UHezekhiyeli 13:20 - iBhayibhili Elingcwele 1978

²⁰ Ngakho iNkosi uNkulunkulu ithi: Ngimelene lentebe zenu elithiya ngazo abantu; ngizazidabula engalweni zenu, ngiyekele abantu elibathiyileyo njengezinyoni bakhululeke.

IBhayibhili Elingcwele LesiNdebele

²⁰ Ngakho nanku okutshiwo nguThixo Wobukhosi: Ngimelana lezintebe zenu elithiya abantu ngazo njengenyoni njalo ngizazidabula ezingalweni zenu; ngizabakhulula abantu elibathiya njengenyoni.

UHezekhiyeli 13:20 Mawu Ofanana

UHezekhiyeli 13:18

uthi: INkosi uNkulunkulu ithi: Maye kwabesifazana abathungela intebe ezihlakaleni zabo bonke abantu, babenzele lezimbobozo zokufaka emakhanda ukuba babathiye. Lizathiya abantu bami, ukuba lisizakale lina na?

UHezekhiyeli 13:19

Lingingcolisile phakathi kwabantu bami ngenxa yengcosana nje yebhali langezihletshana zezinkwa, labulala abantu abangafanelanga ukufa, layekela abantu abangafanelanga ukuphila ngamanga enu ebantwini bami abalalela amanga.

UHezekhiyeli 13:21

Lezimbombozo zenu lazo ngizazidabula, ngikhulule abantu bami ezandleni zenu, lingabe lisaba lamandla okubathiya futhi; lizakwazi ukuba ngiyiNkosi.