104:30

Ekuthumeni kwakho umoya wakho, ziyadalwa; uwenza umhlaba ube mutsha.

U-Eksodasi 6:3

ngabonakala kuAbrahama lakuIsaka lakuJakobe njengoNkulunkulu uSomandla; kodwa ngebizo lami lokuthi iNkosi ngangingaziwa kubo.

U-Isaya 26:19

Kodwa abafileyo bakho bazakuphila, izidumbu zabo zizavuka futhi. Vukani, lihlabele ngokuthokoza, lina elilele othulini. Ngoba amazolo akho angamazolo akhanyayo, umhlaba uzakubakhupha abafileyo.

U-Isaya 49:23

Uzakhuliswa ngamakhosi, lamakhosikazi awo abe ngabalizane bakho. Bazakuwa phambi kwakho, ubuso babo bube semhlabathini, bakhothe uthuli lwezinyawo zakho. Laphoke uzakwazi ukuthi ngiyiNkosi, lokuthi labo abangithembayo kabayikuyangeka.

UHezekhiyeli 11:10

Lizabulawa yimpi, ngilithonisise emikhawuleni yakoIsrayeli; lizakwazi ukuba ngiyiNkosi.

UHezekhiyeli 11:12

Lizakwazi ukuba ngiyiNkosi. Ngoba kalihambanga ngezimiso zami, lemithetho yami kaliyenzanga, kodwa lenze imithetho yezizwe ezilihanqileyo.

UHezekhiyeli 20:38

ngikhuphe phakathi kwenu abahlamukayo labo bonke abonayo kimi, ngibakhuphe elizweni abahlala kilo, kodwa kabayikungena elizweni lakoIsrayeli. Ng’khona lizakwazi ukuba ngiyiNkosi.

UHezekhiyeli 32:15

Lapho ngichitha ilizwe laseGibithe, lalapho ilizwe liphundlwa konke okukilo, lalapho ngitshaya bonke abahlala kilo, bazakwazike ukuba ngiyiNkosi.

UHezekhiyeli 34:27

Izihlahla zeganga zizathela izithelo zazo, lomhlaba uveze inala, zilondolozeke elizweni lazo. Zizakwazi ukuba ngiyiNkosi nxa sengaphule ijogwe lazo, ngazikhulula kulabo abazithumbileyo.

UHezekhiyeli 35:12

Uzakwazi ukuba mina Nkosi ngizwile ukuthuka kwakho owakutsho ngezintaba zakoIsrayeli usithi: Zichithekile, zinikiwe thina ukuba sizidle.

UHezekhiyeli 35:15

Njengoba lathokoza ngelizwe lami uIsrayeli ngoba lachitheka, ngizakwenza njalo kuwe, uzachitheka, wena ntaba yaseSeyiri, lalo lonke iEdoma. Ng’khona bazakwazi ukuba ngiyiNkosi.

UHezekhiyeli 35:9

Ngizakukwenza ube yinkangala engelakuphela, kungahlali muntu emizini yakho. Ng’khona uzakwazi ukuba ngiyiNkosi.

UHezekhiyeli 37:14

Ngizafaka umoya wami kini, liphile; ngizalibeka kwelenu ilizwe; ng’khona lizakwazi ukuba mina Nkosi ngikhulumile, lokuba ngikwenzile, kutsho iNkosi.

UHezekhiyeli 38:23

Ngalokho ngizaveza ubukhulu bami lobungcwele bami, ngizibonakalise ezizweni ezinengi; ng’khonake bazakwazi ukuba ngiyiNkosi.

UHezekhiyeli 39:22

AbakoIsrayeli bazakwazi ukuba ngiyiNkosi uNkulunkulu wabo kusukela kulolosuku.

UHezekhiyeli 39:28

Bazakwazi ukuba ngiyiNkosi uNkulunkulu wabo ngoba ngabaxotshela phakathi kwezizwe, ngabuye ngabaqoqela elizweni labo. Kangisayikutshiya loyedwa wabo phakathi kwezizwe.

UHezekhiyeli 39:6

Ngizathumela umlilo kuMagogi lakulabo abahlala ngokulondolozeka emazweni angasolwandle. Bazakwazi ukuba ngiyiNkosi.

UHezekhiyeli 6:13

Lizakwazi ukuba ngiyiNkosi nxa ababuleweyo babo sebelele phakathi kwezithombe zabo, behanqe ama‐altare abo, phezu kwawo wonke amaqaqa amade, lasezingqongeni zonke zezintaba, langaphansi kwazo zonke izihlahla eziluhlaza, langaphansi kwazo zonke izihlahla ezinkulu ezilamahlamvu, loba kungaphi lapho bebenikela khona ngephunga elimnandi kuzo zonke izithombe zabo.

UHezekhiyeli 6:7

Nxa abantu bebulawa phakathi kwenu, lizakwazi ukuba ngiyiNkosi.

UHezekhiyeli 7:4

Kangiyikuliyekela, kangiyikulihawukela, kodwa ngizalitshaya ngenxa yezindlela zenu lapho amanyala enu esephakathi kwenu. Ng’khona lizakwazi ukuba ngiyiNkosi.

UHezekhiyeli 7:9

Kangiyikuliyekela, kangiyikulihawukela, kodwa ngizalitshaya ngenxa yezenzo zenu langamanyala enu asesephakathi kwenu. Ng’khona lizakwazi ukuba ngiyiNkosi etshayayo.

UJoweli 2:27

Lizakwazi ukuthi ngikhona phakathi kukaIsrayeli, lokuthi mina Nkosi nginguNkulunkulu wenu, kakho omunye. Abantu bami kabasayikuphinda bayangiswe futhi.

UJoweli 3:17

Ngalokhoke lizakwazi ukuba ngiyiNkosi, uNkulunkulu wenu ohlala eZiyone, intaba yami engcwele. IJerusalema lizakuba ngcwele, abezizwe kabasayikuphinda badlule phakathi kwalo futhi.

UDutheronomi 29:6

kalidlanga isinkwa, kalinathanga iwayini lotshwala, ukuba lazi ukuthi ngiyiNkosi uNkulunkulu wenu.