UHezekhiyeli 1:1 - iBhayibhili Elingcwele 1978

¹ Kwathi ngomnyaka wamatshumi amathathu, ngosuku lwesihlanu lwenyanga yesine, lapho ngangiphakathi kwabathunjiweyo ngasemfuleni iKebari, lavuleka iphezulu, ngabona imibono kaNkulunkulu.

IBhayibhili Elingcwele LesiNdebele

¹ Ngomnyaka wamatshumi amathathu, ngenyanga yesine ngosuku lwesihlanu, lapho ngangiphakathi kwabathunjwayo, eduze komfula uKhebhari, amazulu avuleka ngabona umbono kaNkulunkulu.

UHezekhiyeli 1:1 Mawu Ofanana

UGenesisi 15:1

Emva kwalokhu ilizwi leNkosi lafika kuAbrama ngombono, lathi: Ungesabi wena Abrama, ngiyisihlangu sakho; umvuzo wakho uzakuba mkhulu kakhulu.

UGenesisi 46:2

UNkulunkulu wakhuluma kuIsrayeli ngemibono yasebusuku wathi: Jakobe, Jakobe! Wathi: Ngilapha.

AmaHubo 137:1

Ngasemifuleni yaseBabiloni sahlala phansi sakhala, lapho sikhumbula iZiyone.

U-Eksodasi 24:10

bambona uNkulunkulu wakoIsrayeli; kwakukhona ngaphansi kwenyawo zakhe okungathi ngamatshe amasafire agandelweyo, acwebileyo njengezulu.

U-Isaya 1:1

Lo ngumbono kaIsaya indodana kaAmozi awubona ngoJuda langeJerusalema ensukwini zaboUziya loJothamu loAhazi loHezekiya amakhosi akoJuda.

U-Isaya 6:1

Ngomnyaka wokufa kwenkosi uUziya ngayibona iNkosi uNkulunkulu ihlezi esihlalweni sobukhosi esiphezulu lesiphakemeyo; umsila wengubo yayo wagcwalisa ithempeli.

UJeremiya 29:15

Litshilo ukuthi: INkosi uNkulunkulu isivusele abaprofethi eBabiloni.

UHezekhiyeli 1:3

ilizwi leNkosi lafika kimi uHezekeli umpristi, indodana kaBuzi, elizweni lamaKaladiya ngasemfuleni iKebari. Isandla seNkosi saba phezu kwami lapho.

UHezekhiyeli 10:1

Ngasengibona ngasemkhathini owawungaphezu kwamakherubi okunjengelitshe elithiwa yisafire kufana lesihlalo sobukhosi.

UHezekhiyeli 10:10

Amavili womane ayefanana kungathi alivili phakathi kwevili.

UHezekhiyeli 10:15

Amakherubi aphakamake, ayeyizo izidalwa eziphilayo engazibona ngasemfuleni iKebari.

UHezekhiyeli 10:20

Yizo lezi izidalwa eziphilayo engazibona ngaphansi kukaNkulunkulu kaIsrayeli ngasemfuleni iKebari; ngazi ukuthi ngamakherubi.

UHezekhiyeli 10:22

Ubuso bazo babunjengalobo engabubona embonweni ngasemfuleni iKebari. Zazihamba zonke ziqonda phambili.

UHezekhiyeli 11:24

Umoya wangiphakamisa, wangisa kwabathunjiweyo eKaladiya. Konke lokhu kwafika ngombono owawuthunywe ngumoya kaNkulunkulu; kwathi umbono engangiwubonile wasusuka kimi.

UHezekhiyeli 3:15

Ngafikake kwabathunjiweyo eTelabibi, ababehlala ngasemfuleni iKebari. Ngahlala phakathi kwabo insuku eziyisikhombisa ngithithibele.

UHezekhiyeli 3:23

Ngasengisukuma ngisiya esigodini. Inkazimulo yeNkosi yayimi khona, injengenkazimulo engangiyibonile ngasemfuleni iKebari; ngathi mbo ngobuso.

UHezekhiyeli 40:2

Ngombono uNkulunkulu wangisa elizweni lakoIsrayeli, wangibeka phezu kwentaba ende kakhulu, lapho engabona khona okwakungathi yizindlu zomuzi kuphambi kwami.

UHezekhiyeli 43:3

Umbono engawubonayo wawunjengombono engawubona lapho uNkulunkulu esiza ukuchitha iJerusalema, unjengombono engawubona ngasemfuleni iKebari; ngathi mbo ngobuso phansi.

UHezekhiyeli 8:3

Waseselula okwakungathi yisandla, wangibamba ngenwele. Umoya wangiphakamisela phakathi komhlaba lezulu, wangiletha ngemibono kaNkulunkulu eJerusalema, ngasentubeni yeguma elingaphakathi, elikhangele inyakatho, lapho kwakukhona isihlalo sesithombe somona esibanga umona.

UHosiya 12:10

Ngakhuluma kubaprofethi, yimi engandisa imibono, ngakhuluma ngemifanekiso ngabaprofethi.

UJoweli 2:28

Kuzakuthi emva kwalokho ngithele umoya wami phezu kwabantu bonke; amadodana enu lamadodakazi enu azakwazisela, labadala benu baphuphe amaphupho, lensizwa zenu zibone imibono.

AmaNani 12:6

Yathi: Zwanini amazwi ami; uba kukhona umprofethi phakathi kwenu, mina Nkosi ngizaziveza kuye ngombono, ngikhuluma laye ngephupho.

AmaNani 4:3

kusukela kulabo abaleminyaka engamatshumi amathathu kusiya kulabo abaleminyaka engamatshumi amahlanu, bonke abalamandla okusebenza, ukuba benze umsebenzi ethenteni lokuhlangana.

UMatewu 17:9

Besehla entabeni, uJesu wabalaya wathi: Lingatsheli muntu ngalowombono ize ivuke kwabafileyo iNdodana yomuntu.

UMatewu 3:16

UJesu esebhaphathiziwe wakhuphuka masinyane emanzini; izulu lavuleka, wabona uMoya kaNkulunkulu esehla kungathi lijuba, esiza phezu kwakhe.

UMakho 1:10

Wanela ukukhuphuka emanzini, wabona izulu liqhekezeka, loMoya kungathi lijuba wehlela phezu kwakhe.

ULukha 3:21

Kwathi bebhaphathiziwe bonke abantu, laye uJesu esebhaphathiziwe, ekhuleka, izulu lavuleka,

ULukha 3:23

Yena uJesu ekuqaliseni kwakhe umsebenzi wakhe wayengaba leminyaka engamatshumi amathathu, ngokunakana kwabantu eyindodana kaJosefa kaEli

UJohane 1:51

Wathi kuye: Ngiqinisile, ngiqinisile ngithi kini: Lizakubona izulu livulekile, lezithunywa zikaNkulunkulu zisenyuka, zisehlela phezu kweNdodana yomuntu.

Imisebenzi 10:11

wabona izulu livulekile lolutho olunjengengubo enkulu, lusehliselwa ngamasondo amane emhlabeni.

Imisebenzi 10:3

Kwathi ngesikhathi semini yantambama, yabona embonweni isithunywa sikaNkulunkulu singena kuyo sisithi: Korneliya!

Imisebenzi 7:56

wathi: Khangelani, ngibona izulu livulekile, leNdodana yomuntu imi ngakwesokunene sikaNkulunkulu.

2 AbaseKhorinte 12:1

Kumele ukuba ngizincome lanxa kungasizi lutho; sengizakulandisa ngemibono langezambulo zeNkosi.

Isambulo 19:11

Ngasengibona izulu livulekile; ngabona ibhiza elimhlophe, oligadileyo ubizwa ngokuthi ngoThembekileyo loQotho; ngoba uthonisisa, alwe ngokulunga.

Isambulo 4:1

Emva kwalokhu ngakhangela, ngabona umnyango uvulekile ezulwini, lelizwi lokuqala engangilizwile likhuluma lami njengophondo, lathi: Yenyukela lapha, ngizakukutshengisa lokho okuzakwenzeka emva kwalokhu.