UDutheronomi 8:1 - iBhayibhili Elingcwele 1978

¹ Lizakugcina kuhle yonke imithetho engililaya ngayo lamuhla, liyenze ukuze liphile, lande, lingene elizweni lilithumbe, iNkosi uNkulunkulu wenu eyafunga ukulinika okhokho benu.

IBhayibhili Elingcwele LesiNdebele

¹ “Nanzelelani njalo lilandele yonke imilayo engilinika yona lamuhla, ukuze liphile njalo lande khona lizangena lithumbe ilizwe uThixo alinika okhokho benu ethembisa ngesifungo.

UDutheronomi 8:1 Mawu Ofanana

UHezekhiyeli 20:19

Mina Nkosi nginguNkulunkulu wenu. Hambani ngezimiso zami, liqaphelise ukugcina imithetho yami,

UDutheronomi 1:8

Khangelani, ngilivulele ilizwe phambi kwenu. Ngenani, lilithumbe ilizwe iNkosi eyafunga kubokhokho benu, oAbrahama loIsaka loJakobe, ukubanika lona lenzalo yabo emva kwabo.

UDutheronomi 4:1

Khathesike, lina bakoIsrayeli, zwanini izimiso lezahlulelo engilifundisa zona, lizenze ukuze liphile, lingene lilithumbe ilizwe elinika lona iNkosi uNkulunkulu wabokhokho benu.

UDutheronomi 5:32

Ngakhoke qaphelani ukuba lenze njengokulilaya kwayo iNkosi uNkulunkulu wenu; lingaphambukeli ngakwesokunene langakwesokhohlo.

UDutheronomi 5:33

Lizakuhamba endleleni yonke iNkosi uNkulunkulu wenu elilaye yona, ukuba liphile, kulilungele, lihlale isikhathi eside elizweni elizakuba ngelenu.

UDutheronomi 8:18

Khumbulani iNkosi uNkulunkulu wenu, ngoba yiyo elinika amandla okuzuza imfuyo, ukuba iqinise isivumelwano sayo eyasifunga kubokhokho benu njengokwenza kwayo lamhla.