UDutheronomi 5:15 - iBhayibhili Elingcwele 1978

¹⁵ Ukhumbule ukuthi wawuyinceku elizweni laseGibithe, lokuthi iNkosi uNkulunkulu wakho yakukhupha khona ngesandla esilamandla langengalo elamandla. Ngakhoke iNkosi uNkulunkulu wakho yakulaya ukuba ugcine usuku lweSabatha.

IBhayibhili Elingcwele LesiNdebele

¹⁵ Khumbula ukuthi wawuyisigqili eGibhithe lokuthi uThixo uNkulunkulu wakho wakukhipha khona ngesandla esilamandla lengalo eyelulekileyo. Ngalokho uThixo uNkulunkulu wakho ukulaye ukuthi ugcine usuku lweSabatha.

UDutheronomi 5:15 Mawu Ofanana

UGenesisi 15:13

INkosi yathi kuAbrama: Yazi impela ukuthi inzalo yakho izazula elizweni elingesilo layo, isebenzele abantu abazakuyihlupha iminyaka engamakhulu amane.

UGenesisi 19:16

Kodwa esazilazila, amadoda ambamba ngesandla yena lomkakhe lamadodakazi akhe womabili, ngoba iNkosi imhawukela, amkhupha, ambeka ngaphandle komuzi.

AmaHubo 116:16

Nkosi, ngiyinceku yakho, ngiyinceku yakho lendodana yencekukazi yakho. Wena uqamule izibopho zami.

AmaHubo 136:12

ngesandla esilamandla langengalo elamandla, ngoba uthando lwayo olungapheliyo lumi kuze kube nininini;

U-Eksodasi 13:14

Lapho amadodana enu elibuza ngesikhathi esizayo esithi: Kutshoni lokhu na? lizakuthi kuwo: Ngamandla esandla iNkosi yasikhupha eGibithe, endaweni yobugqili.

U-Eksodasi 13:16

Kuzakuba luphawu ezandleni zenu lesikhumbuzo emabunzini enu, ngoba ngamandla esandla sayo iNkosi yasikhupha eGibithe.

U-Eksodasi 13:3

UMose wasesithi ebantwini: Khumbulani lolusuku eliphume ngalo eGibithe, endaweni yobugqili; ngoba ngamandla esandla iNkosi elikhuphe kulindawo. Kakungadliwa isinkwa esilemvubelo.

U-Eksodasi 13:9

Lokhu kuzakuba luphawu ezandleni zenu lesikhumbuzo emabunzini enu, ukuze umlayo weNkosi ube semilonyeni yenu; ngoba ngesandla esilamandla iNkosi ilikhuphile eGibithe.

U-Eksodasi 20:11

Ngoba ngensuku eziyisithupha iNkosi yenza izulu lomhlaba lolwandle lakho konke okukukho, yaphumula ngosuku lwesikhombisa; ngalokhu iNkosi yalubusisa usuku lwesikhombisa, yalwenza lwaba ngcwele.

U-Eksodasi 6:6

Ngakhoke tshono kwabakoIsrayeli ukuthi: NgiyiNkosi; ngizalikhupha ekucindezelweni kwenu ngamaGibithe; ngilikhulule ebugqilini benu, ngilihlenge ngengalo elamandla langezenzo ezinkulu zokwahlulela.

U-Isaya 63:9

ekuhluphekeni kwabo konke. Kabakhululwanga yisigijimi loba yisithunywa, kodwa yabasilisa yona uqobo; ngothando lwayo langesihawu sayo yabahlenga, yabaphakamisa, yabathwala zonke insuku zakuqala.

UDanyeli 9:15

Khathesike, Nkosi Nkulunkulu wethu, owabakhuphayo abantu bakho elizweni laseGibithe ngesandla esilamandla, wazenzela udumo njengalamhlanje, sonile senza okubi.

UDutheronomi 15:15

Uzakhumbula ukuthi lawe wawuyisigqili elizweni laseGibithe, lokuthi iNkosi uNkulunkulu wakho yakuhlenga. Ngalokho ngiyakulaya lamuhla.

UDutheronomi 16:12

Khumbulani ukuthi laliyizigqili eGibithe, ligcine kuhle lezizimiso.

UDutheronomi 26:8

yasikhupha eGibithe ngesandla esilamandla lengalo elamandla, langezenzo ezesabekayo, langezibonakaliso lezimangaliso;

UDutheronomi 5:6

NgiyiNkosi uNkulunkulu wakho, eyakukhupha eGibithe, endaweni yobugqili.

UDutheronomi 9:12

Yasisithi kimi: Phangisa wehle lapha, ngoba abantu bakho owabakhupha eGibithe bonile, baphambukile masinya endleleni engabalaya yona, bazenzela isithombe esibunjiweyo.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.