UHezekhiyeli 17:9 - iBhayibhili Elingcwele 1978

⁹ Wothi: INkosi uNkulunkulu ithi: Kambe ivini leli lizaphumelela na? Ukhozi kaluyikusiphuna impande zalo, lwaphule ingatsha zalo, ukuba wonke amahlamvu alo amatsha ahlumayo abune na? Kakuyikudinga amandla labantu abanengi ukulisiphuna.

IBhayibhili Elingcwele LesiNdebele

⁹ Wothi kubo, ‘Nanku okutshiwo nguThixo Wobukhosi: Kambe lizakhula kuhle na? Kaliyikusitshunwa izithelo zalo ziqhululwe ukuba libune na? Wonke amahlumela alo azabuna. Akuyikusweleka ingalo elamandla kumbe abantu abanengi ukuba balisiphune.

UHezekhiyeli 17:9 Mawu Ofanana

2 ImiLando 13:12

UNkulunkulu ulathi, ungumholi wethu, labapristi bakhe bakhona ukukhalisa impondo ukusibizela ekulweni lani. Madoda akoIsrayeli, musani ukulwa leNkosi, uNkulunkulu wabokhokho benu, ngoba lingeke liphumelele.

2 ImiLando 20:20

Basebevuka ekuseni, baya enkangala yaseTekowa; ekuphumeni kwabo uJehoshafati wema wathi kibo: Ngilalelani lina abakoJuda labaseJerusalema. Thembani iNkosi uNkulunkulu wenu, lizakuqina; likholwe abaprofethi bayo, lizaphumelela.

UJeremiya 32:5

izakumthatha uZedekiya, imuse eBabiloni, ahlale khona ngize ngimhambele mina, kutsho iNkosi; lanxa usilwa lamaKaladiya, kawuyikuphumelela?

UJeremiya 37:10

Loba liyahlula impi yonke yamaKaladiya alwayo lani, kusale nje abantu abalimeleyo, bazasukuma bonke baphume emathenteni abo, bawutshise lumuzi ngomlilo.

UHezekhiyeli 17:10

Nxa selisitshuniwe, lizaphumelela na? Kaliyikubuna yini nxa umoya wasempumalanga ulibetha, libunele endaweni elakhula kiyo na?

UHezekhiyeli 17:8

lwalisa emhlabathini omuhle ngasemanzini amanengi ukuba likhuphe ingatsha, lithele isithelo, libe livini elihle.

uAmosi 2:9

Kanti mina ngachitha amaAmori phambi kwabo, ubude bawo babulingana lobude bezihlahla zomkusu ezinde, lokuqina kwawo kunjengezihlahla ezinkulu; kodwa ngachitha izithelo zawo ngaphezulu, lempande zawo ngaphansi.

AmaNani 14:41

Kodwa uMose wathi: Lephulelani umlayo weNkosi? Kaliyikuphumelela.