UHezekhiyeli 14:4 - iBhayibhili Elingcwele 1978

⁴ Ngakhoke khuluma kuwo uthi: INkosi uNkulunkulu ithi: Bonke abakoIsrayeli abanikela inhliziyo zabo ezithombeni zabo, abathanda ukukhangela izinto ezimbi ezibakhubayo, kodwa beze kumprofethi, mina Nkosi uqobo ngizabaphendula ngenxa yobunengi bezithombe zabo,

IBhayibhili Elingcwele LesiNdebele

⁴ Ngakho khuluma labo ubatshele uthi, ‘Nanku okutshiwo nguThixo Wobukhosi: Lapho loba nguphi umʼIsrayeli ebeka izithombe enhliziyweni yakhe, afake lesikhubekiso esibi phambi kobuso bakhe abesesiyaphrofetha, mina Thixo ngizamphendula mina ngokwami ngokuhambelana lokukhonza kwakhe izithombe okukhulu.

UHezekhiyeli 14:4 Mawu Ofanana

2 AmaKhosi 1:16

wathi kuyo: INkosi uNkulunkulu ithi: Ngoba uthume izithunywa ukuyabuza kuBali‐Zebubi, unkulunkulu waseEkroni, kawuyikuvuka embhedeni olele kuwo; uzafela khona.

U-Isaya 3:11

Maye komubi! Kuzakuba kubi kuye, ngoba lokho okwenziwe ngezandla zakhe kuzakwenziwa lakuye.

U-Isaya 66:4

Ngakhoke ngizakubakhethela inhlupheko, ngibehlisele lokho abakwesabayo; ngoba ekubizweni kwami kakho owasabelayo, lasekukhulumeni kwami kabalalelanga; kodwa benza okubi emehlweni ami, bakhetha lokho engingakuthandiyo.

UHezekhiyeli 14:3

Ndoda, lamadoda anikele inhliziyo zawo ezithombeni zawo, athanda ukukhangela izinto ezimbi eziwakhubayo. Ngizavuma ukubuzwa yiwo na?

UHezekhiyeli 14:6

Ngakhoke tshono kuIsrayeli uthi: INkosi uNkulunkulu ithi: Phendukani, lehlukane lezithombe zenu, lidele wonke amanyala enu.

UHezekhiyeli 14:7

Ngoba bonke abakoIsrayeli labezizweni abahlala koIsrayeli abazehlukanisa lami, banikela inhliziyo zabo ezithombeni zabo, bethanda ukukhangela izinto ezimbi ezibakhubayo, kodwa beze kumprofethi ukubuza ngami, mina Nkosi uqobo ngizabaphendula.

UHezekhiyeli 2:7

Uzakhuluma amazwi ami kibo, loba besizwa loba bengezwa; ngoba bayisizwe esihlamukayo.

UHezekhiyeli 3:4

Yasisithi kimi: Ndoda, hamba uye koIsrayeli, ukhulume amazwi ami kibo.

UHezekhiyeli 44:12

Ngoba abasebenzela phambi kwezithombe zabo, aba yisikhubekiso sobubi kuIsrayeli, ngakho ngifungile mayelana labo ukuba azathwala ukutshaywa kwawo, kutsho iNkosi uNkulunkulu.

UZefaniya 1:3

ngizaqothula abantu lenyamazana, ngiqothule inyoni zaphezulu lenhlanzi zasolwandle. Ngizachitha ababi, ngiqede bonke abantu emhlabeni, kutsho iNkosi.