UHezekhiyeli 23:3 - iBhayibhili Elingcwele 1978

³ Bawula eGibithe, bawula ebutsheni babo, babanjwa amabele abo lamathangazi abo.

IBhayibhili Elingcwele LesiNdebele

³ Baba yizifebe eGibhithe, beqalise ubuwule kusukela ebutsheni babo. Kulelolizwe amabele abo abanjwabanjwa lengaphambili yabo yaphathwaphathwa.

UHezekhiyeli 23:3 Mawu Ofanana

UJeremiya 3:9

Ngoba ubufebe babuyinto elula kuye wangcolisa ilizwe ngokufeba kwakhe langokukhonza amatshe lezihlahla.

UHezekhiyeli 16:15

Kodwa wathemba ubuhle bakho, waba liwule ngenxa yodumo lwakho, wawula labo bonke abedlulayo.

UHezekhiyeli 16:22

Kuwo wonke amanyala akho lakukho konke ukuwula kwakho kawukhumbulanga insuku zobutsha bakho lapho wawunqunu, uqhatsha egazini lakho.

UHezekhiyeli 20:7

Ngathi kibo: Lahlani izinto ezenyanyekayo elizibukayo lina lonke, lingazigcolisi ngezithombe zaseGibithe. NgiyiNkosi uNkulunkulu wenu.

UHezekhiyeli 20:8

Kodwa bangihlamuka, kabaze bangilalela. Bonke kabazilahlanga izinto ezenyanyekayo ababezibuka, kabazitshiyanga lezithombe zaseGibithe. Ngasengisithi ngizakwehlisa ukuthukuthela kwami phezu kwabo, ngibaqede ngolaka lwami phakathi kwelizwe laseGibithe.

UHezekhiyeli 23:19

Kodwa wandisa ukuwula kwakhe, wakhumbula insuku zobutsha bakhe ezokuwula kwakhe elizweni laseGibithe,

UHezekhiyeli 23:21

Ngakho wena Oholiba watshisekela amanyala obutsha bakho lapho amaGibithe ayebamba amathangazi akho lamabele akho.

UHezekhiyeli 23:34

Uzakuyinatha uyibhije, uyiphahlaze ibe yizicucu, udabule amabele akho. Sengikhulumile, kutsho iNkosi uNkulunkulu.

UHezekhiyeli 23:4

Omdala wayethiwa nguOhola, lomnawakhe wayethiwa nguOholiba. Baba ngabami, bangizalela amadodana lamadodakazi. UOhola uliSamariya, loOholiba uliJerusalema.

UHezekhiyeli 23:43

Ngasengisithi: Yeka lo owesifazana osejwayele ukufeba! Sebezakufeba laye, bafebe laye yena lo.

UHezekhiyeli 23:8

Kakuyekelanga ukuwula kwakhe akwenza kusukela enzukwini zakhe eGibithe, ngoba ebutsheni bakhe amadoda alala laye, abamba amathangazi akhe, akholisa ukukhanuka kwawo kuye.

UHosiya 1:2

Lapho iNkosi iqalisa ukukhuluma ngoHoseya yathi kuye: Hamba uyethatha umfazi oliwule, uzale abantwana bokuwulwa; ngoba ilizwe leli liyawula kakhulu ngokudela iNkosi.

UHosiya 2:15

Laphoke ngizambuyisela izivini zakhe, ngenze isihotsha saseAkori, okutsho iNhlupheko, sibe nguMnyango wethemba. Uzaphendula lapho njengasensukwini zobutsha bakhe, njengasosukwini lokuphuma kwakhe eGibithe.

ULevi 17:7

Ngakhoke kabasayikuhlabela omoya ababi imihlatshelo yabo, ababesiya kubo ukuphinga sebengidela. Lokhu kuzakuba yisimiso esingelakuphela kubo ezizukulwaneni zabo.

UDutheronomi 29:16

Liyazi ngokuhlala kwethu elizweni laseGibithe langokudabula kwethu phakathi kwezizwe ekuhambeni kwethu;

UJoshuwa 24:14

Ngakhoke yesabeni iNkosi, liyikhonze ngobuqotho langeqiniso, lisuse onkulunkulu okhokho benu ababakhonza ngaphetsheya komfula iYufrathi laseGibithe, likhonze iNkosi.

Isambulo 11:8

Lezidumbu zabo zizakusala zidindilizile emigwaqweni yomuzi omkhulu othiwa ngokomoya iSodoma leGibithe, lapho iNkosi yabo yabethelwa khona.