UDutheronomi 4:2 - iBhayibhili Elingcwele 1978

² Kaliyikwengezelela lutho elizwini engililaya ngalo, lingaphunguli lutho kulo, ukuba ligcine imilayo yeNkosi uNkulunkulu wenu engililaya yona.

IBhayibhili Elingcwele LesiNdebele

² Lingangezeleli kulokho engililaya khona njalo lingaphunguli loba yikuphi kwakhona, kodwa gcinani imilayo kaThixo uNkulunkulu wenu engilinika yona.

UDutheronomi 4:2 Mawu Ofanana

AmaHubo 78:7

ukuze bamise ithemba labo kuNkulunkulu, bangayikhohlwa imisebenzi kaNkulunkulu, kodwa bagcine imithetho yakhe;

Izaga 30:6

Ungengezeleli emazwini akhe, funa akukhuze, ufunyaniswe wena ungoqamba amanga.

UmTshumayeli 12:13

Nanko ukuphela kwendaba. Usuyizwile yonke. Mesabe uNkulunkulu, ulalele imilayo yakhe; kakukho okwedlula lokho emuntwini.

UJeremiya 26:2

INkosi ithi: Mana egumeni lethempeli, ukhulume kuyo yonke imizi yakoJuda efikayo ukuzakhonza ethempelini, utsho wonke amazwi engakulaya wona, ungatshiyi lelilodwa.

UMatewu 5:18

Ngoba ngiqinisile ngithi kini: Kuze kudlule izulu lomhlaba kakusoze kudlule ibadlana libe linye ingabe lecwatshana libe linye lomlayo, kuze kwenzakale konke.

UMatewu 5:43

Lizwile kwathiwa: Wothanda umakhelwane wakho, uzonde isitha sakho.

AbaseGalathiya 3:15

Bazalwane, ake ngililinganisele ngokwabantu. Intando yokucina yomuntu esiqinisiwe, kakho ongayichitha loba ongengezelela kuyo.

UDutheronomi 1:3

Ngomnyaka wamatshumi amane, ngosuku lokuqala lwenyanga yetshumi lanye uMose wakhuluma labakoIsrayeli njengokulaywa kwakhe yiNkosi,

UDutheronomi 12:32

Gcinani kuhle konke engililaya khona, lingengezeleli lutho kukho, futhi lingaphunguli lutho kukho.

UDutheronomi 13:1

Uba kuvela phakathi kwenu umprofethi ingabe umphuphi wamaphupho, alitshengise isibonakaliso loba isimangaliso,

UDutheronomi 33:4

UMose wasinika umlayo, waba yilifa lebandla likaJakobe.

UDutheronomi 4:14

INkosi yangilaya ngalesosikhathi ukuba ngilifundise izimiso lezahlulelo, ukuze lizenze elizweni elizakungena kulo ukulithumba.

UDutheronomi 4:40

Ngakhoke lizagcina izimiso zayo lemilayo yayo engililaya yona lamhla, ukuba kulilungele lina labantwana benu emva kwenu, lokuba liphile isikhathi eside elizweni iNkosi uNkulunkulu wenu elinika lona kuze kube nini lanini.

UDutheronomi 4:5

Khangelani, ngilifundisile izimiso lezahlulelo, njengokungilaya kwayo iNkosi uNkulunkulu wami, ukuba lizenze elizweni elizakungena kulo ukulithumba.

UDutheronomi 5:29

Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

UDutheronomi 5:32

Ngakhoke qaphelani ukuba lenze njengokulilaya kwayo iNkosi uNkulunkulu wenu; lingaphambukeli ngakwesokunene langakwesokhohlo.

UJoshuwa 1:7

Qinake, ube lesibindi, uqaphelise ukugcina wonke umlayo uMose inceku yami akulaya ngawo; ungaphambuki kuwo uye ngakwesokunene loba ngakwesokhohlo ukuze uphumelele kuhle kukho konke okwenzayo.

UJoshuwa 8:35

Kakukho lelilodwa ilizwi uMose alilayayo angalifundanga uJoshuwa phambi kwebandla lakoIsrayeli kanye labesifazana labantwana labezizweni abahlala phakathi kwabo.