UHezekhiyeli 3:18 - iBhayibhili Elingcwele 1978

¹⁸ Lapho ngisithi komubi: Uzakufa impela; wena uba ungamxwayisi, loba ungakhulumi ukumxwayisa omubi endleleni yakhe embi ukuze aphephe, lowomuntu omubi uzafela ebubini bakhe; kodwa igazi lakhe ngizalibiza kuwe.

IBhayibhili Elingcwele LesiNdebele

¹⁸ Nxa ngisithi emuntwini omubi, ‘Wena uzakufa impela,’ wena ungamxwayisi kumbe ukhulume ukuba umyekelise izindlela zakhe ezimbi ukuze asindise ukuphila kwakhe, lowomuntu omubi uzafela izono zakhe, kuthi wena ngikubeke icala legazi lakhe.

UHezekhiyeli 3:18 Mawu Ofanana

UGenesisi 2:17

kodwa ungadli okwesihlahla sokwazi okulungileyo lokubi, ngoba mhla usidla okwaso uzakufa isibili.

UGenesisi 42:22

URubeni wabaphendula wathi: Kangitshongo yini ukuthi lingezi okubi kuye umfana? Kodwa kalingilalelanga. Ngakho khangelanike, igazi lakhe selibizwa kithi.

2 USamuyeli 4:11

Phoke, lapho abantu ababi bebulele umuntu olungileyo endlini yakhe esembhedeni wakhe, angiyikubiza yini igazi lakhe ezandleni zenu, ngilibhubhise lina emhlabeni na?

2 AmaKhosi 1:4

Ngakhoke iNkosi ithi: Kawuyikuvuka embhedeni olele kuwo; uzafela khona. UElija wasehambake.

Izaga 14:32

Omubi uchithwa yibubi bakhe, olungileyo uvikelwa yibuqotho bakhe.

U-Isaya 3:11

Maye komubi! Kuzakuba kubi kuye, ngoba lokho okwenziwe ngezandla zakhe kuzakwenziwa lakuye.

UHezekhiyeli 18:13

isebolekisa ukuba izuze inzuzo, ithathe umvuzo, enjalo izakuphila na? Kayiyikuphila; yenzile wonke la amanyala; izakufa impela, legazi layo libe phezu kwayo.

UHezekhiyeli 18:20

Lowomuntu owonayo uzakufa. Indodana kayiyikuhlupheka ngenxa yezono zikayise, loyise kayikuhlupheka ngenxa yezono zendodana. Olungileyo uzavuna umvuzo wokulunga kwakhe, lomubi avune umvuzo wobubi bakhe.

UHezekhiyeli 18:4

Konke ukuphila ngokwami; ukuphila kukayise kanye lokuphila komntwana kungokwami. Lowomuntu owonayo uzakufa.

UHezekhiyeli 3:20

Lalapho olungileyo ephambuka ekulungeni kwakhe, enze okubi, ngibeke isikhubekiso phambi kwakhe, uzakufa. Ngoba ungamxwayisanga yena, uzafela ezonweni zakhe kuthi izenzo zakhe ezilungileyo azenzileyo zingakhunjulwa. Kodwa igazi lakhe ngizalibiza kuwe.

UHezekhiyeli 33:12

Wenake, ndoda, tshono ebantwini bakini uthi: Ukulunga kolungileyo kakuyikumkhulula uba esona; lobubi bomubi kabuyikumbulala uba etshiya ububi bakhe; lolungileyo kayikuphila ngokulunga kwakhe uba esona.

UHezekhiyeli 33:6

Kodwa nxa umlindi ebona impi isiza, angalukhalisi uphondo, abantu bengaxwayiswa, impi ifike ibulale omunye wabo, lowomuntu afele esonweni sakhe, umlandu uzakuba ngowomlindi.

UHezekhiyeli 34:10

INkosi uNkulunkulu ithi: Ngimelene labelusi, ngizafuna izimvu zami kibo, ngibayekelise ukwelusa izimvu zami, bangaphindi ukuzondla bona. Ngizakhupha izimvu zami emilonyeni yabo ukuze zingabi yikudla kwabo.

AmaNani 26:65

ngoba iNkosi yathi: Bazakufela enkangala. Kakusalanga muntu kubo ngaphandle kukaKalebi indodana kaJefune, loJoshuwa indodana kaNuni.

ULukha 13:3

Ngithi kini: Atshi, kodwa uba lingaphenduki, lizakubhubha ngokunjalo lonke.

ULukha 13:5

Ngithi kini: Atshi, kodwa uba lingaphenduki, lizakubhubha ngokunjalo lonke.

UJohane 8:21

Wasesithi kibo futhi: Ngiyahamba mina, lizakungifuna, kodwa lizakufela esonweni senu; lapho ngiya khona mina, lingeze leza lina.

UJohane 8:24

Ngakhoke ngithe kini: Lizakufela ezonweni zenu; uba lingakholwa ukuthi nginguye lizakufela ezonweni zenu.

Imisebenzi 2:40

Wafakaza langamanye amazwi amanengi, wabalaya wathi: Zisiliseni kulesisizukulwana esiphambeneyo.

Imisebenzi 3:19

Ngakho phendukani, libuye futhi ukuze kuhlanjululwe izono zenu, ukuze kufike izikhathi zokuhlumelela ezivela ebusweni beNkosi,

1 uTimothi 4:16

Zinanzelele wena kanye lokufundisa kwakho; ukhuthale kulezizinto; ngoba ngokwenza njalo uzakuzisilisa wena kanye lalabo abakuzwayo.

1 uTimothi 5:22

Ungaphangisi ukubeka umuntu izandla, futhi ungahlanganyeli ezonweni zabanye; uzigcine wena ube mhlophe.

1 USamuyeli 8:9

Lalela ilizwi labo; kodwa ubaxwayise kakhulu, ubatshengise indlela inkosi ezakubabusa ngayo.