UHezekhiyeli 1:4 - iBhayibhili Elingcwele 1978

⁴ Kwathi lapho ngikhangela, ngabona umoya wesivunguzane ovela enyakatho, leyezi elikhulu elicwazimulayo, lomlilo ovuthayo njalonjalo, phakathi komlilo kwakukhona okungathi lithusi elikhazimulayo.

IBhayibhili Elingcwele LesiNdebele

⁴ Ngakhangela, ngabona isiphepho sisiza sivela enyakatho, kuliyezi elikhulukazi lokuphazima kombane njalo lizungezwe yikukhanya okubenyezelayo. Phakathi laphakathi komlilo kwakungathi yinsimbi evuthayo,

UHezekhiyeli 1:4 Mawu Ofanana

1 AmaKhosi 19:11

Kwasekuthiwa kuye: Hamba uyekuma phezu kwentaba phambi kweNkosi. INkosi yayidlula khona. Kwaba khona umoya omkhulu olamandla udabula izintaba, uqhekeza amadwala phambi kwayo; kodwa iNkosi yayingekho emoyeni. Ngemva komoya kwaba khona ukunyikinyeka komhlaba; kodwa iNkosi yayingekho ekunyikinyekeni komhlaba.

2 AmaKhosi 2:11

Besahamba belokhu bekhuluma, kwafika inqola yokulwa yomlilo lamabhiza omlilo kwabehlukanisa. UElija wenyukela ezulwini ngesivunguzane.

2 ImiLando 5:13

Kwakungumsebenzi wabakhalisi bezimpondo labahlabeleli ukuba bahlabele kanyekanye ekudumiseni lekubongeni iNkosi sekuhlatshelwa ingoma, kukhaliswa impondo lezigubhu lezinye izinto zokuhlabela, kudunyiswa iNkosi kuthiwa: Ngoba ilungile, uthando lwayo olungapheliyo lumi kuze kube nininini; indlu yagcwala intuthu yeyezi,

UJobe 38:1

INkosi yasimphendula uJobe isesivunguzaneni isithi:

AmaHubo 50:3

UNkulunkulu wethu uyeza, kayikuthula, phambi kwakhe kulomlilo oqothulayo, emaceleni akhe kulesiphepho esikhulu.

U-Eksodasi 9:24

Ngakhoke kwaba khona isiqhotho, lombane ubaneka njalonjalo phakathi kwesiqhotho; kwakuyisiqhotho esingazanga sibe khona elizweni laseGibithe selokhu laba yisizwe.

U-Isaya 19:1

Leli yilizwe ngeGibithe. Khangela, iNkosi ikhwele eyezini elilejubane, iza eGibithe; izithombe zaseGibithe zizathuthumela phambi kwayo, lenhliziyo yabaseGibithe iphelelwe ngamandla.

U-Isaya 21:1

Leli yilizwi ngeBabiloni. Njengokudlula kwezivunguzane eNegebi, ingozi ivela enkangala, elizweni elesabekayo.

UJeremiya 23:19

Khangelani, ulaka lweNkosi lunjengesivunguzane, luphumile, lunjengesiphepha esivunguzayo, luzakwehlela phezu kwababi.

UJeremiya 25:32

INkosi yamabandla ithi: Khangelani, ububi buphuma kwesinye isizwe busiya kwesinye, isiphepha esikhulu siyavunguza, sisuka endaweni ezikhatshana zomhlaba.

UJeremiya 25:9

ngizabiza izizwe zasenyakatho, kutsho iNkosi, loNebukadineza inkosi yaseBabiloni inceku yami, ngizilethe kulelilizwe lakwabakhileyo kulo, lakuzo zonke izizwe eziseduze lalo, ngibabhubhise, ngibenze babe yinto eyesabekayo, into yokuncifelwa, lehlazo elingapheliyo.

UJeremiya 4:6

Misani uphawu olukhomba iZiyone, libaleke lingemi, ngoba ngiletha okubi okuvela ngasenyakatho, lokuchitheka okukhulu.

UJeremiya 6:1

Balekani ukuze liphephe, lina bantu bakoBenjamini, liphume phakathi kweJerusalema. Khalisani uphondo eTekowa, liphakamise uphawu eBeti‐Hakeremi, ngoba ububi bubonakala ngasenyakatho lokuchitheka okukhulu.

UHezekhiyeli 1:27

Ngabona okunjengethusi okukhanya njengomlilo eziko; kusukela okhalweni lwakhe kusiya phezulu, kusukela okhalweni lwakhe kusiya phansi ngabona okunjengomlilo okuvutha indawo zonke.

UHezekhiyeli 13:11

Tshela labo abawucombayo ngekalaga ukuthi uzakuwa. Kuzakuba khona impophoma zezulu, kukhithike isiqhotho esikhulu, kuvuke isiphepha somoya;

UHezekhiyeli 13:13

Ngakhoke, iNkosi uNkulunkulu ithi: Ekuthukutheleni kwami ngizavusa isiphepha somoya, langolaka lwami nginise impophoma zezulu lesiqhotho esikhulu ukuba ngiwudilize.

UHezekhiyeli 43:3

Umbono engawubonayo wawunjengombono engawubona lapho uNkulunkulu esiza ukuchitha iJerusalema, unjengombono engawubona ngasemfuleni iKebari; ngathi mbo ngobuso phansi.

UHezekhiyeli 8:2

Ngabona okwakufana lomuntu; kwakuvutha umlilo kusukela okhalweni kusiya phansi, kucwazimula njengethusi kusukela okhalweni kusiya phezulu.

UZakhariya 6:6

Inqola elamabhiza amnyama iya elizweni lasenyakatho, elamabhiza amhlophe iya elizweni lasentshonalanga, lelamabhiza alamabala iya elizweni laseningizimu.

AmaHebheru 12:29

ngoba uNkulunkulu wethu ungumlilo oqothulayo.

Isambulo 1:15

lenyawo zakhe zifana lethusi elikhazimulayo elihlanjululwe ngokutshiswa esithandweni somlilo, lelizwi lakhe lalinjengenhlokomo yamanzi amanengi.