UHezekhiyeli 17:23 - iBhayibhili Elingcwele 1978

²³ ngilihlanyele engqongeni yentaba koIsrayeli, likhuphe ingatsha, lithele izithelo, libe ngumkusu omuhle; inyoni zenhlobo zonke zizalala ngaphansi kwawo, zilale emthunzini wengatsha zawo.

IBhayibhili Elingcwele LesiNdebele

²³ Ngizalihlanyela ezingqongeni zentaba yako-Israyeli; lizaveza ingatsha lithele lezithelo njalo libe ngumsedari omuhle. Izinyoni zezinhlobo zonke zizakwakhela izidleke zazo kuwo; zizathola ukusitheka emthunzini wezingatsha zawo.

UHezekhiyeli 17:23 Mawu Ofanana

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

AmaHubo 80:8

Walikhupha ivini eGibithe, wazixotsha izizwe, walihlanyela lona.

Ingoma 5:15

Imilenze yaso izinsika zelitshe elilukhuni ezisezisekelweni zegolide elihle. Ukubukeka kwaso kunjengeLebanoni, kuhle njengemikusu.

U-Isaya 2:2

Kuzakuthi ensukwini ezizayo intaba yendlu yeNkosi iphakanyiswe phezu kwazo zonke intaba, yengame wonke amaqaqa; zonke izizwe zizabekelela ziye kuyo,

U-Isaya 27:6

Kuzakuthi ensukwini ezizayo uJakobe agxumeke, loIsrayeli ahlume, akhahlele, agcwalise umhlaba wonke ngezithelo.

U-Isaya 49:18

Phakamisa amehlo akho inxa zonke ubone; bonke bayabuthana, beze kuwe. INkosi ithi: Ngiyazifunga, uzakubagqiza bonke njengamangqongqo, uzicecise ngabo njengomlobokazi.

UJeremiya 31:12

Bazakuza bahlabele entabeni yaseZiyone, bazathokoza kakhulu ngokuhle kweNkosi, ngamabele lewayini, langamafutha, bathokoze ngamazinyane ezimvu, langamathole enkomo; ukuphila kwabo kube njengensimu ethelelwayo, bangabe besaba losizi futhi.

UHezekhiyeli 20:40

Ngoba entabeni engcwele, entabeni ende yakoIsrayeli, kutsho iNkosi uNkulunkulu, lapho bonke abakoIsrayeli, bonke ngoluthi lwabo, bazangikhonza elizweni; ngizabamukela khona, ngibize khona iminikelo yenu, leziphiwo zenu ezinhle, lakho konke okungcwele kwenu.

UHezekhiyeli 31:6

Zonke inyoni zaphezulu zakhela izidleke zazo engatsheni zawo, lenyamazana zonke zeganga zazalela ngaphansi kwengatsha zawo, langaphansi komthunzi kwahlala izizwe zonke ezinkulu.

UHezekhiyeli 36:8

Kodwa, lina zintaba zakoIsrayeli, lizahluma ingatsha zenu, livezele abantu bami uIsrayeli izithelo, ngoba sebezakubuya ekhaya.

UHezekhiyeli 40:2

Ngombono uNkulunkulu wangisa elizweni lakoIsrayeli, wangibeka phezu kwentaba ende kakhulu, lapho engabona khona okwakungathi yizindlu zomuzi kuphambi kwami.

UDanyeli 4:8

Ekucineni uDaniyeli wafika kimi, lowo owathiwa ibizo likankulunkulu wami lokuthi uBeliteshazari, yena olomoya wabonkulunkulu abangcwele; ngamtshela iphupho ngathi:

UDanyeli 4:9

Wena Beliteshazari, nduna yezanuse, ngoba ngiyazi ukuba ulomoya wabonkulunkulu abangcwele, lokuba kakulamfihlakalo ekwahlulayo, nanti iphupho engiliphuphileyo; ngitshela incazelo yalo.

UHosiya 14:7

Bazabuya bahlale emthunzini wami, batshaye inala yamabele, bakhahlele njengevini, babe lodumo njengewayini laseLebanoni.

UHosiya 14:8

UEfrayimi uselendaba lezithombe na? Mina ngiyamphendula ngimcinge. Mina nginjengephane elihlala liluhlaza, izithelo zakhe zivela kimi.

UMikha 4:1

Kuzakuthi ensukwini ezizayo intaba yendlu yeNkosi iphakanyiswe phezu kwazo zonke intaba, yengame wonke amaqaqa; abantu bazakubekelela baye kuyo,

UMatewu 13:32

lona kambe luncinyane kulazo zonke inhlamvu, kodwa nxa selukhulile lukhulu kulezihlahla zonke luba yisihlahla kuze kufike inyoni zaphezulu, zakhele engatsheni zaso.

UMakho 4:32

kodwa nxa seluhlanyelwe lumila lukhule lube lukhulu ukudlula izihlahlana zonke, lukhuphe ingatsha ezinkulu, ukuze inyoni zaphezulu zakhele emthunzini wazo.

ULukha 13:19

Ufana lohlamvu lwemastade umuntu aluthatha, waluhlanyela ensimini yakhe, lwamila, lwaba yisihlahla, lenyoni zaphezulu zakhela izidleke zazo engatsheni zaso.

UJohane 12:24

Ngiqinisile, ngiqinisile ngithi kini: Uba uhlamvu lwebele luwela emhlabathini lungafi, luhlala lodwa; kodwa aluba lusifa, luyathela izithelo ezinengi.

AbaseGalathiya 3:28

Kakukho umJuda lomGriki, kakukho obotshiweyo lokhululekileyo, kakukho owesilisa lowesifazana; ngoba lina lonke limunye kuKristu Jesu.

AbaseKholose 3:11

Lapho kakukho umGriki lomJuda, osokileyo longasokanga, owezizwe lomSikethiya, isigqili lokhululekileyo; kodwa uKristu uyikho konke, ukibo bonke.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.