UHezekhiyeli 18:18 - iBhayibhili Elingcwele 1978

¹⁸ Uyiseke, ngoba ecindezele, waphanga umfowabo, wenza okungalunganga phakathi kwabantu bakibo, uzakufa ngenxa yezono zakhe.

IBhayibhili Elingcwele LesiNdebele

¹⁸ Kodwa uyise uzafela izono zakhe yena ngokwakhe, ngoba wabamba ngamandla, waphanga umfowabo wenza okubi ebantwini bakibo.

UHezekhiyeli 18:18 Mawu Ofanana

UmTshumayeli 5:8

Uba ubona elizweni ukucindezelwa kwabayanga lokusweleka kokulunga lokwahlulela, kungakumangalisi okwenziwayo, ngoba zonke induna zibekelwe abakhulu ukuzikhangela, lomkhulu kulabo bonke uyabakhangela bonke.

U-Isaya 3:11

Maye komubi! Kuzakuba kubi kuye, ngoba lokho okwenziwe ngezandla zakhe kuzakwenziwa lakuye.

UHezekhiyeli 18:17

izinqande kokubi, ingathathi inzuzo lomvuzo, igcine imithetho yami, ihambe ngezimiso zami, kayiyikufela izono zikayise, kodwa izakuphila impela.

UHezekhiyeli 18:19

Kanti lina lithi: Kungani indodana ingahlupheki ngenxa yezono zikayise na? Nxa indodana isikwenzile okufaneleyo lokulungileyo, isigcinile izimiso zami, izakuphila impela.

UHezekhiyeli 18:20

Lowomuntu owonayo uzakufa. Indodana kayiyikuhlupheka ngenxa yezono zikayise, loyise kayikuhlupheka ngenxa yezono zendodana. Olungileyo uzavuna umvuzo wokulunga kwakhe, lomubi avune umvuzo wobubi bakhe.

UHezekhiyeli 18:24

Kodwa nxa olungileyo ephambuka ekulungeni kwakhe, enze okubi, enze amanyala enziwa ngomubi, uzakuphila na? Izenzo zakhe zonke ezilungileyo abezenzile kazisayikukhunjulwa; ngenxa yenkohliso alecala ngayo, lesono asenzileyo, uzakufa.

UHezekhiyeli 18:26

Lapho umuntu olungileyo ephambuka ekulungeni kwakhe, enze okubi, uzakufa ngenxa yakho; yebo, ngenxa yobubi abenzileyo uzakufa.

UHezekhiyeli 18:4

Konke ukuphila ngokwami; ukuphila kukayise kanye lokuphila komntwana kungokwami. Lowomuntu owonayo uzakufa.

UHezekhiyeli 3:18

Lapho ngisithi komubi: Uzakufa impela; wena uba ungamxwayisi, loba ungakhulumi ukumxwayisa omubi endleleni yakhe embi ukuze aphephe, lowomuntu omubi uzafela ebubini bakhe; kodwa igazi lakhe ngizalibiza kuwe.

UJohane 8:21

Wasesithi kibo futhi: Ngiyahamba mina, lizakungifuna, kodwa lizakufela esonweni senu; lapho ngiya khona mina, lingeze leza lina.

UJohane 8:24

Ngakhoke ngithe kini: Lizakufela ezonweni zenu; uba lingakholwa ukuthi nginguye lizakufela ezonweni zenu.