UDutheronomi 4:9 - iBhayibhili Elingcwele 1978

⁹ Ngakhoke qaphelani, ligcine kuhle umphefumulo wenu, funa likhohlwe izinto elizibonayo, zingasuki emikhumbulweni yenu insuku zenu zonke. Libazise zona abantwana benu labazukulu benu,

IBhayibhili Elingcwele LesiNdebele

⁹ Kodwa linanzelele, liqaphelisise ukuze lingakhohlwa izinto elizibonileyo loba zilibaleke ezinhliziyweni zenu ekuphileni kwenu konke. Fundisani abantwabenu ngalezizinto njalo labo babofundisa abantwababo labantwana babantwana abalandela emva kwabo.

UDutheronomi 4:9 Mawu Ofanana

UGenesisi 18:19

Ngoba ngimkhethile ukuba alaye abantwana bakhe losendo lwakhe, bagcine indlela yeNkosi ngokwenza ukulunga lokuqotho, ukuze iNkosi imenzele uAbrahama lokho emthembise khona.

AmaHubo 119:11

Ilizwi lakho ngilibekile enhliziyweni yami, ukuze ngingoni kuwe.

AmaHubo 71:18

Ungangitshiyi, Nkosi, lapho sengimdala, sengiyingwevu, sengiluphele, ngize ngitshumayele ubukhulu bakho lamandla akho ezizukulwaneni zonke ezizayo.

U-Eksodasi 10:2

lokuba utshele indodana yakho lendodana yendodana yakho izinto ezihlekisayo engizenze phezu kwamaGibithe lezibonakaliso engizenze phakathi kwawo, ukuze lazi ukuthi ngiyiNkosi.

U-Eksodasi 23:13

Qaphelani konke lokhu esengikutshilo kini, lingawaphathi amabizo abanye onkulunkulu, angezwakali emilonyeni yenu.

Izaga 1:8

Mntanami, zwana ukufundisa kukayihlo, ungakwali ukufundisa kukanyoko;

Izaga 23:26

Mntanami, ungilalele, uzigcine uzilandele indlela zami.

Izaga 3:21

Mntanami, gcina amandla lengqondo ehlakaniphileyo, kakungaphunyuki phambi kwakho;

Izaga 7:1

Mntanami, gcina amazwi ami, uzibekele imilayo yami.

U-Isaya 38:19

Abaphilayo yibo abakudumisayo, njengoba ngikudumisa lamuhla; oyise bayatshela abantwana babo ngobuqotho bakho.

U-Isaya 42:20

Iyabona izinto ezinengi, kodwa kayiziqaphelisi; indlebe zayo zivulekile, kodwa kayizwa.

UJeremiya 17:21

INkosi ithi: Xwayani ngenxa yokusila kwenu: lingathwali umthwalo ngeSabatha, lingawungenisi ngamasango eJerusalema.

ULukha 8:18

Ngakhoke qaphelisani ukuba lizwa kanjani; ngoba ilowo lalowo olakho uzakuphiwa; kodwa lowo ongelakho uzakwamukwa lalokho athi ulakho.

Abase-Efesu 6:4

Lani bobaba, lingabathukuthelisi abantwana benu, kodwa libondle ngokulaya langokufundisa kweNkosi.

UDutheronomi 11:19

Lizakuwafundisa abantwana benu, liwatsho lapho lihlezi ezindlini zenu, lalapho lihamba endleleni, lalapho lilala, lalapho livuka.

UDutheronomi 12:1

Lezi ziyizimiso lezahlulelo elizakuzigcina elizweni iNkosi, uNkulunkulu wabokhokho benu, elinike lina ukuba libe ngelenu zonke insuku zokuhamba kwenu emhlabeni.

UDutheronomi 16:3

Lingadli isinkwa esilemvubelo kanye lomhlatshelo wePhasika; insuku eziyisikhombisa lizawudla kanye lesinkwa esingelamvubelo, isinkwa senhlupheko — ngoba laphuma eGibithe ngokuphangisa. — Ngalokhu lizakulukhumbula usuku lokuphuma kwenu eGibithe zonke insuku zokuhamba kwenu.

UDutheronomi 17:19

Uzakuhlala elayo, ayibale insuku zonke zokuphila kwakhe, ukuba afunde ukuyesaba iNkosi uNkulunkulu wakhe, agcine wonke amazwi alumlayo lezimiso lezi, azenze,

UDutheronomi 29:29

Izimfihlakalo zingezeNkosi uNkulunkulu wethu, kodwa izinto ezambuliweyo zingezethu lezabantwana bethu kuze kube nininini, ukuba sigcine wonke amazwi alumlayo.

UDutheronomi 31:19

Ngakhoke lobani lingoma, liyifundise abantu bakoIsrayeli; bayitsho ukuba ibe yibufakazi ngabantu bakoIsrayeli.

UDutheronomi 32:46

wathi kubo: Bekani enhliziyweni zenu wonke amazwi engiwakhuluma kini lamuhla, ukuba libalaye abantwana benu ngawo, bawagcine kuhle wonke amazwi alumlayo.

UDutheronomi 4:10

ukuthi mhla wosuku elema ngalo phambi kweNkosi uNkulunkulu wenu eHorebe, iNkosi yathi kimi: Ngibuthanisela abantu ukuba ngibazise amazwi ami, ukuze bafunde ukungesaba zonke insuku zokuhamba kwabo emhlabeni, bafundise njalo labantwana babo.

UDutheronomi 4:15

Ngakhoke qaphelani. Njengoba lingabonanga isimo somuntu mhla wosuku iNkosi ikhuluma lani eHorebe iphakathi komlilo,

UDutheronomi 4:23

Qaphelisani funa likhohlwe isivumelwano seNkosi uNkulunkulu wenu eyasenza lani, lenze isithombe esibaziweyo salokho iNkosi uNkulunkulu wenu elinqabele khona.

UDutheronomi 6:12

qaphela, ukuba ungayikhohlwa iNkosi eyakukhupha eGibithe, endaweni yobugqili.

UDutheronomi 6:2

ukuze uyesabe iNkosi uNkulunkulu wakho wena lendodana yakho lendodana yendodana yakho, ugcine zonke izimiso zayo lemithetho yayo engikulaya yona, zonke insuku zokuhamba kwakho, ukuze insuku zakho zande.

UDutheronomi 6:20

Kuzakuthi lapho indodana yakho ikubuza esikhathini esizayo isithi: Itshoni imilayo lezimiso lezahlulelo iNkosi uNkulunkulu wakho ekulaye zona na?

UDutheronomi 6:7

uzakuwafundisa abantwana bakho, uwatsho lapho uhlezi endlini yakho, lalapho uhamba endleleni, lalapho ulala, lalapho uvuka.

UDutheronomi 8:11

Qaphelani ukuba lingakhohlwa iNkosi uNkulunkulu wenu ngokungagcini imithetho yayo lezimiso zayo lezahlulelo zayo, engililaya zona lamuhla.

UDutheronomi 8:14

qaphelani ukuba inhliziyo zenu zingazikhukhumezi, beselikhohlwa iNkosi uNkulunkulu wenu eyalikhupha elizweni laseGibithe, endaweni yobugqili,

AmaHebheru 2:1

Ngakhoke asiqaphelisise esikuzwileyo funa mhlawumbe siduhe kukho.

AmaHebheru 2:3

thina sizakuphepha kanjani, uba sidelela ukusiliswa okungaka na? Kwakhulunywa kuqala yiNkosi, kwafakazwa kithi yilabo abayizwayo,

UJakhobe 2:22

Uyabona ukuthi ukukholwa kwakusebenza kanye lemisebenzi yakhe, lokuthi ukukholwa kwapheleliswa ngemisebenzi,

UJoshuwa 1:18

Lowo odelela umlayo wakho engalaleli amazwi akho kukho konke omlaya khona uzabulawa. Qina kuphela, ume isibindi.

UJoshuwa 23:11

Qaphelisisani ukuyithanda iNkosi uNkulunkulu wenu.

UJoshuwa 4:21

Wathi kwabakoIsrayeli: Nxa abantwana benu belibuza ensukwini ezizayo ukuthi atshoni lamatshe,

Isambulo 3:3

Khumbulake lokho okwamukeleyo wakuzwa, kugcine, uphenduke. Uba ungavuki, ngizakuza kuwe njengesela, kawusoze wasazi isikhathi engizakuza ngaso kuwe.

Abahluleli 3:7

AbakoIsrayeli benza okubi phambi kweNkosi, bayikhohlwa iNkosi uNkulunkulu wabo, bakhonza oBali laboAshera.

Abahluleli 8:34

Kabayikhumbulanga iNkosi uNkulunkulu wabo eyabophula ezandleni zezitha zabo zonke inxa zonke.