UHezekhiyeli 13:14 - iBhayibhili Elingcwele 1978

¹⁴ Ngizadiliza umduli eliwucombe ngekalaga, ngiwuwisele phansi ukuze kwambuleke izisekelo zawo; lekuweni kwawo uzalibulala; lizakwazi ukuba ngiyiNkosi.

IBhayibhili Elingcwele LesiNdebele

¹⁴ Ngizadiliza umduli eliwubhade ngekalaga ngiwuwisele phansi ukuze isisekelo sawo sibe segcekeni. Nxa ususiwa lizafela kuwo; njalo lizakwazi ukuthi nginguThixo.

UHezekhiyeli 13:14 Mawu Ofanana

AmaHubo 11:3

Nxa isisekelo sidilizwa, angenze njani olungileyo na?

UmTshumayeli 3:3

isikhathi sokubulala, lesikhathi sokuphilisa; isikhathi sokudiliza, lesikhathi sokwakha;

U-Isaya 28:17

Ngizakwenza okufaneleyo kube yintambo yokwakha, lokulunga kube yintambo yokulinganisa; isiqhotho sizakhukhula isiphephelo senu samanga, lamanzi akhukhule indawo yenu yokucatsha.

U-Isaya 30:13

lobububi benu buzakuba njengomkenke osemdulini omude, umduli osulenga osuzakuwa, owa ngesikhathi ungananzelelwanga;

UJeremiya 14:15

Ngalokhoke iNkosi ithi mayelana labaprofethi abatshumayela ngebizo lami bona ngingabathumanga, abathi: Impi lendlala kakuyikufika kulelilizwe. Labobaprofethi bazaqedwa ngumkhonto lendlala;

UJeremiya 23:15

Ngakho iNkosi yamabandla ithi mayelana labaprofethi: Khangela, ngizabanika ukuba badle umhlonyane, ngibanathise amanzi abulalayo; ngoba kusukela kubaprofethi baseJerusalema ububi buphumele kilo lonke ilizwe.

UJeremiya 6:15

Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

UJeremiya 8:12

Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

UHezekhiyeli 13:15

Ngokunjaloke ngizakwehlisela emdulini ulaka lwami laphezu kwalabo abawucomba ngekalaga, besengisithi kuwe: Umduli kawusekho, kanye lalabo abawucombileyo,

UHezekhiyeli 13:21

Lezimbombozo zenu lazo ngizazidabula, ngikhulule abantu bami ezandleni zenu, lingabe lisaba lamandla okubathiya futhi; lizakwazi ukuba ngiyiNkosi.

UHezekhiyeli 13:23

Ngakho kalisayikubona imibono yenkohliso, livumise; ngizakhulula abantu bami ezandleni zenu. Lizakwazi ukuba ngiyiNkosi.

UHezekhiyeli 13:9

Isandla sami sizamelana labaprofethi ababona imibono yenkohliso, bavumise amanga. Kabayikuba semhlanganweni wabantu bami, loba babhalwe oluhlwini lwakoIsrayeli, kabayikungena elizweni lakoIsrayeli; lizakwazi ukuba ngiyiNkosi uNkulunkulu.

UHezekhiyeli 14:8

Ngizamelana lalabobantu, ngibenze babe yizibonakaliso leziga, ngibakhuphe ebantwini bami; lizakwazi ukuba ngiyiNkosi.

UMikha 1:6

Ngakho ngizadiliza iSamariya ngilenze libe yindawo yezivini, ngiphosele amatshe alo esihotsheni, ngiphande izisekelo zalo.

UHabhakhukhi 3:13

Waphumela ukukhulula abantu bakho, ukukhulula ogcotshiweyo wakho. Ubhidlizele phansi indlu yomubi, waquphula lezisekelo zayo.

ULukha 6:49

Kodwa owezwayo engawenzi, unjengomuntu owakha indlu yakhe emhlabathini, ingelasisekelo; umfula wayitshaya, yahle yawa; kwaba kukhulu ukudilika kwaleyondlu.