UHezekhiyeli 1:13 - iBhayibhili Elingcwele 1978

¹³ Phakathi kwezidalwa eziphilayo kwakukhona okunjengamalahle omlilo ovuthayo, kunjengezibane ezihambahamba phakathi kwazo. Umlilo wawukhazimula, lasemlilweni kwakuphuma umbane.

IBhayibhili Elingcwele LesiNdebele

¹³ Isimo sezidalwa eziphilayo sasinjengamalahle avuthayo omlilo loba njengezibane. Umlilo wahamba usiya phambili lasemuva phakathi kwezidalwa; wawukhazimula, njalo umbane uphazima uphuma kuwo.

UHezekhiyeli 1:13 Mawu Ofanana

UGenesisi 15:17

Kwathi lapho ilanga selitshonile sekumnyama, kwabonakala imbawula ethunqayo lelangabi lomlilo kudabula phakathi kwalezozingxenye.

AmaHubo 104:4

owenza imimoya ibe yizigijimi zakho, lomlilo lelangabi kube yizikhonzi zakho.

UHezekhiyeli 1:7

Imilenze yazo yayiqondile, lamangqina azo ayefanana lawenkonyane, ecwazimula njengethusi elilolongiweyo.

UHezekhiyeli 10:2

INkosi yasisithi emuntwini ogqoke ilembu elihle: Ngena phakathi kwamavili atshibilika ngaphansi kwamakherubi, ugcwalise izandla zakho ngamalahle avuthayo avela phakathi kwamakherubi, uwachithele phakathi komuzi. Ngambonake engena.

UDanyeli 7:9

Ngisakhangele, kwabekwa izihlalo zobukhosi, kwahlala oyisimakade; izambatho zakhe zazimhlophe njengongqoqwane, lenwele zekhanda lakhe zinjengoboya bezimvu obuhlambulukileyo; isihlalo sakhe sobukhosi singamalangabi omlilo, lamavili aso enjengomlilo ovuthayo.

UMatewu 28:3

Ukubonakala kwaso kwakunjengombane, lesambatho saso sasimhlophe njengongqoqwane.

2 AbaseThesalonika 1:7

aliphe lina elihluphekayo ukuphumula kanye lathi ekwambulweni kweNkosi uJesu, evela ezulwini ngamalangabi omlilo, elezithunywa zamandla akhe.

Isambulo 10:1

Ngasengibona esinye isithunywa esilamandla sisehla sivela ezulwini; sambethe iyezi, lomchilowamakhosikazi usekhanda laso; ubuso baso babunjengelanga, lemilenze yaso injengensika zomlilo.

Isambulo 18:1

Emva kwalokho ngabona esinye isithunywa sisehla sivela ezulwini, silamandla amakhulu, lomhlaba wakhanyiswa yikukhazimula kwaso.

Isambulo 4:5

Lasesihlalweni sobukhosi kwakuphuma imibane, lamazwi, lokuduma; lezibane zomlilo eziyisikhombisa zazibhebha phambi kwazo, zona zingomoya abayisikhombisa bakaNkulunkulu;