UDutheronomi 4:34 - iBhayibhili Elingcwele 1978

³⁴ Futhi omunye unkulunkulu wake wazama yini ukuzithathela isizwe phakathi kwesinye isizwe ngezinhlupheko, langezibonakaliso, langezimangaliso, langempi, langesandla esilamandla, langengalo elamandla, langezinto ezesabekayo, njengakho konke iNkosi uNkulunkulu wenu eyalenzela khona eGibithe phambi kwamehlo enu na?

IBhayibhili Elingcwele LesiNdebele

³⁴ Kukhona na unkulunkulu oseke wazama ukuzithathela esinye isizwe phakathi kwesinye, ngokuhlola, ngemilingo yezibonakaliso, lezimangaliso, lezimpi, ngesandla esilamandla langokwelula ingalo, loba izenzo ezinkulu ezesabekayo, njengakho konke uThixo uNkulunkulu wenu alenzela khona eGibhithe lizibonela ngamehlo enu?

UDutheronomi 4:34 Mawu Ofanana

AmaHubo 136:12

ngesandla esilamandla langengalo elamandla, ngoba uthando lwayo olungapheliyo lumi kuze kube nininini;

AmaHubo 24:8

Ingubani liNkosi yobukhosi na? YiNkosi elamandla leliqhawe, iNkosi elamandla ekulweni.

AmaHubo 78:12

Wazenza izimangaliso phambi kwabokhokho babo elizweni laseGibithe, emagangeni aseZowani.

U-Eksodasi 1:9

Yathi ebantwini bayo: Khangelani, abantu bakoIsrayeli banengi kakhulu, futhi balamandla kulathi.

U-Eksodasi 10:21

INkosi yasisithi kuMose: Phakamisela isandla sakho phezulu ukuba kube khona umnyama elizweni laseGibithe, umnyama ongaphuntshuthwa ngesandla.

U-Eksodasi 10:7

Inceku zikaFaro zathi kuye: Lumuntu uzasihlupha kuze kube nini na? Bavumele abantu ukuba bahambe, bayekhonza iNkosi uNkulunkulu wabo; kawukazi yini ukuthi iGibithe liyachitheka na?

U-Eksodasi 13:3

UMose wasesithi ebantwini: Khumbulani lolusuku eliphume ngalo eGibithe, endaweni yobugqili; ngoba ngamandla esandla iNkosi elikhuphe kulindawo. Kakungadliwa isinkwa esilemvubelo.

U-Eksodasi 14:30

Ngokunjaloke iNkosi yabophula abakoIsrayeli ngalolosuku ezandleni zamaGibithe; babona amaGibithe efile okhunjini lolwandle.

U-Eksodasi 15:11

Ngubani onjengawe, Nkosi, phakathi kwabonkulunkulu na? Ngubani onjengawe olobukhosi ngobungcwele, owesabekayo ngezenzo ezinkulu, owenza izimangaliso na?

U-Eksodasi 19:4

Likubonile lokho engikwenze kumaGibithe, lokuthi ngalithwala ngempiko zokhozi, ngalisondeza kimi.

U-Eksodasi 3:10

Woza, ngikuthume kuFaro ukuba ubakhuphe eGibithe abantu bami abakoIsrayeli.

U-Eksodasi 6:6

Ngakhoke tshono kwabakoIsrayeli ukuthi: NgiyiNkosi; ngizalikhupha ekucindezelweni kwenu ngamaGibithe; ngilikhulule ebugqilini benu, ngilihlenge ngengalo elamandla langezenzo ezinkulu zokwahlulela.

U-Eksodasi 7:3

Mina ngizakuyenza inhliziyo kaFaro ibe lukhuni, ngandise izibonakaliso lezimangaliso zami elizweni laseGibithe.

U-Isaya 51:9

Vuka, Nkosi, vuka usebenzise amandla akho njengasezinsukwini zendulo. Kawumqumanga kabili uRahabi, wagwaza lumgobho na?

UJeremiya 21:5

Mina uqobo ngizakulwa lawe ngesandla esilamandla langengalo elamandla, ngilokuthukuthela lokufutheka lolaka oluvuthayo.

UJeremiya 32:21

Wabakhupha abantu bakho uIsrayeli eGibithe ngezibonakaliso langezimangaliso, langesandla esilamandla, langengalo elamandla, langokwesabeka okukhulu;

AmaNani 20:16

Sakhala eNkosini, yasizwa, yathuma isithunywa sayo, yasikhupha eGibithe; khathesi sesilapha eKadeshi, umuzi osemkhawulweni welizwe lakho.

UDutheronomi 1:30

INkosi uNkulunkulu wenu ehamba phambi kwenu izakulilwela njengalokhu eyalenzela khona eGibithe phambi kwenu,

UDutheronomi 10:21

Yiyo eliyidumisayo, inguNkulunkulu wenu olenzele lezizinto ezinkulu lezesabekayo elizibonileyo.

UDutheronomi 11:2

Khumbulani lezizinto lamhla — kangikhulumi ebantwaneni benu abangazaziyo labangazibonanga — khumbulani ukulaya kweNkosi uNkulunkulu wenu, lobukhulu bayo, isandla sayo esilamandla lengalo yayo elamandla,

UDutheronomi 26:8

yasikhupha eGibithe ngesandla esilamandla lengalo elamandla, langezenzo ezesabekayo, langezibonakaliso lezimangaliso;

UDutheronomi 29:3

inhlupheko ezinkulu elazibonayo, lezozibonakaliso lalezozimangaliso ezinkulu.

UDutheronomi 33:29

Uthabile, wena Israyeli! Ngubani onjengawe, isizwe esikhululwe yiNkosi, eyisihlangu sokusizwa kwakho lomkhonto wokunqoba kwakho? Izitha zakho zizakuzithobela wena, uzinyathele phansi.

UDutheronomi 34:12

langamandla amakhulu langezenzo ezinkulu ezesabekayo azenzayo uMose phambi kwabo bonke abakoIsrayeli.

UDutheronomi 5:15

Ukhumbule ukuthi wawuyinceku elizweni laseGibithe, lokuthi iNkosi uNkulunkulu wakho yakukhupha khona ngesandla esilamandla langengalo elamandla. Ngakhoke iNkosi uNkulunkulu wakho yakulaya ukuba ugcine usuku lweSabatha.

UDutheronomi 6:21

wena uzakuthi endodaneni yakho: Thina sasiyizigqili zikaFaro eGibithe. INkosi yasikhupha eGibithe ngesandla esilamandla,

UDutheronomi 7:19

lenhlupheko ezinkulu elazibona ngamehlo enu, lezibonakaliso lezimangaliso, lesandla esilamandla, lengalo elamandla, iNkosi uNkulunkulu wenu eyalikhupha ngazo. INkosi uNkulunkulu wenu izakwenza njalo kubo bonke abantu elibesabayo.

UDutheronomi 9:29

Ngoba bangabantu bakho abayisizwe sakho, owabakhupha ngamandla akho amakhulu langengalo yakho elamandla.

UJoshuwa 24:7

Kwathi lapho bekhala eNkosini, iNkosi yehlisela umnyama phakathi kwabo labaseGibithe, yaletha ulwandle phezu kwabaseGibithe, lwabasibekela. Lakubona lokho engakwenza eGibithe, lahlala enkangala isikhathi eside.

1 UPhethro 5:6

Ngakhoke zehliseleni ngaphansi kwesandla sikaNkulunkulu esilamandla, ukuze aliphakamise ngesikhathi esifaneleyo.