UHezekhiyeli 26:12 - iBhayibhili Elingcwele 1978

¹² Bazaphanga inotho yakho, bathathe impahla yakho ethengiswayo, badilizele phansi imiduli yakho, babhidlize izindlu zakho ezinhle, baphosele emanzini amatshe akho, lezigodo zakho lomhlabathi wakho.

IBhayibhili Elingcwele LesiNdebele

¹² Bazaphanga inotho yakho bathumbe impahla yakho ethengiswayo; bazadiliza imiduli yakho babhidlize lezindlu zakho ezinhle njalo baphosele amatshe akho, lezigodo kanye lenkunkuma elwandle.

UHezekhiyeli 26:12 Mawu Ofanana

2 ImiLando 32:27

UHezekiya wayenothile kakhulu elodumo, wazakhela izindlu zenotho, eyesiliva leyegolide leyamatshe aligugu leyamakha, lezindlu zezihlangu lazo zonke inhlobo zezitsha ezibiza imali enengi;

2 ImiLando 36:10

Ekuqaleni komnyaka inkosi uNebukadineza yathumela abantu ukuba alethwe eBabiloni, lezitsha eziligugu zethempeli; yabeka umfowabo uZedekiya ukuba abe yinkosi yakoJuda laseJerusalema.

U-Isaya 23:11

INkosi iselulele phezu kolwandle isandla sayo, inyikinyile imibuso; iNkosi ilayezile ngeKanani ukuba kuchithwe indawo zalo zokuthengisela.

U-Isaya 23:8

Ngubani omise lokhu ngeTire elingumuzi wamakhosi na? Abathengisi balo babeyizikhulu, labathengiselani balo babelodumo emhlabeni.

U-Isaya 32:12

Lizitshaye ezifubeni ngenxa yamasimu amahle, langenxa yezithelo zevini,

UJeremiya 25:34

Lilani, lina belusi, likhale, zibhuqeni emlotheni, lina zikhulu zomhlambi, ngoba insuku zokuhlatshwa kwenu lezokuhlakazeka sezifikile, lizakuwa njengenqama ezinhle.

UJeremiya 52:14

Kwathi yonke impi yamaKaladiya, eyayilenduna yabalindi, yabhidliza yonke imiduli ezingelezele iJerusalema.

UHezekhiyeli 26:5

Lizakuba yindawo yokuchayela amambule phakathi kolwandle, ngoba ngikhulumile, kutsho iNkosi uNkulunkulu. Lizakuba yimpango yezizwe,

UHezekhiyeli 28:8

Zizakukuphosela phansi egodini, ufe kubi enzikini yolwandle.

UDanyeli 11:8

Uzakuthumbela eGibithe onkulunkulu babo, lezithombe zabo zensimbi, lezitsha zabo eziligugu ezesiliva lezegolide. Okweminyaka eminengi kayikuba asayihlasela inkosi yasenyakatho.

UHosiya 13:15

Loba uIsrayeli ekhahlela phakathi kwemihlanga, kuzafika umoya wasempumalanga, isivunguvungu esivela eNkosini siphuma enkangala; imithombo yakhe izakutsha, kome lamaxhaphozi akhe; sithathe inotho yakhe, izinto zonke eziligugu.

uAmosi 5:11

Ngenxa yokuba linyathezela phansi abayanga, libize kibo isipho samabele, kaliyikuhlala kuzo izindlu zamatshe abaziweyo elizakhileyo; lihlanyela izivini ezinhle, kodwa kaliyikunatha iwayini lazo.

UNahume 2:9

Phangani isiliva, phangani igolide. Inotho yalo lezinto zalo ezinhle kazilakuphela.

UZakhariya 7:14

Ngabachithachitha phakathi kwezizwe zonke ababekade bengazazi. Ngakho ilizwe abalitshiyayo lachitheka, kakusadabulanga muntu kulo, lelizwe elihle laba yinkangala.