UHezekhiyeli 22:4 - iBhayibhili Elingcwele 1978

⁴ Wena ulecala ngegazi olichithileyo, usungcoliswe yizithombe ozenzileyo, ulusondezile eduze usuku lwakho, lesikhathi esimisiweyo seminyaka yakho sifikile. Ngalokho ngikwenzile waba lihlazo ezizweni lenhlekisa emazweni wonke.

IBhayibhili Elingcwele LesiNdebele

⁴ usube lecala ngenxa yegazi olichithileyo njalo usungcoliswe yizithombe ozenzileyo. Usulethe insuku zakho ekupheleni, lesiphetho seminyaka yakho sesifikile. Ngakho ngizakwenza ube yinto yokuklolodelwa ezizweni lenhlekisa emazweni wonke.

UHezekhiyeli 22:4 Mawu Ofanana

1 AmaKhosi 9:7

ngizakumqeda uIsrayeli elizweni engimnike lona, lendlu engiyahlukanisele ibizo lami ngizayichitha phambi kwami, uIsrayeli abe yisiga lento yokuhaywa phakathi kwezizwe zonke.

2 AmaKhosi 21:16

Futhi uManase uchithile igazi elinengi elingelacala waze waligcwalisa iJerusalema kusukela ekuqaleni kwalo kuze kube sekucineni, ngaphandle kwezono enza ngazo uJuda ukuba one, baze benza okubi phambi kwami.

2 ImiLando 7:20

ngizakulisiphula elizweni engalinika lona, lalindlu engiyahlukanisele ibizo lami ngiyichithe phambi kwami, ngiyenze ibe yisiga lento yokuhaywa phakathi kwezizwe zonke.

AmaHubo 79:4

Sesiphenduke inhlamba kwabakhelene lathi, siyahlekwa, siklolodelwe yilabo abasiphahlileyo.

UJeremiya 18:16

benza ilizwe labo laba ngelesabekayo lento yokuncifelwa kuze kube nininini; bonke abedlula khona bayethuka, banikina amakhanda abo.

UJeremiya 24:9

Ngizakubenza babe yinto eyesabekayo kuyo yonke imibuso yomhlaba, babe lihlazo, lesiga, lenhlekisa, lesiqalekiso kuzo zonke indawo engibaxotshele kuzo.

UJeremiya 44:8

Kungani lingithukuthelisa ngezithombe zenu, litshisela abanye onkulunkulu impepha eGibithe lapho selihlala khona, ukuze libhujiswe, liphenduke into yokuthukwa leyokuhlekwa phakathi kwazo zonke izizwe zasemhlabeni na?

UHezekhiyeli 16:57

kungabonakali ububi bakho na? Khathesike usuphenduke waba njengalo, usuyinto yokuthukwa ngamadodakazi aseEdoma labo bonke abakhelene lalo, lamadodakazi aseFilistiya, abakuhanqileyo labakuzondayo.

UHezekhiyeli 21:28

Wena, ndoda, tshumayela uthi: INkosi uNkulunkulu ithi ngamaAmoni ahleka uIsrayeli: Umkhonto, umkhonto usuhwatshelwe ukubulala, walolongwa ukuba ukhazimule, uphazime njengombane.

UHezekhiyeli 22:2

Wena ndoda, uzawuthonisisa, uwuthonisise umuzi ogcwele igazi na? Wazise zonke izenzo zawo ezenyanyekayo.

UHezekhiyeli 23:32

INkosi uNkulunkulu ithi: Uzanatha inkezo kadadewenu ezikileyo lebanzi; uzahlekwa ube yinhlekisa, ngoba igcwele okunengi;

UHezekhiyeli 23:7

Wawula labo, ikhethelo labantu baseAsiriya; wazingcolisa ngazo zonke izithombe zabo bonke ayebakhanuka.

UHezekhiyeli 24:7

Ngoba igazi umuzi olichithileyo lisekhona kuwo, ulithululele phezu kwedwala, kawulichithelanga phansi ukuligqibela ngomhlabathi.

UHezekhiyeli 24:8

Ukuba kuvuswe ukuthukuthela kwami, ukuba kuphindisele, ngichithele phezu kwedwala igazi olichithileyo ukuze lingagqitshelwa.

UHezekhiyeli 36:15

Kangisayikuliyekela lizwe inhlamba yezizwe futhi, kalisayikuthwala ihlazo labantu loba likhubekise isizwe sakini, kutsho iNkosi uNkulunkulu.

UDanyeli 9:16

Nkosi, ngakho konke ukulunga kwakho dedisa ulaka lwakho lokuthukuthela kwakho emzini waseJerusalema, entabeni yakho engcwele. Ngoba ngenxa yezono zethu langobubi babokhokho iJerusalema labantu bakho bayisiga phakathi kwabo bonke abasihanqileyo.

ULevi 26:32

Ngizakuchitha ilizwe ukuba izitha zenu ezihlala kulo zimangaliswe yilo.

AmaNani 32:14

Khangelani, selilingisa oyihlo, ngoba liyinzalo yabantu abonayo, liyavusa futhi intukuthelo yeNkosi evuthela uIsrayeli.

UDutheronomi 28:37

Lizakuba yinto eyesabekayo, lesiga, lehlazo phakathi kwabantu bonke lapho iNkosi izakulisa khona.

UDutheronomi 29:24

bazabuza bonke besithi: INkosi yenzeleni lokhu kulelilizwe na? Kutsho ukuthini ukuvutha kwalolulaka olukhulu na?

1 AbaseThesalonika 2:16

besivimbela ukutshumayeza abezizwe ukuba basiliswe. Bayakwenza lokhu ukuze bagcwalise ubunengi bezono zabo; kodwa ulaka lukaNkulunkulu selufinyelele phezu kwabo.