UDutheronomi 8:8 - iBhayibhili Elingcwele 1978

⁸ ilizwe elilamabele lebhali, lezivini, lemikhiwa, lezithelo zepomegranati, lezihlahla zamaoliva, lenyosi,

IBhayibhili Elingcwele LesiNdebele

⁸ elizweni lengqoloyi lebhali, amavini lemikhiwa, amaphomegranathi, amafutha ama-oliva lenyosi;

UDutheronomi 8:8 Mawu Ofanana

UGenesisi 49:11

Ubophela ithole lakhe likababhemi evinini, lethole lakhe likababhemikazi evinini elihle. Ugezisa ingubo zakhe ewayinini, lezambatho zakhe egazini lezithelo zevini.

2 USamuyeli 4:6

Owesifazana olinda umnyango wendlu wayekade esela amabele, wasewozela elala; ngakho uRekabi loBahana umfowabo bangena phakathi.

1 AmaKhosi 5:11

loSolomoni wanika uHiramu amasaka amabele azinkulungwane ezingamatshumi amathathu lambili okudla kwabendlu yakhe, lamatanka angamakhulu amabili lamatshumi amathathu amafutha. USolomoni wamnika uHiramu lokhu iminyaka ngeminyaka.

2 AmaKhosi 18:32

ngize ngifike ngilithathe, ngilise elizweni elifanana lelizwe lakini, ilizwe eligcwele amabele lewayini lomumbu lezivini lezihlahla zamaoliva lenyosi, ukuze liphile lingafi. Lingamlaleli uHezekiya nxa elikhohlisa ngokuthi: INkosi uNkulunkulu izakusikhulula.

AmaHubo 147:14

Iyenza ukuthula emikhawulweni yakho; ikusuthise ngamabele amahle.

AmaHubo 81:16

Bengingalipha amabele amahle, ngilisuthise ngenyosi ezivela edwaleni.

U-Isaya 7:23

Kuthi ngalolosuku, lapho okwakukhona amavini ayinkulungwane alingana lenhlamvu zesiliva eziyinkulungwane, kube khona ameva lokhula.

UJeremiya 2:7

Ngalingenisa elizweni elivundileyo ukuba lidle izithelo zalo lokuhle kwalo. Kodwa lapho selingenile lalingcolisa ilizwe lami, lenza ilizwe engalinika lona laba ngamanyala.

UJeremiya 5:17

Bazakudla amabele akho lokudla kwakho, badle amadodana akho lamadodakazi akho, badle izimvu zakho lenkomo zakho, badle amavini akho lemikhiwa yakho; lemizi yakho ebiyelweyo othembela kiyo, bazayichitha.

UHezekhiyeli 27:17

UJuda lelizwe lakoIsrayeli bathengiselana lawe, benana impahla zakho ngamabele aseMinithi, langempuphu, langenyosi, langamafutha, langamakha.

UHosiya 2:22

umhlaba uphendule ngokuthela amabele lewayini lamafutha, wona aphendule uJezereli ngokumnika ukudla.

UHosiya 2:8

Wayengakwazi ukuba kwakuyimi engangimnika amabele lewayini elitsha lamafutha, ngimnika isiliva esinengi legolide elinengi abakusebenzisela uBali.

UMikha 4:4

kodwa abantu bazakuzihlalela ngaphansi kwezihlahla zabo zevini, langaphansi kwezomkhiwa, kabayikwethuswa lutho; ngoba iNkosi yamabandla ikhulumile.

UHabhakhukhi 3:17

Loba umkhiwa ungavezi impoko, loba kungekho izithelo evinini leoliva liphuthe ukuthela, amasimu angavezi ukudla, izimvu zichithwe esibayeni, kungabi khona inkomo esibayeni,

AmaNani 13:23

Bafika esihotsheni saseEshikoli; baquma khona ugatsha olulehlukuzo lezithelo zevini, ababili baluthwalisana ngesigodo, kanye lezithelo zamapomegranati lemikhiwa.

UJohane 6:13

Basebebutha, bagcwalisa izitsha ezilitshumi lambili ngemvuthuluka yezinkwa ezinhlanu zebhali eyasalayo kulabo abadlayo.

UJohane 6:9

Kukhona umfana lapha olezinkwa ezinhlanu zebhali, lenhlanzi ezimbili; kodwa ziyini kwabanengi kangaka na?

UDutheronomi 32:13

Wamkhwelisa endaweni eziphakemeyo zomhlaba, wadla izithelo zamasimu. Wamnika uluju oluvela edwaleni, lamagcobo aphuma elitsheni elilukhuni,

UDutheronomi 32:14

lezankefu zezinkomo, lochago lwezimbuzi, kanye lamafutha amawundlu lawezinqama, inkomo zaseBashani lezimbuzi, lamabele amahle; wanatha iwayini, igazi lezithelo zesivini.

UDutheronomi 6:3

Ngakhoke zwana, Israyeli, unanzelele ukuzenza, ukuba kukulungele, wande kakhulu elizweni eligcwele uchago lenyosi njengokukuthembisa kwayo iNkosi uNkulunkulu wabokhokho benu.

UDutheronomi 8:7

Ngoba iNkosi uNkulunkulu wenu isizakulingenisa elizweni elihle, ilizwe elilemifula yamanzi, lemithombo yamanzi agobhoza ezihotsheni lezintabeni;

UDutheronomi 8:9

ilizwe lapho elizakudla khona isinkwa esingayikuphela; lalapho lingayikuswela lutho; ilizwe elilamatshe alensimbi, lelilezintaba elingemba kuzo ithusi.