UHezekhiyeli 30:3 - iBhayibhili Elingcwele 1978

³ Usuku selusondele, usuku lweNkosi selusondele, luzakuba lusuku olulamayezi, isikhathi sokuchitheka kwezizwe.

IBhayibhili Elingcwele LesiNdebele

³ Ngoba usuku seluseduze, usuku lukaThixo seluseduze usuku lwamayezi, isikhathi sokutshabalala kwezizwe.

UHezekhiyeli 30:3 Mawu Ofanana

AmaHubo 110:6

Izakwahlulela phakathi kwezizwe, kugcwale izidumbu; izakuchitha izinduna endaweni ezinengi.

AmaHubo 37:13

Kodwa iNkosi iyamhleka omubi, ngoba iyabona ukuthi usuku lwakhe lokucina luyeza.

U-Eksodasi 14:20

yaba phakathi kwempi yamaGibithe lempi yakoIsrayeli. Kwakukhona iyezi lomnyama; ebusuku bonke impi kayisondelelananga lempi.

U-Eksodasi 14:24

Ngomlindo wokusa, iNkosi yakhangela impi yamaGibithe isensikeni yomlilo leyeyezi, yayidunga impi yamaGibithe;

U-Isaya 13:6

Lilani, ngoba usuku lweNkosi lusondele; njengokuchitheka okuvela kuSomandla luzakufika.

U-Isaya 13:9

Khangelani, usuku lweNkosi luyeza lulobuhlungu lokufutheka lolaka oluvuthayo, ukuba luchithe umhlaba, lubhubhise izoni ezikuwo.

U-Isaya 19:1

Leli yilizwe ngeGibithe. Khangela, iNkosi ikhwele eyezini elilejubane, iza eGibithe; izithombe zaseGibithe zizathuthumela phambi kwayo, lenhliziyo yabaseGibithe iphelelwe ngamandla.

UJeremiya 25:31

Umsindo uzafinyelela emikhawulweni yomhlaba, ngoba iNkosi iyamelana lezizwe, iyabagweba bonke abantu, ababi izakubanikela ekubulaweni, kutsho iNkosi.

UHezekhiyeli 13:5

Kabayanga ezikhaleni ukulungisela uIsrayeli umduli odilikileyo ukuze aqine osukwini lokulwa osukwini lweNkosi.

UHezekhiyeli 29:12

Ngizakulichitha iGibithe ukwedlula amazwe wonke achithekileyo; imizi yalo izachitheka okweminyaka engamatshumi amane phakathi kwemizi echithekileyo. Ngizawachithachitha amaGibithe phakathi kwezizwe, ngiwahlakazele phakathi kwamazwe.

UHezekhiyeli 30:18

ETahafanesi ukukhanya kuzakuba mnyama, lapho ngiqeda khona ukubusa kweGibithe, lamandla aziphakamisileyo azaphela, lamayezi afike phezu kwalo, kuthunjwe lamadodakazi alo.

UHezekhiyeli 32:7

Lapho sengikuchitha, ngizasibekela iphezulu, ngenze inkanyezi zalo zibe mnyama, ngisibekele ilanga ngeyezi, lenyanga ingabe isakhanya.

UHezekhiyeli 34:12

Njengomalusi edinga umhlambi wakhe lapho ezinye izimvu zakhe sezichithekile, ngokunjaloke ngizadinga izimvu zami, ngizikhuphe kuzo zonke indawo lapho ezihlakazekele khona ngosuku lwamayezi lomnyama omkhulu.

UHezekhiyeli 7:10

Nanto usuku, nantu luyeza. Ukuchitheka kwenu sekufikile, ububi buyahluma, lokuziqhenya kukhahlele,

UHezekhiyeli 7:12

Isikhathi sesifikile, losuku lusondele. Umthengi kangathokozi, lothengisayo angazisoli, ngoba ulaka lwehlela phezu kwabo bonke.

UHezekhiyeli 7:19

Bazalahlela isiliva sabo ezindleleni, legolide labo lizakuba njengento engcolileyo. Isiliva sabo legolide labo kakuyikuba lamandla okubakhulula ngosuku lokuthukuthela kweNkosi. Kabayikukudla basuthe; ngoba ububi babo buyisikhubekiso sabo.

UHezekhiyeli 7:7

Ukuchitheka kwakho sekufikile, wena owakhileyo elizweni; isikhathi sesifikile, losuku lusondele, usuku lokukhala olungesilo usuku lomsindo wokuthokoza phezu kwezintaba.

UJoweli 1:15

Maye ngalolosuku! Ngoba usuku lweNkosi luseduze, luzafika njengokuchitheka okulethwa nguSomandla.

uObadiya 1:15

Ngoba usuku lweNkosi lusondele ezizweni zonke. Njengokwenza kwakho kuzakwenziwa njalo lakuwe, Edoma, izenzo zakho zizakwehliselwa ekhanda lakho.

UZefaniya 1:14

Usuku olukhulu lweNkosi selusondele, luyeza ngokuphangisa; usuku lweNkosi lulobuhlungu, iqhawe liyakhala kakhulu kulo.

UZefaniya 1:7

Thula phambi kweNkosi uNkulunkulu! Ngoba usuku lokwahlulela kwayo selusondele. INkosi isilungisile umhlatshelo, yahlambulula labamenyiweyo bayo.

UMatewu 24:33

Kunjalo lani, nxa libona lezizinto zonke, yazini ukuba sekuseduze sekusemnyango.

AbaseFiliphi 4:5

Ukubekezela kwenu kakwaziwe yibo bonke abantu; iNkosi iseduze.

UJakhobe 5:9

Lingasolani, bazalwane, ukuze lingathonisiswa; ngoba, khangelani, uMthonisisi useseduze.

Isambulo 6:17

ngoba usuku olukhulu lolaka lwabo selufikile; ngobani abalamandla okuma na?