UHezekhiyeli 17:4 - iBhayibhili Elingcwele 1978

⁴ lwephula insaba zawo eziphezulu, lwazithatha lwazisa elizweni labathengi, lwazibeka emzini wabathengisi.

IBhayibhili Elingcwele LesiNdebele

⁴ yephula ihlumela elalingaphezu kwawo wonke yalisa elizweni labathengisi lapho eyalihlanyela khona edolobheni labathengisi.

UHezekhiyeli 17:4 Mawu Ofanana

2 AmaKhosi 24:12

UJehoyakini inkosi yakoJuda wazinikela enkosini yaseBabiloni yena lonina lezinceku zakhe lezinduna zakhe labathenwa bakhe. Inkosi yaseBabiloni yamthumba ngomnyaka wesificaminwembili wokubusa kwakhe,

U-Isaya 43:14

INkosi, uMhlengi wenu, oNgcwele kaIsrayeli, ithi: Ngenxa yenu ngizathumela impi eBabiloni, ngaphule yonke imigoqo yamasango omuzi, kuthi ukuthokoza kwamaKaladiya kuphenduke kube yisililo.

U-Isaya 47:15

Banjaloke labo osebenze labo, ababambisana lawe kusukela ebutsheni bakho; bayazulazula, kube yilowo lalowo ngendlela yakhe; kungabi khona okusizayo.

UJeremiya 24:1

Ngemva kokuba uNebukadineza inkosi yaseBabiloni esethumbile eJerusalema uJekoniya indodana kaJehoyakimi, inkosi yakoJuda, kanye lezikhulu zakoJuda, lezingcitshi zemisebenzi, labakhandi, wabasa eBabiloni, iNkosi yangitshengisa lumbono, izitsha ezimbili zilomkhiwa zibekwe phambi kwethempeli leNkosi.

UJeremiya 51:13

Wena muzi ohlala ngasemanzini amanengi, olenotho enengi, ukuphela kwakho sekufikile, kuqunyiwe ukuphila kwakho.

UHezekhiyeli 17:3

uthi: INkosi uNkulunkulu ithi: Ukhozi olukhulu olulempiko ezinkulu lensiba ezinde, lensiba ezinengi zemibala eminengi, lwafika eLebanoni, lwathatha isihloko sesihlahla somkusu,

UHezekhiyeli 17:5

Lwaseluthatha inhlanyelo yalelolizwe, lwayihlanyela emhlabathini ovundileyo, lwayibeka ngasemanzini amanengi. Lwayigxumeka njengosaba lomdubu,

UHezekhiyeli 31:3

Ngizakukufanisa lomkusu oseLebanoni, olengatsha ezinhle ezinika umthunzi eguswini, omude kakhulu, olezihloko ezifinyelela emayezini.

Isambulo 18:3

ngoba izizwe zonke zidakiwe liwayini lokungcola kwalo, lamakhosi omhlaba aphingile lalo, labathengisi bomhlaba banothiswe yinotho yalo enkulu.