UHezekhiyeli 16:6 - iBhayibhili Elingcwele 1978

⁶ Nxa ngidlula ngakubona uqhatsha egazini lakho, ngakhuluma lawe usegazini lakho, ngakutshela ukuba uphile.

IBhayibhili Elingcwele LesiNdebele

⁶ Kwathi lapho ngidlula eduze ngakubona uqhatshaqhatsha phakathi kwegazi lakho, njalo kwathi ulele phakathi khonapho kwegazi lakho ngathi kuwe, “Phila!”

UHezekhiyeli 16:6 Mawu Ofanana

U-Isaya 14:19

kodwa wena uphoselwe ngaphandle ungangcwatshwanga, njengento enengekayo yesisu esiphumileyo, welekwa ngabafileyo ababulewe empini, abaphoselwa phansi emgodini olamatshe, njengesidumbu esinyathelwe ngenyawo.

U-Isaya 51:23

ngizakuyinika abakuhluphayo, abathi kuwe; Cambalala, ukuze sidlule phezu kwakho; wasusenza umhlane wakho ube njengomhlabathi, lanjengendlela yokuba bahambe ngayo.

UHezekhiyeli 16:22

Kuwo wonke amanyala akho lakukho konke ukuwula kwakho kawukhumbulanga insuku zobutsha bakho lapho wawunqunu, uqhatsha egazini lakho.

UHezekhiyeli 16:5

Kakho owaba lomusa kuwe ukuba akwenzele lezizinto; kakho lowakuthandayo. Kodwa walahlelwa egangeni, ngoba wawunengeka osukwini owazalwa ngalo.

UHezekhiyeli 16:7

Ngakuhlakulela njengesihlahla esiluhlaza esikhulayo egangeni. Waqina wakhula, waba ngowesifazana opheleleyo, waphuhla, lenwele zakho zakhula; kodwake wawulokhu unqunu.

UMikha 7:10

Isitha sami sizakukubona, zimbambe inhloni yena owathi kimi: Ingaphi iNkosi uNkulunkulu wakho na? Ngizathokoza nxa ngimbona esenyathelwe phansi njengodaka lwendlela.

UMatewu 5:13

Lina lilitshwayi emhlabeni; kodwa uba itshwayi seliduma, lizakuvuselelwa ngani na? Kalisasizi lutho, kuphela ukulahlwa ngaphandle, linyathelwe ngabantu.

UJohane 5:25

Ngiqinisile, ngiqinisile ngithi kini: Isikhathi siyeza, njalo sesikhona, lapho abafileyo bazakulizwa ilizwi leNdodana kaNkulunkulu; labo abezwayo bazakuphila.

Imisebenzi 7:34

Ngikubonile impela ukuhlutshwa kwabantu bami abaseGibithe, ngizwile ukububula kwabo; ngehlile ukuba ngibakhulule. Wozake, ngizakukuthuma eGibithe.

AbaseRoma 9:15

Ngoba uthi kuMose: Ngizakumhawukela engifisa ukumhawukela; ngizakuba lomusa kwengifisa ukuba lomusa kuye.

UDutheronomi 9:4

Lapho iNkosi uNkulunkulu wakho isibaxotshile phambi kwakho, ungabokutsho enhliziyweni yakho ukuthi: Kungenxa yokulunga kwami okwenze iNkosi ingingenise elizweni leli ukulithumba. Kodwa kungenxa yobubi balezizizwe iNkosi ezixotsha phambi kwakho.

AmaHebheru 10:29

Pho, lithi ufanele ukutshaywa okungakanani lowo onyathela phansi iNdodana kaNkulunkulu, edelela igazi lesivumelwano enziwe waba ngcwele ngalo, ehlambaza uMoya womusa, na?

Isambulo 14:20

Isikhamelo sanyathelwa ngaphandle komuzi; kwaphuma igazi esikhamelweni, lakhula laze lafika ematomini amabhiza, lahamba amakhilomitha angamakhulu amathathu.