UDutheronomi 4:39 - iBhayibhili Elingcwele 1978

³⁹ Ngakhoke yazini lamuhla, likugcine enhliziyweni zenu ukuthi iNkosi inguNkulunkulu phezulu ezulwini laphansi emhlabeni; kakho omunye.

IBhayibhili Elingcwele LesiNdebele

³⁹ Yamukelani njalo likugcine ezinhliziyweni zenu lamuhla ukuthi uThixo unguNkulunkulu ezulwini phezulu lasemhlabeni phansi. Kakho omunye.

UDutheronomi 4:39 Mawu Ofanana

2 USamuyeli 7:22

Wena umkhulu impela, Nkosi Nkulunkulu; ngoba kakho onjengawe, kakho uNkulunkulu ngaphandle kwakho, ngakho konke esikuzwileyo ngendlebe zethu.

1 ImiLando 17:20

Kakho onjengawe, Nkosi, kakho uNkulunkulu ngaphandle kwakho, ngakho konke esikuzwileyo ngendlebe zethu.

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

1 ImiLando 29:11

Bungobakho, wena Nkosi, ubukhulu lamandla lodumo lokunqoba lobukhosi; ngoba konke okusezulwini lokusemhlabeni kungokwakho; umbuso ungowakho, Nkosi; wena uphakeme, uyinhloko phezu kwakho konke.

2 ImiLando 20:6

wathi: Nkosi, Nkulunkulu wabokhokho, wena kawusuye uNkulunkulu osezulwini na? Kawubusi yonke imibuso yezizwe na? Esandleni sakho kukhona amandla wonke, ukuba kungabi khona ongamelana lawe.

AmaHubo 100:3

Yazini ukuthi iNkosi inguNkulunkulu. Yiyo eyasenzayo, singabayo: singabantu bayo lezimvu zedlelo layo.

AmaHubo 115:3

Owethu uNkulunkulu usezulwini, wenza konke akuthandayo.

AmaHubo 135:6

Konke iNkosi ekuthandayo iyakwenza, ezulwini lasemhlabeni, olwandle lasezinzikini zonke.

U-Eksodasi 8:10

Wathi: Kusasa. UMose wathi: Kakube njengelizwi lakho ukuze wazi ukuthi kakho onjengeNkosi uNkulunkulu wethu.

U-Isaya 1:3

Inkabi iyamazi umniniyo, lobabhemi uyawazi umkolo womnikazi wakhe; kodwa uIsrayeli, abantu bami, kabazi, kabaqedisisi.

U-Isaya 43:10

Lina bakoIsrayeli, lingofakazi bami, kutsho iNkosi, lenceku yami engiyikhethileyo, ukuze lazi, likholwe, liqedisise ukuba nginguye. Ngaphambi kwami kakuzanga kube khona omunye unkulunkulu, langasemva kwami kakuyikuba khona omunye.

U-Isaya 44:8

Lingesabi, lingatshaywa luvalo; angithi ngalitshela kusukela endulo na? Lina lingofakazi bami. Kambe kukhona uNkulunkulu ngaphandle kwami na? Atshi, kalikho iDwala elinjengami, kangilazi.

U-Isaya 5:12

Batshaye umhubhe lechacho, isigubhu lomhlanga, banathe iwayini emadilini abo, kodwa bengananzi izenzo zeNkosi, bengaboni lemisebenzi yezandla zayo.

UDanyeli 4:35

bonke abakhileyo emhlabeni batshaywa ize, uyenza akuthandayo ebandleni laphezulu; kakho ongavimbela isandla sakhe, loba athi kuye: Wenzani na?

UHosiya 7:2

Kabananzi ukuba ngiyakhumbula yonke imisebenzi yabo emibi. Khathesi izenzo zabo zibahanqile, zikhona phambi kwami.

1 AbaseKhorinte 8:4

Ngakhoke mayelana lokudla okuhlatshelwe izithombe, siyazi ukuthi kasikho isithombe emhlabeni lokuthi kakho omunye unkulunkulu, munye kuphela.

1 AbaseKhorinte 8:6

kanti kithi kukhona uNkulunkulu munye, uYise, okuvela kuye izinto zonke, lathi siphilela yena; leNkosi yinye, uJesu Kristu, okwavela ngaye konke, lathi sikhona ngaye.

UDutheronomi 32:12

ngokunjalo iNkosi yamhola, kwakungekho layo unkulunkulu wabezizwe.

UDutheronomi 32:29

Uba bebehlakaniphile, ngabe bakuqedisisa lokhu, bazi ukuphela kwabo.

UDutheronomi 4:35

Lina lakutshengiswa lokho ukuba lazi ukuthi iNkosi inguNkulunkulu, kakho omunye onjengayo.

UDutheronomi 6:4

Zwana, Israyeli, ukuthi: INkosi inguNkulunkulu wethu, yiNkosi yinye.

UDutheronomi 7:9

Ngakhoke yazini ukuthi iNkosi uNkulunkulu wenu inguNkulunkulu, uNkulunkulu othembekileyo, ogcina isivumelwano sakhe, olothando olungapheliyo kubo abamthandayo abagcina isivumelwano sakhe, kuze kube sezizukulwaneni eziyinkulungwane,

UJoshuwa 2:11

Sathi sikuzwa lokho inhliziyo zethu zaphela amandla, kakho loyedwa owaba lesibindi ngenxa yenu. Ngoba iNkosi uNkulunkulu wenu nguye uNkulunkulu osezulwini phezulu losemhlabeni phansi.

1 USamuyeli 2:2

Kakho ongcwele njengeNkosi, kakho loyedwa ngaphandle kwakho; futhi kalikho ledwala elinjengoNkulunkulu wethu.