UDutheronomi 7:4 - iBhayibhili Elingcwele 1978

⁴ Ngoba amadodana akho azakuphanjulwa yizo ekuyilandeleni iNkosi, ukuze akhonze abanye onkulunkulu, INkosi ikuthukuthelele, ikubhubhise masinyane.

IBhayibhili Elingcwele LesiNdebele

⁴ ngoba azaphambula amadodana enu ekungikhonzeni abesekhonza abanye onkulunkulu, kuthi ulaka lukaThixo luvuthe lulitshabalalise.

UDutheronomi 7:4 Mawu Ofanana

1 AmaKhosi 16:31

Kwakungathi kakwanelanga kuye ukwenza izono zikaJerobowamu indodana kaNebati, wathatha uJezebeli indodakazi kaEthibali inkosi yaseSidoni ukuba abe ngumkakhe. Wakhonza uBali, wakhuleka kuye.

U-Eksodasi 20:5

ungazikhothameli, ungazikhonzi; ngoba mina Nkosi, uNkulunkulu wakho, nginguNkulunkulu olomona; ngehlisela ububi baboyise ebantwaneni besizukulwana sesithathu lesesine sabangizondayo,

U-Eksodasi 34:16

ungawathatheli amadodana akho amadodakazi abo; ngoba lapho amadodakazi abo ephinga labonkulunkulu babo, azakwenza amadodana akho ukuba aphinge kanye lawo.

UDutheronomi 20:18

ukuba bangalifundisi ukwenza imikhuba yabo enengekayo, abayenza ekukhonzeni kwabo onkulunkulu babo, lone eNkosini uNkulunkulu wenu.

UDutheronomi 4:26

ngibiza izulu lomhlaba lamhla ukuba kufakaze ngani ukuthi lizabhubha masinyane elizweni elichapha iJordani ukuya kilo ukuba libe ngelenu; kaliyikuhlala kilo isikhathi eside, kodwa lizabhujiswa isibili.

UDutheronomi 6:15

Ngoba iNkosi uNkulunkulu wakho ophakathi kwakho inguNkulunkulu olomona. Qaphela, funa iNkosi uNkulunkulu wakho ikuthukuthelele, ikuchithe emhlabeni.

UJoshuwa 22:15

Bafika kwabakoRubeni labakoGadi lengxenye yesizwe sakoManase elizweni laseGileyadi, bathi kibo:

UJoshuwa 23:12

Ngoba uba libuyela emuva, lizihlanganise lezizwe eziseleyo phakathi kwenu, lithathane lazo ukuba lithathe abesifazana bazo, lazo zithathe abenu,

Abahluleli 2:11

AbakoIsrayeli benza okubi phambi kweNkosi, bakhonza oBali,

Abahluleli 2:20

Ngalokhoke ulaka lweNkosi lwavutha kuIsrayeli, yathi: Ngoba lababantu basaphule isivumelwano sami engasilaya okhokho babo, kabalilalelanga ilizwi lami,

Abahluleli 3:6

bathatha amadodakazi azo aba ngomkabo, amadodakazi abo bawendisela amadodana abo, bakhonza onkulunkulu bazo.