UHezekhiyeli 3:11 - iBhayibhili Elingcwele 1978

¹¹ Suka, uye ebantwini bakini abathunjiweyo, ukhulume kibo, loba bezakukuzwa loba bengayikukuzwa, uthi: Nanka amazwi eNkosi uNkulunkulu.

IBhayibhili Elingcwele LesiNdebele

¹¹ Hamba khathesi nje ebantwini belizwe lakini abasekuthunjweni ukhulume labo. Uthi kubo, ‘Nanku okutshiwo nguThixo Wobukhosi,’ loba bezalalela kumbe bangalaleli.”

UHezekhiyeli 3:11 Mawu Ofanana

U-Eksodasi 32:7

INkosi yasisithi kuMose: Suka wehle, ngoba abantu bakho owabakhupha eGibithe benzile okubi;

UJeremiya 29:20

Zwanini ilizwi leNkosi, lina lonke bathunjiweyo, engabasusa eJerusalema ngabasa eBabiloni.

UHezekhiyeli 2:4

Lalesisizukulwana engikuthuma kiso silukhuni, kasizwa lapho usithi kiso: Nanka amazwi eNkosi uNkulunkulu;

UHezekhiyeli 2:5

bazakwazi ukuthi kukhona umprofethi phakathi kwabo loba belalela, loba bengalaleli, ngoba bayisizwe esihlamukayo.

UHezekhiyeli 2:7

Uzakhuluma amazwi ami kibo, loba besizwa loba bengezwa; ngoba bayisizwe esihlamukayo.

UHezekhiyeli 20:27

Ngalokho, ndoda, khuluma labakoIsrayeli, uthi kibo: INkosi uNkulunkulu ithi: Lakulokho futhi okhokho benu bangihlambaza ngokungikhohlisa.

UHezekhiyeli 3:10

Futhi yathi kimi: Ndoda, wonke amazwi ami engiwatshoyo kuwe amukele enhliziyweni yakho, uwezwe ngendlebe zakho.

UHezekhiyeli 3:12

Umoya wasengiphakamisa; kwathi lapho ubukhosi beNkosi busuka endaweni yabo, ngezwa emva kwami umdumo unjengowokunyikinyeka komhlaba.

UHezekhiyeli 3:15

Ngafikake kwabathunjiweyo eTelabibi, ababehlala ngasemfuleni iKebari. Ngahlala phakathi kwabo insuku eziyisikhombisa ngithithibele.

UHezekhiyeli 3:27

Kodwa lapho sengikhuluma kuwe, ngizavula umlomo wakho, uzakuthi kibo: Nanka amazwi eNkosi uNkulunkulu. Lowo othanda ukuzwa kezwe; ongathandiyo ukuzwa angezwa; ngoba bayisizwe esihlamukileyo.

UHezekhiyeli 33:12

Wenake, ndoda, tshono ebantwini bakini uthi: Ukulunga kolungileyo kakuyikumkhulula uba esona; lobubi bomubi kabuyikumbulala uba etshiya ububi bakhe; lolungileyo kayikuphila ngokulunga kwakhe uba esona.

UHezekhiyeli 33:17

Kodwa abantu bakini bathi: Indlela yeNkosi kayilunganga; kanti ngezabo indlela ezingalunganga.

UHezekhiyeli 33:2

Ndoda, tshono kibo abantu bakini uthi: Uba ngiletha impi elizweni, labantu belizwe bathathe omunye phakathi kwabo, bambeke abe ngumlindi wabo,

UHezekhiyeli 33:30

Wenake, ndoda, abantu bakini bakhuluma ngawe emidulini laseminyango yezindlu, lowo lalowo uthi kumfowabo: Woza, sizwe ukuba ilizwi lithini elivela eNkosini.

UHezekhiyeli 37:18

Lapho abantu bakini besithi kuwe: Ungasitshela yini ukuba zitshoni lezi na?

UDanyeli 12:1

Ngalesosikhathi kuzavela uMikayeli, umbusi omkhulu olinda abantu bakini. Kuzakuba khona isikhathi sokuhlupheka esingazanga sibe khona kusukela ekuqaleni kwezizwe kuze kube ngalesosikhathi. Kodwa ngalesosikhathi bazakhululwa abantu bakini, bonke abalotshiweyo ogwalweni.

UDanyeli 6:13

Asephendula enkosini esithi: UDaniyeli lowo ongomunye wabathunjiweyo bakoJuda kakunanzi, wena nkosi, lomthetho owulobileyo, kodwa uyakhuleka kunkulunkulu wakhe kathathu ngosuku.

UDutheronomi 9:12

Yasisithi kimi: Phangisa wehle lapha, ngoba abantu bakho owabakhupha eGibithe bonile, baphambukile masinya endleleni engabalaya yona, bazenzela isithombe esibunjiweyo.