UDutheronomi 34:8 - iBhayibhili Elingcwele 1978

⁸ Abantu bakoIsrayeli bamlilela uMose emagcekeni aseMowabi insuku ezingamatshumi amathathu; zaphelake insuku zokumkhalela lokumlilela uMose.

IBhayibhili Elingcwele LesiNdebele

⁸ Abako-Israyeli bamlilela uMosi emagcekeni aseMowabi okwensuku ezingamatshumi amathathu, kwaze kwedlula insuku zokukhala lokulila.

UDutheronomi 34:8 Mawu Ofanana

UGenesisi 50:10

Baye bafika esizeni seAtadi eliphetsheya kweJordani; basebekhala kakhulukazi belosizi olukhulu, bamlilela uyise insuku eziyisikhombisa.

UGenesisi 50:3

Zaphelela insuku ezingamatshumi amane, insuku zokulungiswa kwesidumbu. AmaGibithe amkhalela insuku ezingamatshumi ayisikhombisa.

2 USamuyeli 11:26

Lapho umkaUriya esezwile ukuthi uUriya indoda yakhe ufile, wayililela indoda yakhe.

U-Isaya 57:1

Olungileyo uyabhubha, kakho olendaba lakho; abantu abaqotho bayasuswa, kakho okunanzayo lokho. Ngenxa yobubi olungileyo uyasuswa,

AmaNani 20:29

Lapho lonke ibandla libona ukuthi uAroni usefile, yonke indlu kaIsrayeli yamlilela insuku ezingamatshumi amathathu.

Imisebenzi 8:2

Amadoda akholwayo ambela uStefane amkhalela kakhulu.

UDutheronomi 34:7

UMose wayeleminyaka elikhulu lamatshumi amabili ekufeni kwakhe. Amehlo akhe ayengafiphalanga, lamandla akhe ayengaphelanga.

UDutheronomi 34:9

UJoshuwa indodana kaNuni wayegcwele umoya wokuhlakanipha, ngoba uMose wayebekile izandla zakhe phezu kwakhe. Ngakhoke abantu bakoIsrayeli bamlalela, benza njengalokhu iNkosi imlayile uMose.

1 USamuyeli 25:1

USamuweli wafa; bahlangana bonke abakoIsrayeli ukumlilela, bamngcwabela emzini wakhe eRama. UDavida wasuka waya enkangala yaseParani.