UHezekhiyeli 11:5 - iBhayibhili Elingcwele 1978

⁵ Umoya weNkosi wehlela kimi, iNkosi yangitshela ukuba ngithi: INkosi ithi: Litsho njalo, lina bakoIsrayeli, ngoba ngiyakwazi okusengqondweni zenu.

IBhayibhili Elingcwele LesiNdebele

⁵ Lapho-ke uMoya kaThixo weza kimi wangitshela ukuba ngithi, Nanku okutshiwo nguThixo: “Lokho yikho wena okutshoyo, wena ndlu ka-Israyeli, kodwa mina ngiyakwazi okusengqondweni yakho.

UHezekhiyeli 11:5 Mawu Ofanana

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

AmaHubo 50:21

Lokhu ukwenzile, ngathula; wacabanga ukuthi nginjengawe. Kodwa khathesi ngiyakukhuza, ngikutshengise amacala akho.

AmaHubo 7:9

Kabuphele ububi bababi, kodwa olungileyo umqinise, wena ohlola ingqondo lenhliziyo, onguNkulunkulu olungileyo.

U-Isaya 28:15

Ngoba lithe: Senzile isivumelwano lokufa, silesivumelwano lendawo yabafileyo; ngakho lapho inhlupheko ezikhukhulayo zidlula, kaziyikusehlela, ngoba senzile amanga abe yisiphephelo sethu, sacatsha ngaphansi kwenkohliso.

U-Isaya 58:1

INkosi ithi: Memeza ngelizwi elikhulu, ungathuli, uphakamise ilizwi lakho njengelophondo, utshele abantu bami iziphambeko zabo, lendlu kaJakobe izono zayo.

UJeremiya 11:20

Kodwe, Nkosi yamabandla, owahlulela ngokulunga, ohlolayo inhliziyo lengqondo, kangibone ukuphindisela kwakho kibo, ngoba nginikele indaba yami kuwe.

UJeremiya 16:17

Ngoba ngiyazibona zonke indlela zabo; kazifihlakalanga kimi, lobubi babo kabucatshanga emehlweni ami.

UJeremiya 17:10

Mina Nkosi ngiyahlola ingqondo, ngiyilinge inhliziyo, ukuba nginike wonke umuntu okufanele indlela zakhe, lokufanele izenzo zakhe.

UHezekhiyeli 2:2

Lisakhuluma lami kwangena kimi umoya; wangimisa ngenyawo zami; ngalilalela likhuluma,

UHezekhiyeli 2:7

Uzakhuluma amazwi ami kibo, loba besizwa loba bengezwa; ngoba bayisizwe esihlamukayo.

UHezekhiyeli 20:32

Umcabango elilawo kawuyikwenzeka othi: Asifane lezizwe, labantu bamanye amazwe abakhonza isigodo lelitshe.

UHezekhiyeli 28:2

Ndoda tshono kusikhulu saseTire, uthi iNkosi uNkulunkulu ithi: Ngoba inhliziyo yakho iziphakamisile, utshilo ukuthi: Mina ngingunkulunkulu, ngihlezi esihlalweni sabonkulunkulu enzikini zolwandle; kanti ungumuntu nje, kawusunkulunkulu, lanxa uzitshaya ohlakaniphileyo njengonkulunkulu.

UHezekhiyeli 29:3

ukhulume uthi: INkosi uNkulunkulu ithi: Ngimelene lawe, wena Faro nkosi yaseGibithe, wena ngwenya enkulu elele phakathi kwemifula yayo, ethi: Umfula iNile ungowami, ngawenza.

UHezekhiyeli 3:11

Suka, uye ebantwini bakini abathunjiweyo, ukhulume kibo, loba bezakukuzwa loba bengayikukuzwa, uthi: Nanka amazwi eNkosi uNkulunkulu.

UHezekhiyeli 3:24

Umoya wangena kimi, wangimisa ngenyawo zami, wakhuluma kimi wathi: Hamba uyezivalela endlini yakho.

UHezekhiyeli 3:27

Kodwa lapho sengikhuluma kuwe, ngizavula umlomo wakho, uzakuthi kibo: Nanka amazwi eNkosi uNkulunkulu. Lowo othanda ukuzwa kezwe; ongathandiyo ukuzwa angezwa; ngoba bayisizwe esihlamukileyo.

UHezekhiyeli 8:1

Kwathi ngomnyaka wesithupha, ngosuku lwesihlanu lwenyanga yesithupha, ngihlezi endlini yami, labadala bakoJuda behlezi lami, isandla seNkosi sehlela phezu kwami.

UMakho 2:8

Wahle wakwazi uJesu ngomoya wakhe ukuthi babenakana lokhu phakathi kwabo, wathi kibo: Linakanelani izinto lezi enhliziyweni zenu na?

UJohane 21:17

Wathi kuye ngokwesithathu: Simoni, ndodana kaJohane, uyangithanda na? UPetro wadabuka ngoba wathi kuye ngokwesithathu: Uyangithanda na? Ngakho wathi kuye: Nkosi, uyakwazi konke, uyakwazi ukuthi ngiyakuthanda. UJesu wathi: Phana izimvu zami ukudla.

Imisebenzi 10:44

Kwathi uPetro esakhuluma lawomazwi, uMoya oNgcwele wehlela phezu kwabo bonke abalizwayo ilizwi.

Imisebenzi 11:15

Kwathi ngisaqala ukukhuluma, uMoya oNgcwele wehlela phezu kwabo njengakithi ekuqaleni.

AmaHebheru 4:13

Futhi kakulalutho oludaliweyo olungabonakaliyo phambi kwakhe, kodwa konke kwambuliwe kusobala emehlweni akhe esizakuzilanda kuye.

UJakhobe 3:6

Ulimi lungumlilo, lungumhlaba wobubi. Phakathi kwezitho zethu ulimi yilo olungcolisa umzimba wonke, luthungele ukuphila konke, lona luthungelwa yisihogo.

Isambulo 2:23

ngizakubulala abantwana bakhe. Wonke amabandla azakwazi ukuthi nginguye ohlola ingqondo lenhliziyo, futhi ngizakumnika ilowo lalowo wenu ngokwemisebenzi yakhe.

1 USamuyeli 10:10

Lapho befika entabeni kaNkulunkulu bahlangana lexuku labaprofethi; umoya kaNkulunkulu wehlela phezu kwakhe masinyane, waprofetha kanye labo.

1 USamuyeli 10:6

Umoya kaNkulunkulu uzakwehlela phezu kwakho masinyane, uprofethe kanye labo, uphenduke omunye umuntu.