UDutheronomi 9:12 - iBhayibhili Elingcwele 1978

¹² Yasisithi kimi: Phangisa wehle lapha, ngoba abantu bakho owabakhupha eGibithe bonile, baphambukile masinya endleleni engabalaya yona, bazenzela isithombe esibunjiweyo.

IBhayibhili Elingcwele LesiNdebele

¹² UThixo wangitshela wathi, ‘Suka lapha wehle ngokuphangisa, ngoba abantu bakho owabakhupha eGibhithe sebexhwalile. Sebephambukile masinyane kulokho engangibalaye ngakho njalo sebezibumbele isithombe.’

UDutheronomi 9:12 Mawu Ofanana

AmaHubo 78:57

babuyela emuva, bakhohlisa njengabokhoko babo, baba njengedandili elitshilekileyo elikhohlisayo.

U-Eksodasi 13:3

UMose wasesithi ebantwini: Khumbulani lolusuku eliphume ngalo eGibithe, endaweni yobugqili; ngoba ngamandla esandla iNkosi elikhuphe kulindawo. Kakungadliwa isinkwa esilemvubelo.

U-Eksodasi 32:1

Abantu sebebonile ukuthi uMose ulibele ukwehla entabeni, babuthana kuAroni bathi kuye: Suka, usenzele onkulunkulu abazakuhamba phambi kwethu; ngoba uMose lowo, umuntu owasikhupha elizweni laseGibithe, kasazi ukuthi wehlelwe yini.

UHosiya 6:4

INkosi ithi: Ngizakwenza njani ngawe, wena Efrayimi? Ngizakwenza njani ngawe, wena Juda? Uthando lwenu lunjengeyezi lasekuseni, njengamazolo athintitheka masinyane.

AbaseGalathiya 1:6

Ngiyamangala ngoba limhlamuke masinyane kangaka yena owalibizela emuseni kaKristu, liye kwelinye ivangeli;

UDutheronomi 31:29

Ngoba ngiyazi ukuthi emva kokufa kwami lizakona, liphambuke endleleni engililaye yona; lizakwehlelwa ngokubi ngensuku ezizayo, ngoba lizakwenza okubi emehlweni eNkosi, liyithukuthelise ngomsebenzi wezandla zenu.

UDutheronomi 32:5

Bonile kuye, kabasibo abantwana bakhe ngenxa yesici sabo, bayisizukulwana esiphambeneyo lesingaqondanga.

UDutheronomi 4:16

xwayani funa lone, lizenzele isithombe esibaziweyo sowesilisa loba sowesifazana,

UDutheronomi 5:15

Ukhumbule ukuthi wawuyinceku elizweni laseGibithe, lokuthi iNkosi uNkulunkulu wakho yakukhupha khona ngesandla esilamandla langengalo elamandla. Ngakhoke iNkosi uNkulunkulu wakho yakulaya ukuba ugcine usuku lweSabatha.

UDutheronomi 9:16

Ngabona ukuthi lonile eNkosini uNkulunkulu wenu, lokuthi lizenzele ithole elibunjiweyo, liphambukile masinyane endleleni iNkosi eyayililayele.

UDutheronomi 9:26

Ngakhuleka eNkosini ngathi: Nkosi Nkulunkulu, ungabachithi abantu bakho abayisizwe sakho obakhulule ngobukhulu bakho, wabakhupha eGibithe ngesandla esilamandla.

UDutheronomi 9:29

Ngoba bangabantu bakho abayisizwe sakho, owabakhupha ngamandla akho amakhulu langengalo yakho elamandla.

UJuda 1:10

Kodwa lababantu bathuka konke abangakwaziyo; lalokho abakwaziyo ngemvelo njengezinyamazana ezingelangqondo babhubha ngakho.

Abahluleli 2:17

Kanti kababalalelanga abahluleli babo, baphinga ngokukhonza abanye onkulunkulu, bakhothama kibo, baphambuka masinyane endleleni okhokho babo ababehamba kuyo, ababelalele imilayo yeNkosi. Bona kabayilalelanga iNkosi.