UHezekhiyeli 11:1 - iBhayibhili Elingcwele 1978

¹ Umoya wangiphakamisa, wangisa ngasesangweni lendlu yeNkosi elingasempumalanga, elikhangele ngasempumalanga. Emnyango wesango kwakukhona amadoda angamatshumi amabili lanhlanu; phakathi kwawo ngabona uJazaniya indodana kaAzuri, loPelatiya indodana kaBenaya, izikhulu zabantu.

IBhayibhili Elingcwele LesiNdebele

¹ Lapho-ke uMoya wangiphakamisela phezulu wangisa esangweni lendlu kaThixo elikhangele empumalanga. Khonapho ekungeneni kwesango kwakulamadoda angamatshumi amabili lanhlanu, njalo phakathi kwawo ngabona uJazaniya indodana ka-Azuri kanye loPhelathiya indodana kaBhenayiya, abakhokheli babantu.

UHezekhiyeli 11:1 Mawu Ofanana

1 AmaKhosi 18:12

Kuzakuthi ngisand’ ukusuka kuwe, umoya kaNkulunkulu ukuthwale ukuse lapho ngingazi khona, kuthi lapho sengimtshelile uAhabi engasakufumani, angibulale lanxa mina engiyinceku yakho ngiyikhonza iNkosi uNkulunkulu kusukela ebutsheni bami.

2 AmaKhosi 2:16

Bathi kuye: Inceku zakho zilamadoda aqinileyo angamatshumi amahlanu; akuwavumele ahambe ayedinga inkosi yakho; mhlawumbe umoya weNkosi uNkulunkulu umthethe wamphosela entabeni ethile, loba esihotsheni esithile. Yena wathi: Atshi bo, lingabathumi.

2 AmaKhosi 25:23

Kwathi zonke induna zamabutho, kanye lamabutho azo, sezizwile ukuthi inkosi yaseBabiloni ibeke uGedaliya ukuba ngumbusi, zeza labantu bazo kuGedaliya eMizipa, zazingoIshmayeli indodana kaNethaniya loJohanani indodana kaKareya loSeraya indodana kaTanihumethi waseNetofa loJazaniya indodana kaMahakathi.

U-Isaya 1:10

Zwanini ilizwi leNkosi, lina babusi baseSodoma, lilalele imfundiso kaNkulunkulu wethu, lina bantu baseGomora.

U-Isaya 1:23

Izikhulu zakho zingabahlamuki labangane bamasela; zithanda ukwamukela umvuzo wokuthengwa, zigijimela izipho; kazivikeli izintandane, lendaba yomfelwakazi kayifinyeleli kuzo.

UHezekhiyeli 10:19

Amakherubi aphakamisa impiko zawo, asuka phansi ngiwabona, lamavili ehamba lawo, aze ema ngasesangweni elingasempumalanga kwethempeli; inkazimulo kaNkulunkulu kaIsrayeli yayingaphezu kwawo.

UHezekhiyeli 10:22

Ubuso bazo babunjengalobo engabubona embonweni ngasemfuleni iKebari. Zazihamba zonke ziqonda phambili.

UHezekhiyeli 11:13

Kwathi lokhu ngisatshumayela, uPelatiya indodana kaBenaya wafa. Ngasengisithi mbo ngobuso phansi, ngamemeza ngelizwi elikhulu ngathi: Hawu, Nkosi uNkulunkulu! Uzabaqeda abaseleyo koIsrayeli na?

UHezekhiyeli 11:24

Umoya wangiphakamisa, wangisa kwabathunjiweyo eKaladiya. Konke lokhu kwafika ngombono owawuthunywe ngumoya kaNkulunkulu; kwathi umbono engangiwubonile wasusuka kimi.

UHezekhiyeli 22:27

Izikhulu eziphakathi kwalo zifana lempisi eziphangayo, ezichitha igazi zibulala abantu, ukuba zizuze umvuzo ngobuqili.

UHezekhiyeli 3:12

Umoya wasengiphakamisa; kwathi lapho ubukhosi beNkosi busuka endaweni yabo, ngezwa emva kwami umdumo unjengowokunyikinyeka komhlaba.

UHezekhiyeli 3:14

Umoya wasengiphakamisa, wangisusa; ngahamba ngifutheka emoyeni wami, isandla seNkosi sinzima phezu kwami.

UHezekhiyeli 37:1

Isandla seNkosi sasiphezu kwami, sangikhupha ngomoya weNkosi, sangibeka phansi esihotsheni, sasigcwele amathambo.

UHezekhiyeli 40:6

Wasesiya esangweni elikhangele impumalanga, wakhwela ngezinyathelo, walinganisa umbundu wesango, walingana lomhlanga munye ukutshona kwawo.

UHezekhiyeli 41:1

Wasengingenisa ethempelini, walinganisa insika, ububanzi bazo babuzingalo eziyisithupha inxa zonke.

UHezekhiyeli 8:16

Wangingenisa egumeni elingaphakathi kwethempeli; ngabona ngasemnyango wethempeli leNkosi phakathi komkoto lealtare abantu abangamatshumi amabili lanhlanu befulathele ithempeli leNkosi, bekhangele ngasempumalanga, bekhonza ilanga eliphumayo.

UHezekhiyeli 8:3

Waseselula okwakungathi yisandla, wangibamba ngenwele. Umoya wangiphakamisela phakathi komhlaba lezulu, wangiletha ngemibono kaNkulunkulu eJerusalema, ngasentubeni yeguma elingaphakathi, elikhangele inyakatho, lapho kwakukhona isihlalo sesithombe somona esibanga umona.

UHosiya 5:10

Ababusi bakoJuda sebenjengabantu abasiphula izikhonkwane zemingcele; ngizakwehlisela kibo ulaka lwami njengamanzi.

Imisebenzi 8:39

Kwathi sebekhuphukile emanzini, uMoya weNkosi wamsusa uFiliphu, kayabe isambona induna, kodwa yahamba ngendlela yayo ithokoza.

Isambulo 1:10

Ngehlelwa nguMoya ngosuku lweNkosi, ngezwa ngemva kwami ilizwi elikhulu kungathi ngelophondo lisithi: