UDutheronomi 7:2 - iBhayibhili Elingcwele 1978

² lalapho iNkosi uNkulunkulu wakho izinikela zona kuwe ukuba uzinqobe, uziqede nya. Ungenzi isivumelwano lazo, ungabi lasihawu kuzo.

IBhayibhili Elingcwele LesiNdebele

² kuthi lapho uThixo uNkulunkulu wenu esezinikele ezandleni zenu lani selizinqobile kufanele lizitshabalalise ngokupheleleyo. Lingabi lesivumelwano lazo, njalo lingabi lesihawu kuzo.

UDutheronomi 7:2 Mawu Ofanana

UGenesisi 14:20

Kabongwe uNkulunkulu oPhezukonke onikele esandleni sakho izitha zakho. UAbrama wasemnika okwetshumi okwempango yonke.

2 USamuyeli 21:2

Ngakho inkosi yasibiza abaseGibeyoni. AbaseGibeyoni babengesibo abantu bakoIsrayeli, kodwa babengabasalayo bamaAmori; lanxa abakoIsrayeli babefungile ukubayekela, uSawuli wafuna ukubabulala ekutshisekeleni kwakhe abakoIsrayeli labakoJuda.

1 AmaKhosi 20:34

UBenihadadi wathi kuyo: Imizi ubaba ayithumba kuyihlo ngizayibuyisela; futhi ungazakhela indawo yokuthengisela eDamaseko njengokwenza kukababa eSamariya. UAhabi wathi: Ngizakukuyekela uhambe ngalesisivumelwano. Wasesenza laye isivumelwano emyekela ehamba.

U-Ezra 10:3

Ngakhoke asenze isivumelwano loNkulunkulu wethu ukuba silahle bonke lababafazi labantwana babo ngeseluleko senkosi yami langesalabo abawesabayo umlayo kaNkulunkulu wethu; kwenziwe njengokutsho komlayo.

AmaHubo 106:34

Kabababhubhisanga abantu, njengokulaywa kwabo yiNkosi,

U-Eksodasi 22:20

Onikela kwabanye onkulunkulu ngaphandle kweNkosi kabhujiswe.

AmaNani 21:2

UIsrayeli wafunga eNkosini wathi: Uba unikela lababantu esandleni sami, ngizakuchitha imizi yabo iphele nya.

AmaNani 31:17

Ngakhoke bulalani bonke abantwana besilisa, libulale labo bonke abesifazana abalele lamadoda;

AmaNani 33:52

xotshani bonke abakhileyo elizweni phambi kwenu, libulale wonke amatshe abo alemifanekiso, lichithe zonke izithombe zabo ezibunjiweyo, livale zonke indawo zabo eziphakemeyo zokukhonzela,

UDutheronomi 13:8

ungamvumeli, ungamlaleli; futhi ungamhawukeli, ungamyekeli, ungamfihli,

UDutheronomi 13:9

kodwa umbulale; isandla sakho simtshaye kuqala ukumbulala, andubana zimtshaye izandla zabantu bonke.

UDutheronomi 19:13

Lingamhawukeli, kodwa qedani koIsrayeli icala lokuchitha igazi elingelacala, ukuba kulilungele.

UDutheronomi 2:33

INkosi uNkulunkulu wethu yamnikela kithi: samnqoba yena lamadodana akhe labantu bakhe.

UDutheronomi 2:34

Ngalesosikhathi sathumba yonke imizi yakhe, sayichitha yonke, sabulala abesilisa labesifazana labantwana; kasitshiyanga muntu;

UDutheronomi 23:14

Ngoba iNkosi uNkulunkulu wenu iyahamba phakathi kwezihonqo zenu, ukuba ililondoloze, inikele izitha zenu kini. Ngakhoke izihonqo zenu kazibe ngcwele, ukuba ingaboni lutho olungahlambulukanga phakathi kwenu, ilifulathele.

UDutheronomi 25:12

quma isandla sakhe, ungabi lasihawu laye.

UDutheronomi 3:3

Ngakhoke iNkosi uNkulunkulu wethu yamnikela ezandleni zethu loOgi inkosi yaseBashani kanye labo bonke abantu bakhe; sababulala, kakwaze kwasala muntu.

UDutheronomi 31:5

INkosi izakuzinikela kini, lenze kuzo njengokulilaya kwami konke.

UDutheronomi 33:27

UNkulunkulu wanininini uyisiphephelo sakho, langaphansi zikhona ingalo ezingelakuphela. Waxotsha izitha phambi kwakho, wathi: Bhubhisa.

UDutheronomi 7:16

Lizakubachitha bonke abantu ezakubanikela kini iNkosi uNkulunkulu wenu; lingabahawukeli, lingakhonzi onkulunkulu babo, ngoba lokhu kuzakuba ngumjibila kini.

UDutheronomi 9:3

Ngakhoke yazi lamuhla ukuthi yiNkosi uNkulunkulu wakho echapha ngaphambi kwakho enjengomlilo oqothulayo; yona izakubachitha, ibanqobe phambi kwakho; uzakubaxotsha, ubabhubhise masinyane, njengokukuthembisa kwayo.

UJoshuwa 10:28

UJoshuwa wathumba iMakeda ngalolosuku, walichitha kanye lenkosi yalo ngomkhonto, waqeda nya bonke abantu ababekilo, katshiyanga muntu. Wenza enkosini yaseMakeda lokho akwenza enkosini yaseJeriko.

UJoshuwa 10:30

iNkosi yalinikela lalo kanye lenkosi yalo esandleni sikaIsrayeli, owalichitha ngomkhonto labo bonke abantu ababekilo; katshiyanga muntu kilo, wenza enkosini yalo lokho akwenza enkosini yaseJeriko.

UJoshuwa 10:32

iNkosi yalinikela iLakishi esandleni sikaIsrayeli owalithumba ngosuku lwesibili, walichitha ngomkhonto labo bonke abantu ababekilo, njengokwenza kwakhe eLibina.

UJoshuwa 10:40

UJoshuwa walinqoba lonke ilizwe, elalisezintabeni leNegebi leShefela lamaqaqa lawo wonke amakhosi akhona; katshiyanga loyedwa, waqeda konke okuphilayo, njengokulaya kweNkosi, uNkulunkulu kaIsrayeli.

UJoshuwa 10:42

UJoshuwa wathumba wonke lamakhosi lamazwe awo ngasikhathi sinye, ngoba iNkosi uNkulunkulu kaIsrayeli yamlwela uIsrayeli.

UJoshuwa 11:8

INkosi yabanikela esandleni sikaIsrayeli owabahlasela waxotshana labo kwaze kwaba seSidoni elikhulu laseMisirefothi‐Mayimi, langasempumalanga kwaze kwaba sesihotsheni seMizipe. Babachitha, kakwaze kwasala loyedwa.

UJoshuwa 2:14

Lawomadoda athi kuye: Uba singakwenzi lokho, kuyithi esifanele ukufa, kayisuwe, ngaphandle kokuba ukuveze obala esikwenzayo. Lapho iNkosi isisinikile ilizwe, sizakugcina isithembiso sethu kuwe.

UJoshuwa 21:44

INkosi yabanika ukuphumula inxa zonke njengokufunga kwayo kubokhokho babo. Kakubanga khona lasinye isitha sabo esamelana labo, ngoba iNkosi yazinikela izitha zonke zabo ezandleni zabo.

UJoshuwa 8:24

Kwathi lapho abakoIsrayeli sebeqedile ukubulala abaseAyi emagcekeni lasenkangala lapho babebaxotshele khona, bababulala bonke nya ngomkhonto, basebephendukela eAyi, balihlasela.

UJoshuwa 9:24

Bamphendula uJoshuwa bathi: Thina zinceku zakho satshelwa ukuthi iNkosi uNkulunkulu wakho yalaya uMose inceku yayo ukulinika ilizwe lonke lokuba libulale bonke abakhileyo kilo. Ngakho ngenxa yenu saba lovalo kakhulu ngokuphila kwethu, yikho senze lokho.

UJoshuwa 9:7

Kodwa abakoIsrayeli bathi kumaHivi: Mhlawumbe lihlala phakathi kwethu; singenza kanjani isivumelwano lani na?

Abahluleli 1:24

Lezinhloli zabona umuntu ephuma emzini, zathi kuye: Akusitshengise ukuba singangena njani emzini, sizakukuphatha ngomusa.

Abahluleli 1:4

UJuda wasephuma ukuyahlasela, iNkosi yanikela amaKanani lamaPerizi ezandleni zabo; babulala abayizinkulungwane ezilitshumi eBezeki.

Abahluleli 2:2

lani kaliyikwenza isivumelwano labakhileyo balelilizwe, lizadiliza ama‐altare abo. Kodwa kaliwulalelanga umlayo wami. Kuyini lokhu elikwenzileyo na?