UHezekhiyeli 19:11 - iBhayibhili Elingcwele 1978

¹¹ Isigodo saso esiqinileyo saba yintonga yombusi; isihlahla sasiside siphakeme phakathi kwengatsha eziqatha, sibonakala ngobude baso langobunengi bengatsha zaso.

IBhayibhili Elingcwele LesiNdebele

¹¹ Ingatsha zaso zaziqinile zifanele intonga yombusi. Sasiphakeme siphezulu le ngaphezu kwamahlamvu aminyeneyo, sibonakala ngobude baso langezingatsha zaso ezinengi.

UHezekhiyeli 19:11 Mawu Ofanana

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

1 AmaKhosi 5:1

UHiramu inkosi yaseTire esezwile ukuthi uSolomoni ugcotshiwe ukuba abe yinkosi esikhundleni sikayise, wathumela inceku zakhe kuye, ngoba uHiramu wayethandana loDavida.

U-Ezra 4:20

Amakhosi alamandla ake aba khona eJerusalema abusa ilizwe lonke elingaphetsheya komfula iYufrathi, kwathelwa kuwo imithelo.

U-Ezra 5:11

Bona basiphendula bathi: Thina siyizinceku zikaNkulunkulu wezulu lomhlaba, sivusa indlu eyayakhiwe eminyakeni eminengi eyedlulileyo, inkosi enkulu yakoIsrayeli eyayakha yayiqeda.

AmaHubo 110:2

Intonga yobukhosi bakho iNkosi izakuyelula iseZiyone. Ithi: Busa wena phakathi kwezitha zakho.

AmaHubo 80:15

eliyisihlahla esahlanyelwa yisandla sakho sokunene.

AmaHubo 80:17

Kodwa isandla sakho kasivikele umuntu wesandla sakho sokunene, umuntu oziqinisele yena.

U-Isaya 11:1

Kuzakuvela ihlumela esidindini sikaJese, kuphume ugatsha empandeni zakhe.

UHezekhiyeli 19:12

Kodwa isihlahla sevini sasitshunwa ngokuthukuthela, saphoselwa phansi, lomoya wasempumalanga wasomisa, lezithelo zaso zaphephuka, isigodo saso esiqinileyo soma, umlilo wasitshisa.

UHezekhiyeli 19:14

Umlilo ulumethe esigodweni saso, watshisa ingatsha zaso lezithelo zaso, ukuze kungasali isigodo esiqinileyo sokwenza intonga yombusi. Lesi yisililo esesisetshenziswa.

UHezekhiyeli 21:10

ulolelwe ukubulala, walolongelwa ukuphazima njengombane. Intonga iyagwetshwa, ndodana yami, ukudelela zonke izithombe zesigodo.

UHezekhiyeli 21:13

ngoba kuyikuhlolwa — phoke, kuzakuba njani uba kungesiyo sibili intonga yokudelela na? kutsho iNkosi uNkulunkulu.

UHezekhiyeli 31:3

Ngizakukufanisa lomkusu oseLebanoni, olengatsha ezinhle ezinika umthunzi eguswini, omude kakhulu, olezihloko ezifinyelela emayezini.

UDanyeli 4:11

Isihlahla sakhula, saqina, isicholo saso safinyelela ezulwini, sabonakala emhlabeni wonke.

ULevi 23:40

Ngosuku lokuqala thathani izithelo zezihlahla ezinhle, lezingatsha zamalala, lezingatsha zezihlahla ezilamahlamvu amanengi, lemidubu yemifula, lithabe phambi kweNkosi uNkulunkulu wenu insuku eziyisikhombisa.

AmaNani 24:17

Lona lithi: Ngiyambona, kodwa kungekhathesi, ngiyambona, kodwa kungeseduze; inkanyezi izakuvela kuJakobe, lentonga yobukhosi izakuvuka koIsrayeli, ichoboze ikhanda likaMowabi, lenkakhayi zawo wonke amadodana kaShethi.