UDutheronomi 4:37 - iBhayibhili Elingcwele 1978

³⁷ Njengoba ibathandile okhokho benu, yakhetha inzalo yabo emva kwabo, yalikhupha yona ngokwayo eGibithe ngamandla ayo amakhulu,

IBhayibhili Elingcwele LesiNdebele

³⁷ Ngenxa yokuthi wabathanda okhokho benu wakhetha izizukulwane zabo ezalandela ngemva kwabo, walikhipha eGibhithe ngoBukhona bakhe kanye langamandla akhe amakhulu,

UDutheronomi 4:37 Mawu Ofanana

2 ImiLando 16:9

Ngoba amehlo eNkosi uNkulunkulu athalaza emhlabeni wonke ukuba ibatshengise amandla ayo ngenxa yalabo abalenhliziyo ezipheleleyo kuyo. Wena wenzile ubuthutha kulokhu, ngakho kusukela lamhlanje uzakuba lezimpi ezinengi.

AmaHubo 32:8

Ngizakukufundisa ngikutshengise indlela ozakuhamba ngayo, ngizakweluleka, ilihlo lami libe phezu kwakho.

AmaHubo 34:15

Amehlo eNkosi akubo abalungileyo, lezindlebe zayo zilalela ukukhala kwabo.

AmaHubo 44:3

Ngoba kabalithumbanga ilizwe ngemikhonto yabo, kabanqobanga ngamandla abo, kodwa ngesandla sakho langamandla akho, langokukhanya kobuso bakho; ngoba wawubathanda.

U-Eksodasi 12:41

Emva kweminyaka engamakhulu amane lamatshumi amathathu, ngalona lolosuku zonke izimpi zeNkosi zaphuma eGibithe.

U-Eksodasi 12:51

Ngalona lolosuku iNkosi yabakhupha abakoIsrayeli elizweni laseGibithe ngezimpi zabo.

U-Eksodasi 13:14

Lapho amadodana enu elibuza ngesikhathi esizayo esithi: Kutshoni lokhu na? lizakuthi kuwo: Ngamandla esandla iNkosi yasikhupha eGibithe, endaweni yobugqili.

U-Eksodasi 13:3

UMose wasesithi ebantwini: Khumbulani lolusuku eliphume ngalo eGibithe, endaweni yobugqili; ngoba ngamandla esandla iNkosi elikhuphe kulindawo. Kakungadliwa isinkwa esilemvubelo.

U-Eksodasi 13:9

Lokhu kuzakuba luphawu ezandleni zenu lesikhumbuzo emabunzini enu, ukuze umlayo weNkosi ube semilonyeni yenu; ngoba ngesandla esilamandla iNkosi ilikhuphile eGibithe.

U-Eksodasi 33:14

Yasisithi: Mina uqobo ngizahamba lawe, ngikuphumuze.

U-Isaya 43:4

Ngoba wena uligugu emehlweni ami, udumile, ngiyakuthanda. Ngiyanika abantu esikhundleni sakho, lezizwe endaweni yokuphila kwakhe.

U-Isaya 63:9

ekuhluphekeni kwabo konke. Kabakhululwanga yisigijimi loba yisithunywa, kodwa yabasilisa yona uqobo; ngothando lwayo langesihawu sayo yabahlenga, yabaphakamisa, yabathwala zonke insuku zakuqala.

UJeremiya 31:1

Ngalesosikhathi, kutsho iNkosi, ngizakuba nguNkulunkulu wemizi yonke yakoIsrayeli; bazakuba ngabantu bami.

UJeremiya 31:3

iNkosi yabonakala kuye ikhatshana. Ngikuthandile ngothando olungapheliyo, ngakhoke ngithembekile kuwe.

UMalaki 1:2

Ngilithandile, kutsho iNkosi. Kodwa lina lithi: Usithande kanjani na? UEsawu kasuye umfowabo kaJakobe na? kutsho iNkosi. Kanti ngamthanda uJakobe,

AmaNani 20:16

Sakhala eNkosini, yasizwa, yathuma isithunywa sayo, yasikhupha eGibithe; khathesi sesilapha eKadeshi, umuzi osemkhawulweni welizwe lakho.

AbaseRoma 9:5

bangababo okhokho avela kubo uKristu ngokwenyama. UNkulunkulu ophezu kwakho konke kabongwe kuze kube nininini. Ameni.

UDutheronomi 10:15

Kodwa iNkosi yabambelela kubokhokho benu, yabathanda, yakhetha inzalo yabo emva kwabo, ngitsho lina phakathi kwabo bonke abantu, njengalamhla.

UDutheronomi 23:5

Kodwake iNkosi uNkulunkulu wenu kayimlalelanga uBalami, yaphendula isiqalekiso saba yisibusiso kini, ngoba yalithanda.

UDutheronomi 33:12

Mayelana loBenjamini wathi: Othandwayo weNkosi uyahlala kuhle ngakiyo; iyamlondoloza usuku lonke, iyahlala phakathi kwamaqaqa akhe.

UDutheronomi 33:3

Yebo, yabathanda abantu bayo. Bonke abangcwele bayo babesesandleni sayo; bahlala ngasenyaweni zayo, bamukele imilayezo yayo.

UDutheronomi 4:34

Futhi omunye unkulunkulu wake wazama yini ukuzithathela isizwe phakathi kwesinye isizwe ngezinhlupheko, langezibonakaliso, langezimangaliso, langempi, langesandla esilamandla, langengalo elamandla, langezinto ezesabekayo, njengakho konke iNkosi uNkulunkulu wenu eyalenzela khona eGibithe phambi kwamehlo enu na?

UDutheronomi 7:6

Ngoba lingabantu abangcwele eNkosini uNkulunkulu wenu; ilikhethile ukuba libe ligugu kuyo phakathi kwazo zonke izizwe ezisemhlabeni.

UDutheronomi 9:5

Kakusikho ngenxa yokulunga kwakho lobuqotho benhliziyo yakho ukuthi ungene elizweni lazo ukulithumba; kodwa kungenxa yobubi balezizizwe iNkosi uNkulunkulu wakho ezixotsha phambi kwakho, futhi lokuba iqinise ilizwi eyalifunga kubokhokho bakho oAbrahama loIsaka loJakobe.