UHezekhiyeli 22:7 - iBhayibhili Elingcwele 1978

⁷ Phakathi kwakho abazali benziwa inhlekisa, owezizweni uyacindezela phakathi kwakho, koniwe intandane lomfelwakazi.

IBhayibhili Elingcwele LesiNdebele

⁷ Phakathi kwakho iphathe uyise lonina ngokweyisa; phakathi kwakho incindezele abezizweni, njalo yaphatha kubi izintandane labafelokazi.

UHezekhiyeli 22:7 Mawu Ofanana

AmaHubo 94:5

Bayabaphohloza abantu bakho, Nkosi, behlupha isizwe sakho.

AmaHubo 94:6

Bayabulala abafelwakazi lezihambi, babulale lezintandane;

U-Eksodasi 20:12

Hlonipha uyihlo lonyoko, ukuze zibe zinengi insuku zokuhamba kwakho elizweni ekunika lona iNkosi uNkulunkulu wakho.

U-Eksodasi 21:17

Othuka uyise ingabe unina, uzakubulawa.

U-Eksodasi 23:9

Kawuyikumcindezela umuntu wezizweni; ngoba liyayazi inhliziyo yomuntu wezizweni lokhu lani lalingabezizweni elizweni laseGibithe.

Izaga 20:20

Uba umuntu ethuka uyise loba unina, ukukhanya kwakhe kuzakucitshwa.

Izaga 30:11

Kukhona labo abathuka oyise, abangabongi onina.

Izaga 30:17

Amehlo omuntu oklolodela uyise lodelela ubudala bukanina azakukhutshwa ngamawabayi, loba adliwe ngamanqe.

U-Isaya 1:17

lifunde ukwenza okuhle, lidinge okufaneleyo, lisize abacindezelweyo, livikele izintandane, limele umfelwakazi.

U-Isaya 1:23

Izikhulu zakho zingabahlamuki labangane bamasela; zithanda ukwamukela umvuzo wokuthengwa, zigijimela izipho; kazivikeli izintandane, lendaba yomfelwakazi kayifinyeleli kuzo.

UJeremiya 7:6

uba lingacindezeli owezizweni, lentandane, lomfelwakazi, lingachithi igazi elingelacala, lingakhonzi abanye onkulunkulu ukuba lizilimaze ngalokho,

UHezekhiyeli 18:12

icindezela abayanga labaswelayo, iphanga abantu, ingabuyiseli isibambiso, iphakamisela amehlo ayo ezithombeni, yenze amanyala,

UHezekhiyeli 22:25

Izikhulu eziphakathi kwalo zifana lezilwane ezibhongayo leziphangayo; zibadlile abantu; zathatha inotho lezinto eziligugu; zenza abanengi baba ngabafelwakazi phakathi kwalo.

UHezekhiyeli 22:29

Abantu belizwe bayaqilibezela, baphange abanye, bahluphe abayanga labaswelayo, bacindezele kakhulu abezizweni.

ULevi 20:9

Wonke umuntu othuka uyise ingabe unina uzakubulawa; uthukile uyise ingabe unina, ngakho ufanele ukufa.

UZakhariya 7:10

lingacindezeli umfelwakazi lentandane lowezizweni lomyanga, kungabi khona loyedwa wenu owenza amacebo amabi enhliziyweni yakhe ngomfowabo.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

UMakho 7:10

Ngoba uMose wathi: Hlonipha uyihlo lonyoko; lokuthi: Okhuluma kubi ngoyise ingabe ngonina kafe lokufa;

UDutheronomi 24:17

Ungonakalisi ukwahlulelwa kowemzini lentandane; ungathathi ingubo yomfelwakazi ibe yisibambiso;

UDutheronomi 27:16

Kaqalekiswe odumaza uyise lonina. Bonke abantu bazakuthi: Ameni.

UDutheronomi 27:19

Kaqalekiswe owonakalisa ukwahlulelwa kowemzini lentandane lomfelwakazi. Bonke abantu bazakuthi: Ameni.

UDutheronomi 5:16

Hlonipha uyihlo lonyoko, njengokukulaya kweNkosi uNkulunkulu wakho, ukuba uphile isikhathi eside, lokuba kukulungele elizweni iNkosi uNkulunkulu wakho ekunika lona.