UGenesisi 1:11 - iBhayibhili Elingcwele 1978

¹¹ UNkulunkulu wasesithi: Umhlaba kawuveze utshani, lemibhida ethela inhlanyelo, lezihlahla ezithela izithelo ezilenhlanyelo yazo, ngezinhlobo zazo. Kwaba njalo.

IBhayibhili Elingcwele LesiNdebele

¹¹ UNkulunkulu wasesithi, “Umhlabathi kawuthele izimila: imlimela ethela intanga lezihlahla emhlabathini ezithela izithelo ezilentanga phakathi, kusiya ngemihlobo yazo ehlukeneyo.” Kwabanjalo.

UGenesisi 1:11 Mawu Ofanana

UGenesisi 1:12

Umhlaba wasuveza utshani, lemibhida ethela inhlanyelo ngezinhlobo zayo, lezihlahla ezithela izithelo ezilenhlanyelo yazo, ngezinhlobo zazo. UNkulunkulu wabona ukuthi kuhle.

UGenesisi 1:29

UNkulunkulu wasesithi: Khangelani, ngilinika yonke imibhida ethela inhlanyelo esemhlabeni wonke, lezihlahla zonke ezilezithelo eziveza inhlanyelo, ukuba kube yikudla kwenu.

UGenesisi 2:16

INkosi uNkulunkulu yamlaya umuntu yathi: Ungadla okwezihlahla zonke zensimu njengokuthanda kwakho;

UGenesisi 2:5

kwakungakabikho isihlahla emhlabeni, lemibhida yeganga yayingakamili; ngoba iNkosi uNkulunkulu yayingakanisi izulu emhlabeni, kungakabikho muntu wokulima umhlabathi.

UGenesisi 2:9

INkosi uNkulunkulu yamilisa emhlabathini zonke izihlahla ezibukekayo lezilungileyo zokudliwa; yamilisa phakathi kwensimu isihlahla sokuphila lesihlahla sokwazi okulungileyo lokubi.

UJobe 28:5

Umhlaba wona lapho kuvela khona ukudla, ngaphansi kwawo kuyavutha umlilo.

AmaHubo 1:3

Unjengesihlahla esihlanyelwe ngasemifuleni yamanzi, esithela isithelo saso ngesikhathi saso, esimahlamvu aso kawabuni. Kukho konke akwenzayo uyaphumelela.

AmaHubo 147:8

Iyasibekela amazulu ngamayezi, ilungisele umhlaba izulu, ikhulise utshani emaqaqeni,

U-Isaya 61:11

Ngoba njengomhlaba uveza ihlumela lawo, lanjengensimu ikhulisa okuhlanyelweyo kiyo, ngokunjaloke iNkosi uNkulunkulu izaveza ukulunga lodumo phambi kwezizwe zonke.

UJeremiya 17:8

Unjengesihlahla esihlanyelwe ngasemanzini, esinabisela impande zaso ngasemfuleni, esingesabi lapho kufika ukutshisa, lemahlamvu aso ahlala eluhlaza; kasethuki lasemnyakeni wokubalela kwelanga, ngoba kasiyekeli ukuthela izithelo.

UMatewu 3:10

Lakhathesi ihloka selibekiwe empandeni zezihlahla. Ngakho ileso laleso isihlahla esingatheli isithelo esihle siyaganyulwa, siphoselwe emlilweni.

UMatewu 6:30

Uba uNkulunkulu esambathisa ngokunjalo utshani beganga, obukhona lamuhla, kusasa buphoswa eziko, kayikulambathisa kakhulu yini lina elilokukholwa okuncinyane na?

UMakho 4:28

Umhlabathi uyathela ngokwawo, kuqala ikhaba, kulandele isikhwebu, andubana kulandele amabele apheleleyo esikhwetshini.

1 AbaseKhorinte 15:38

Kodwa uNkulunkulu ulunika umzimba njengokuthanda kwakhe, ileyo laleyo inhlanyelo owayo umzimba.

AmaHebheru 6:7

Umhlabathi onatha izulu elina kanengi phezu kwawo, umile imibhida ebasizayo abawulimayo, uyabusiswa nguNkulunkulu;

UJakhobe 3:12

Bazalwane bami, umkhiwa ungathela izithelo zamaoliva yini, loba ivini lithele izithelo zomkhiwa na? Lamanzi alitshwayi angeke aveze amnandi.