UGenesisi 16:5 - iBhayibhili Elingcwele 1978

⁵ USarayi wasesithi kuAbrama: Okubi okwenziwe kimi kakube phezu kwakho. Mina ngikunike incekukazi yami ibe ngumkakho, kodwa isibonile ukuthi ithethe isisu yasingidelela. INkosi kayahlulele icala phakathi kwami lawe.

IBhayibhili Elingcwele LesiNdebele

⁵ USarayi wasesithi ku-Abhrama, “Ngumlandu wakho ukuze ngihlupheke kangaka. Incekukazi yami ngayethula ezandleni zakho, kodwa ithi ngoba isisazi ukuthi isizithwele isingeyisa. Sengathi uThixo angahlulela phakathi kwami lawe.”

UGenesisi 16:5 Mawu Ofanana

UGenesisi 31:53

UNkulunkulu kaAbrahama loNkulunkulu kaNahori, loNkulunkulu kayise wabo kahlulele phakathi kwethu. UJakobe wafunga uNkulunkulu owesatshwa nguyise uIsaka.

U-Eksodasi 5:21

zathi kubo: INkosi ilibone ilitshaye; ngoba lisenze sazondeka kuFaro lasencekwini zakhe; libeke umkhonto ezandleni zazo ukuba zisibulale.

AmaHubo 35:23

Vuka, umele ilungelo lami, umele indaba yami, Nkulunkulu wami, Nkosi yami.

AmaHubo 7:8

INkosi iyahlulela izizwe. Nkosi, ngahlulela ngokulunga kwami langobuqotho obukimi.

2 ImiLando 24:22

UJowashi inkosi kawukhumbulanga umusa kaJehoyada uyise kaZekariya ayemenzele wona, kodwa wabulala indodana yakhe. Lapho esesifa uZekariya wathi: INkosi uNkulunkulu kayibone iphindisele.

AmaHubo 43:1

Ngahlulela, Nkulunkulu, umele indaba yami ebantwini abangalunganga; ungikhulule ebantwini ababi labakhohlakeleyo.

UGenesisi 16:4

UAbrama wamthatha uHagari; uHagari wathatha isisu. Esebonile ukuthi usezithwele, inkosikazi yakhe yadeleleka kuye.

Abahluleli 11:27

Ngakhoke mina kangilonanga ngalutho, uyangona wena ngokulwa lami; iNkosi uMahluleli izakwahlulela yona phakathi kwabakoIsrayeli lamaAmoni.

UJeremiya 51:35

Ububi obukhulu obenziwe kithi bube phezu kweBabiloni, kabatsho njalo abaseZiyone. Ngokuhlupheka kwethu babe lomlandu abaseKaladiya, kabatsho njalo abaseJerusalema.

1 USamuyeli 24:16

Kwathi uDavida eseqedile ukukhuluma lawomazwi kuSawuli, uSawuli wathi: Yilizwi lakho lelo, mntanami, Davida na? USawuli wadazuluka, wakhala.