UHezekhiyeli 16:5 - iBhayibhili Elingcwele 1978

⁵ Kakho owaba lomusa kuwe ukuba akwenzele lezizinto; kakho lowakuthandayo. Kodwa walahlelwa egangeni, ngoba wawunengeka osukwini owazalwa ngalo.

IBhayibhili Elingcwele LesiNdebele

⁵ Kakho owaba lozwelo kuwe loba owaba lesihawu ukuba akwenzele okunye kwalezizinto. Kodwa waphoselwa etshatshalazini leganga, ngoba ngosuku owazalwa ngalo weyiswa.

UHezekhiyeli 16:5 Mawu Ofanana

UGenesisi 21:10

Ngakhoke wathi kuAbrahama: Sixotshe lesisigqilikazi lendodana yaso; ngoba indodana yalesisigqilikazi kayisoze idle ilifa kanye lendodana yami uIsaka.

U-Eksodasi 1:22

UFaro wabalaya bonke abantu bakhe wathi: Wonke amadodana azalwayo koIsrayeli alibowaphosela emfuleni, kodwa wonke amadodakazi alibowayekela aphile.

U-Isaya 49:15

Kambe owesifazana angamkhohlwa umntanakhe omunyayo, angabi lasihawu kuyo indodana yesisu sakhe na? Yebo, mhlawumbe angamkhohlwa; kodwa mina ngingeke ngikukhohlwe wena.

UJeremiya 22:19

Uzangcwatshwa njengobabhemi; uzahudulwa, alahlwe ngaphandle kwamasango eJerusalema.

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

Izililo 2:19

Vuka, ukhale ebusuku, ekuqaleni kwemilindo, uvule inhliziyo yakho yonke phambi kweNkosi, uphakamisele izandla zakho kuyo, ngenxa yokuphila kwabantwana bakho, ababulawa yindlala ekuhlanganeni kwendlela zonke.

Izililo 4:10

Izandla zabesifazana abalesihawu zapheka abantwana babo, baba yikudla kwabo ekubhujisweni kwabantu bami.

Izililo 4:3

Lamakhanka ayehlisa, amunyise imidlwane yawo, kodwa abantu bami sebelesihluku njengezintshe zasenkangala.

UHezekhiyeli 16:6

Nxa ngidlula ngakubona uqhatsha egazini lakho, ngakhuluma lawe usegazini lakho, ngakutshela ukuba uphile.

UHezekhiyeli 2:6

Ndoda, ungabesabi, ungawesabi lamazwi abo, lanxa usemeveni, uhlezi phezu kwabofezela. Ungawesabi amazwi abo, ungabesabi, ngoba bayisizwe esihlamukayo.

AmaNani 19:16

Yilowo lalowo othinta umuntu obuleweyo empini egangeni, loba isidumbu sozifeleyo, loba ithambo lomuntu, loba iliba, uzakuba ngongcolileyo insuku eziyisikhombisa.

UDutheronomi 32:10

Wamfumana elizweni eliyinkangala, enkangala elezilo ezibhongayo. Wamphahla, wamlondoloza, wamgcina, waba ligugu kuye.