UDutheronomi 4:31 - iBhayibhili Elingcwele 1978

³¹ ngoba iNkosi uNkulunkulu wenu inguNkulunkulu olomusa, kayiyikulitshiya, kayiyikulibhubhisa, kayiyikukhohlwa isivumelwano eyasifunga kubokhokho benu.

IBhayibhili Elingcwele LesiNdebele

³¹ Phela uThixo uNkulunkulu wenu nguNkulunkulu olomusa; kayikulidela loba alibhubhise loba alibale isivumelwano sakhe asenza labokhokho benu, leso asiqinisa kubo ngesifungo.”

UDutheronomi 4:31 Mawu Ofanana

1 ImiLando 28:20

UDavida wasesithi kuSolomoni indodana yakhe: Dodake ume isibindi, usebenze; ungesabi utshaywe luvalo; ngoba iNkosi uNkulunkulu, yebo uNkulunkulu wami, ulawe. Kasoze wakulahla, kasoze akutshiye, uze uphele wonke umsebenzi wenkonzo yethempeli.

2 ImiLando 30:9

Uba libuyela eNkosini, izihlobo zenu labantwana benu bazafumana isihawu kulabo ababathumbileyo, babuye kulelilizwe. Ngoba iNkosi uNkulunkulu wenu ilomusa lesihawu, kayiyikulifulathela uba libuyela kuyo.

UNehemiya 1:5

Ngathi: Nkosi, Nkulunkulu ophezulu, Nkulunkulu omkhulu lowesabekayo, ogcina isivumelwano lolothando olungapheliyo kulabo abakuthandayo begcina imilayo yakho,

UNehemiya 9:31

Kanti ngomusa wakho omkhulu kawubaqedanga, kawubatshiyanga; ngoba wena unguNkulunkulu olomusa lesihawu.

AmaHubo 103:8

INkosi ilobubele lesihawu, iyaphuza ukuthukuthela, igcwele uthando olungapheliyo.

AmaHubo 105:8

Iyakhumbula isivumelwano sayo kuze kube nininini, ikhumbula ilizwi eyalitsho yaliqinisa kuzo izizukulwana eziyinkulungwane,

AmaHubo 111:4

Yenzile ukuba imisebenzi yayo emangalisayo ikhunjulwe; iNkosi ilomusa lesihawu.

AmaHubo 111:5

Iyabapha ukudla labo abayesabayo; iyakhumbula njalo isivumelwano sayo.

AmaHubo 111:9

Yabakhulula abantu bayo; yamisa isivumelwano sayo kuze kube nininini; lingcwele liyesabeka ibizo layo.

AmaHubo 116:5

INkosi ilomusa ilungile; uNkulunkulu wethu ulesihawu.

AmaHubo 86:15

Kodwa wena, Nkosi, unguNkulunkulu olesihawu, olomusa, ophuza ukuthukuthela, ogcwele uthando olungapheliyo lobuqotho.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

U-Eksodasi 6:8

ngizalingenisa elizweni engalithembisa lona ngesifungo ukulinika uAbrahama loIsaka loJakobe, ngilinike lona libe ngelenu; ngiyiNkosi.

UJeremiya 14:21

Ungasixotshi, ngenxa yebizo lakho, ungaseyisi isihlalo sobukhosi bakho; sikhumbule, ungasephuli isivumelwano osenze lathi.

UJeremiya 30:11

Ngoba mina ngilawe ukukukhulula, kutsho iNkosi. Ngoba ngizachitha ngokupheleleyo zonke izizwe engikuhlakazele phakathi kwazo, kodwa wena kangiyikukubhubhisa ngokupheleleyo; ngizakukukhuza ngokufaneleyo, kangiyikukuyekela.

ULevi 26:42

Ngizakukhumbula isivumelwano sami loJakobe, lesivumelwano sami loIsaka, lesivumelwano sami loAbrahama, ngilikhumbule lelizwe.

ULevi 26:44

Kantike, lapho sebefikile elizweni lezitha zabo, kangiyikubalahla, futhi kangiyikunengwa yibo ukuze ngibaqothule, ngeqe isivumelwano sami labo, ngoba ngiyiNkosi uNkulunkulu wabo.

ULevi 26:45

Ngenxa yabo ngizakhumbula isivumelwano labokhokho babo engabakhupha elizweni laseGibithe emehlweni ezizwe, ukuba ngibe nguNkulunkulu wabo. NgiyiNkosi.

UJona 4:2

Wakhuleka eNkosini wathi: Ngiyakuncenga, Nkosi, kayisikho lokhu engakutshoyo ngiseselizweni lakithi na? Yikho lokhu ngaphangisa ukubalekela eTarshishi; ngoba ngangisazi ukuthi wena unguNkulunkulu olomusa lolesihawu, ophuza ukuthukuthela, ogcwele uthando olungapheliyo, ozisola ngokubi.

UMikha 7:18

Ngubani uNkulunkulu onjengawe, othethelela isono sabantu bakhe abaseleyo ayekele isiphambeko sabo na? Kathukutheli kokuphela, ngoba uthokoza ngothando olungapheliyo.

AmaNani 14:18

INkosi iyaphuza ukuthukuthela, igcwele uthando olungapheliyo, ithethelela ububi leziphambeko, kodwa kayiyikubayekela abalecala, kodwa yehlisela ububi baboyise phezu kwabantwana besizukulwana sesithathu lesesine.

ULukha 1:72

ukubenzela isihawu okhokho lokukhumbula isivumelwano sayo esingcwele.

UDutheronomi 31:6

Qinani, lime isibindi, lingazesabi, lingatshaywa luvalo ngenxa yazo; ngoba yona iNkosi uNkulunkulu wenu ihamba lani; kayiyikulilahla, kayiyikulitshiya.

UDutheronomi 31:8

INkosi uqobo ihamba phambi kwenu; izakuba lani, ingalilahli, ingalitshiyi; lingesabi, lingakhathazeki.

AmaHebheru 13:5

Lingaphileli imali; laneliswe yilokho elilakho; ngoba yena utshilo ukuthi: Kangisoze ngakulahla, kangisoze ngakutshiya.

UJoshuwa 1:5

Kakulamuntu ozakumelana lawe zonke insuku zokuphila kwakho. Njengalokhu ngangiloMose, lawe ngizakuba lawe; kangisoze ngikulahle, kangisoze ngikutshiye.