UGenesisi 17:10 - iBhayibhili Elingcwele 1978

¹⁰ Lesi yisivumelwano sami phakathi kwami lawe ozakusigcina wena lenzalo yakho emva kwakho; bonke abesilisa bakini bazakusokwa.

IBhayibhili Elingcwele LesiNdebele

¹⁰ Lesi yisivumelwano sami lawe lezizukulwane ezizayo, isivumelwano okumele usigcine: Wonke umuntu wesilisa phakathi kwenu kuzamele asokwe.

UGenesisi 17:10 Mawu Ofanana

Imisebenzi 7:8

Wasemnika isivumelwano sokusoka; ngakhoke uAbrahama wazala uIsaka, wamsoka ngosuku lwesificaminwembili; uIsaka wazala uJakobe, uJakobe wazala okhokho abalitshumi lambili.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

AbaseRoma 3:30

lokhu uNkulunkulu emunye. Uzakulungisisa abasokileyo ngokukholwa kwabo labangasokanga ngokukholwa.

UJoshuwa 5:2

Ngalesosikhathi iNkosi yathi kuJoshuwa: Yenza ingqamu zensengentshe, ubasoke futhi abakoIsrayeli.

UGenesisi 17:11

Lizakusoka kube yisibonakaliso sesivumelwano phakathi kwami lani.

Abase-Efesu 2:11

Ngakhoke khumbulani ukuthi kwake kwaba khona isikhathi lapho elalingabezizwe, elalibizwa yilabo abasokileyo ngokuthi lingabangasokanga, ukusoka okwenziwa ngezandla emzimbeni.

AbaseGalathiya 6:12

Bonke abafuna ukubukeka ngemizimba yibo abalicindezela ukuba lisoke, bekwenzela kuphela ukuba bangazingelwa ngenxa yesiphambano sikaKristu.

UDutheronomi 30:6

INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile.

AbaseGalathiya 3:28

Kakukho umJuda lomGriki, kakukho obotshiweyo lokhululekileyo, kakukho owesilisa lowesifazana; ngoba lina lonke limunye kuKristu Jesu.

AbaseRoma 3:28

Ngoba sithi umuntu ulungisiswa ngokukholwa ngaphandle kwemisebenzi yomlayo.

AbaseRoma 3:25

ammisayo uNkulunkulu ukuba abe yinhlawulo ngegazi lakhe, emukelwe ngokukholwa. UNkulunkulu wakwenza lokhu ukuba abonakalise ukulunga kwakhe, ngoba ngokubekezela kwakhe wayekela izono ezenziwa ngaphambili;

AbaseRoma 2:28

Ngoba omgumJuda oqotho kasuye ongumJuda ngokwamehlo, lokusoka okuqotho kakusikho okubonwa emzimbeni.

UJohane 7:22

UMose walinika ukusoka — kungesikho ukuthi kwavela kuMose kodwa kubokhokho — liyamsoka umuntu langeSabatha.

UJeremiya 4:4

Zisokeleni eNkosini, ukusoka kwenu kube ngokwenhliziyo, lina bantu bakoJuda labaseJerusalema, funa ulaka lwami luphembeke njengomlilo, luthungele, kungabi khona ongalucitsha, ngenxa yezenzo zenu ezimbi.

UJoshuwa 5:4

Yilokhu uJoshuwa abasokela khona; bonke abesilisa babantu abaphuma eGibithe, amadoda wonke empi, babefele endleleni enkangala sebephumile eGibithe.

UDutheronomi 10:16

Ukusoka kwenu kakube ngokwenhliziyo, lingabe lisaba lenhliziyo ezilukhuni.

U-Eksodasi 12:48

Uba kukhona owemzini ohlala lani othanda ukugcina iPhasika leNkosi, kabasokwe bonke abesilisa bakibo, ukuze asondele aligcine, abe njengowokuzalwa elizweni; kodwa ongasokwanga angalidli.

U-Eksodasi 4:25

UZipora wasethatha insengentshe, wayisoka indodana yakhe, wathinta ngesikhumba inyawo zikaMose esithi: Impela ungumyeni wegazi kimi.

UGenesisi 34:15

Kodwa singalivumela ngalokhu kodwa, uba bonke abesilisa bakini besokwa, libe njengathi,

UGenesisi 17:23

UAbrahama wasethatha uIshmayeli indodana yakhe labo bonke ababezelwe endlini yakhe labo bonke ababethengiwe ngemali yakhe, bonke abesilisa abendlu yakhe, wabasoka ngalona lolosuku, njengokutsho kukaNkulunkulu kuye.

UGenesisi 17:27

Amadoda wonke omuzi wakhe ayezelwe endlini layethengwe ngemali kowezizwe, asokwa kanye laye.

UGenesisi 21:4

UAbrahama wayisoka indodana yakhe uIsaka lapho isilezinsuku ezificaminwembili, njengokutsho kukaNkulunkulu kuye.

UGenesisi 34:22

Lamadoda azakuvuma ukuhlala lathi sibe yisizwe sinye lawo ngalokhu kuphela, ukuba basokwe bonke abesilisa phakathi kwethu, njengalokhu besokiwe bona.