UDutheronomi 4:12 - iBhayibhili Elingcwele 1978

¹² INkosi yakhuluma kini iphakathi komlilo; lawezwa lamazwi akhulunywayo, kodwa kalibonanga simo somuntu; kwakukhona ilizwi kuphela.

IBhayibhili Elingcwele LesiNdebele

¹² Ngakho uThixo wakhuluma lani ephakathi komlilo. Lezwa umdumo welizwi kodwa alizange libone lutho; kwaba yilizwi lodwa nje.

UDutheronomi 4:12 Mawu Ofanana

U-Eksodasi 19:9

INkosi yathi kuMose: Ngiyeza kuwe ngeyezi elimnyama ukuba abantu bezwe nxa ngikhuluma lawe, bakukholwe kuze kube nininini. UMose wayibikela iNkosi amazwi abantu.

U-Eksodasi 20:22

INkosi yathi kuMose: Tshono kwabakoIsrayeli uthi: Lina ngokwenu selizibonele ukuthi ngikhulume kini ngisezulwini.

U-Isaya 30:21

Lapho liphambukela ngakwesokunene langakwesokhohlo, indlebe zenu zizakuzwa ilizwi ngemva kwenu lisithi: Nansi indlela, hambani ngayo.

U-Isaya 40:18

Lizamfanisa lobanike uNkulunkulu, loba limlinganise lomfanekiso kabani na?

U-Isaya 40:3

Ilizwi lomemezayo lithi: Lungisani enkangala indlela yeNkosi, licande enkangala umgwaqo kaNkulunkulu wethu.

U-Isaya 40:6

Ilizwi lithi: Memeza! Mina ngathi: Ngizakumemeza ngithini na? Wothi: Abantu bonke banjengotshani, kabahlali ukwedlula amaluba eganga.

AmaNani 12:8

Yena ngikhuluma laye ngokucacileyo ubuso ngobuso, kungesikho ngemizekeliso; futhi uzakubona isimo seNkosi uqobo. Ngakho kungani lingesabi ukukhuluma kubi ngenceku yami uMose na?

UMatewu 17:5

Kwathi esakhuluma, iyezi elikhanyayo labasibekela; kwezwakala ilizwi eyezini, lathi: Lo uyiNdodana yami ethandekayo engithokoza ngayo; zwanini yona.

UMatewu 3:17

Khangela, kwezwakala ilizwi livela ezulwini, lisithi: Lo uyiNdodana yami ethandekayo, ngithokozile ngayo.

UMatewu 3:3

Ngoba nguye okwakhulunywa ngaye ngumprofethi uIsaya esithi: Ilizwi lomemezayo enkangala lithi: Lungisani indlela yeNkosi, qondisani indledlana zayo.

UDutheronomi 10:4

INkosi yaloba ematsheni njengokuloba kwayo kwakuqala, yabhala imithetho elitshumi eyayikhuluma kini entabeni iphakathi komlilo ngosuku lokuhlangana; yanginika wona.

UDutheronomi 4:11

Laselisondela, lema ngaphansi kwentaba eyayivutha umlilo waze wafika phezulu, ilomnyama omkhulu lamayezi amnyama.

UDutheronomi 4:13

Yamemezelela kini isivumelwano sayo, eyalilaya ukuba lisigcine, imithetho elitshumi eyayiloba ematsheni amabili.

UDutheronomi 4:15

Ngakhoke qaphelani. Njengoba lingabonanga isimo somuntu mhla wosuku iNkosi ikhuluma lani eHorebe iphakathi komlilo,

UDutheronomi 4:33

Abantu bake balizwa yini ilizwi likaNkulunkulu likhuluma phakathi komlilo, njengalokhu lilizwile lina, baphila na?

UDutheronomi 4:36

Isezulwini yalivumela ukuzwa ilizwi layo, ukuba ilifundise; emhlabeni yalivumela ukubona umlilo wayo omkhulu, lezwa amazwi ayo evela emlilweni.

UDutheronomi 5:22

Amazwi la iNkosi yawakhuluma ngelizwi elikhulu emhlanganweni wenu entabeni iphakathi komlilo leyezi lomnyama omkhulu; kayengezelelanga lutho kuwo. Yawaloba ematsheni amabili, yanginika wona.

UDutheronomi 5:4

INkosi yakhuluma lani ikhangelene lani entabeni, isemlilweni;

UDutheronomi 9:10

INkosi yanginika amatshe amabili alotshiwe ngomunwe kaNkulunkulu, okwakulotshwe kuwo wonke amazwi iNkosi eyayiwakhulume kini entabeni, iphakathi komlilo ngosuku lokuhlangana.

AbaseKholose 1:15

Yona ifuze uNkulunkulu ongelakubonwa, elizibulo lezidalwa zonke.

AmaHebheru 12:19

lasekukhaleni kophondo, laselizwini elakhuluma amazwi okwathi labo abawezwayo bancenga ukuba kungabe kusakhulunywa ilizwi kibo;