UDutheronomi 8:15 - iBhayibhili Elingcwele 1978

¹⁵ yalihola enkangala enkulu leyesabekayo, eyayigcwele izinyoka ezilobuhlungu lezinkume, elomhlabathi owomileyo, lapho kwakungelamanzi khona. Yalivezela amanzi edwaleni eliqinileyo,

IBhayibhili Elingcwele LesiNdebele

¹⁵ UThixo walikhokhela enkangala enkulu eyesabekayo, eyomileyo engelamanzi, elobuthi benyoka lenkume. Walinika amanzi aphuma edwaleni.

UDutheronomi 8:15 Mawu Ofanana

AmaHubo 105:41

Yaqhekeza idwala, kwampompoza amanzi, ageleza enkangala njengomfula.

AmaHubo 114:8

yena ophendula idwala libe lichibi lamanzi, lelitshe eliqinileyo libe ngumthombo wamanzi.

AmaHubo 136:16

Yakhokhela abantu bayo enkangala, ngoba uthando lwayo olungapheliyo lumi kuze kube nininini;

U-Isaya 30:6

Leli yilizwi ngezilo zaseNegebi. Abathunyiweyo badabula ilizwe elilengozi lokuhlupheka, lapho kukhona izilwane, lamabululu lenyoka eziphaphayo, bethwele inotho ngabobabhemi, lempahla yabo eligugu ngamakamela, bekusa ebantwini abangelakubasiza ngalutho.

U-Isaya 35:7

itshebetshebe elitshisayo libe lichibi, lomhlabathi owomileyo ugobhoze amanzi. Lapho kwakuhlala khona amakhanka kuzakuba lidlelo lemihlambi, lotshani bube yimihlanga lebhuma.

U-Isaya 43:19

ngoba, khangelani, ngenza okutsha, kuyavela khathesi, angithi liyakubona na? Ngizakwenza indlela enkangala, lemifula endaweni elugwadule.

UJeremiya 2:6

Kabatshongo ukuthi: Ingaphi iNkosi eyasikhupha elizweni laseGibithe, yasikhokhela enkangala, elizweni elilugwadule lelilemigodi, elizweni elomileyo elimnyama kakhulu, elizweni elingahanjwa muntu, lalapho kungahlali muntu khona na?

UHosiya 13:5

Yimi engakulondoloza enkangala, elizweni lokoma.

AmaNani 20:11

UMose waphakamisa isandla sakhe, watshaya idwala kabili ngentonga yakhe; kwampompoza amanzi amanengi, ibandla lanatha kanye lenkomo zalo.

AmaNani 21:6

INkosi yasithuma inyoka ezilobuhlungu obubi phakathi kwabantu, zabaluma, bafa abanengi bakoIsrayeli.

1 AbaseKhorinte 10:4

bonke banatha ukunatha kunye komoya; ngoba banatha edwaleni lomoya elahamba labo; lelodwala lalinguKristu.

UDutheronomi 1:19

Sasuka eHorebe, sadabula phakathi kwaleyonkangala enkulu leyesabekayo elayibonayo; sahamba ngendlela eya ezintabeni zamaAmori, njengokusilaya kweNkosi, safika eKadeshiBarneya.

UDutheronomi 32:13

Wamkhwelisa endaweni eziphakemeyo zomhlaba, wadla izithelo zamasimu. Wamnika uluju oluvela edwaleni, lamagcobo aphuma elitsheni elilukhuni,