UDutheronomi 32:41 - iBhayibhili Elingcwele 1978

⁴¹ nxa ngilola umhedla wami ocwazimulayo, lesandla sami sibambelela ekwahluleleni, ngizakubaphindisela abamelene lami. ngibe lempindiselo kwabangizondayo.

IBhayibhili Elingcwele LesiNdebele

⁴¹ nxa ngilola inkemba yami ephazimayo lesandla sami siyibamba ekwehluleleni, ngizaphindisela kuzozonke izitha zami, ngiphindisele kulabo abangizondayo.

UDutheronomi 32:41 Mawu Ofanana

AmaHubo 149:9

benze phezu kwazo isahlulelo esilotshiweyo. Lokhu kuludumo kubo bonke abangcwele bayo. Dumisani iNkosi!

AmaHubo 31:23

Ithandeni iNkosi lina lonke abalungileyo. INkosi iyabalondoloza abathembekileyo, kanti iyamphindisela kakhulu ozigqajayo.

AmaHubo 7:12

Uba umuntu engaphenduki, uNkulunkulu uzalola umkhonto wakhe; useligobile walibopha idandili lakhe,

AmaHubo 7:13

usezilungisile izikhali zakhe zokubulala, wayenza imitshoko yakhe itshise njengomlilo.

U-Eksodasi 20:5

ungazikhothameli, ungazikhonzi; ngoba mina Nkosi, uNkulunkulu wakho, nginguNkulunkulu olomona; ngehlisela ububi baboyise ebantwaneni besizukulwana sesithathu lesesine sabangizondayo,

U-Isaya 1:24

Ngakho iNkosi yamabandla, uMninimandla wakoIsrayeli uthi: Ngizakwehlisela ulaka lwami phezu kwezitha zami, ngiziphindisele kwabamelana lami.

U-Isaya 27:1

Ngalolosuku iNkosi izakutshaya uLeviyathani, inyoka ephaphayo, inyoka ethandelayo, imtshaye ngomhedla wayo olukhuni lomkhulu lolamandla, ibulale lumgobho osolwandle.

U-Isaya 59:18

Izakuphindisela njengokwenza kwabo, yehlisela ulaka ezitheni zayo, impindiselo kwabamelana layo; izakuphindisela lakuwo amazwe angasolwandle.

U-Isaya 66:16

Ngoba iNkosi izakwahlulela ngomlilo langomkhonto wayo bonke abantu, banengi ezakubabulala.

U-Isaya 66:6

Zwanini umsindo phakathi komuzi; umsindo ophuma ethempelini ngumsindo wokuphindisela kweNkosi ezitheni zayo.

UJeremiya 44:26

Kodwa zwanini ilizwi leNkosi, lina lonke bakoJuda elihlala eGibithe: Khangelani, ngifungile ibizo lami elikhulu, kutsho iNkosi, ukuba ibizo lami kalisayikubizwa futhi ngumlomo womuntu koJuda, kulo lonke ilizwe laseGibithe, ngokuthi: Ngifunga iNkosi uNkulunkulu.

UJeremiya 50:18

Ngakhoke iNkosi yamabandla, uNkulunkulu kaIsrayeli, ithi: Ngizayitshaya inkosi yaseBabiloni lelizwe layo, njengalokho ngayitshaya inkosi yaseAsiriya.

UJeremiya 50:28

Zwaninike, ababalekayo labaphunyukayo bavela elizweni laseBabiloni, ukuba bamemeze eZiyone ukuphindisela kweNkosi uNkulunkulu wethu, impindisela yethempeli layo.

UJeremiya 50:29

Bizani abaphatha imitshoko, balwe leBabiloni bonke abakwazi ukutshoka; lihanqeni inxa zonke, kungabi khona ophunyukayo, liliphindisele njengezenzo zalo, lenze kulo njengakho konke elikwenzileyo; ngoba liyidelele iNkosi, oNgcwele kaIsrayeli.

UHezekhiyeli 21:20

Dweba indlela yokufika kwayo eRaba elakoAmoni lakoJuda laseJerusalema elibiyelweyo.

UHezekhiyeli 25:14

Ngizaphindisela kulo iEdoma ngesandla sabantu bami uIsrayeli, benze kilo okufanele ukuthukuthela kwami lolaka lwami; bazakwazi impindiselo yami, kutsho iNkosi uNkulunkulu.

UHezekhiyeli 32:10

Ngizakwenza abantu abanengi bamangale ngawe, lamakhosi abo athuthumele ngenxa yakho nxa ngigweba umkhonto wami phambi kwabo; bazathuthumela isikhathi sonke, bonke babe lovalo ngokuphila kwabo mhla wosuku lokuwa kwakho.

UNahume 1:2

INkosi inguNkulunkulu olomona ophindiselayo; iNkosi iyaphindisela, igcwele ulaka; iNkosi iphindisela ezitheni zayo, ihlala ithukuthelela izitha zayo.

UZefaniya 2:12

Lani futhi, maEtiyopiya, lizakubulawa ngomkhonto weNkosi.

AmaNani 10:35

Kwakuye kuthi ekusukeni komtshokotsho, uMose athi: Vuka, Nkosi, zichitheke izitha zakho, lalabo abakuzondayo babaleke phambi kwakho.

UMakho 1:2

Njengokulotshiweyo kumprofethi uIsaya ukuthi: Khangela, ngiyasithuma isithunywa sami phambi kwakho esizakulungisa indlela yakho,

AbaseRoma 1:30

labanyeyayo, labazonda uNkulunkulu, labangelamakhanda, labazigqajayo, labazikhukhumezayo, labaqambi bokubi, labangalaleli abazali,

AbaseRoma 8:7

Ngoba ukunakana ngezinto zokwabantu kuyibutha kuNkulunkulu; kakuzehliseli ngaphansi komlayo kaNkulunkulu; impela kungekwenze;

UDutheronomi 32:35

Ngokwami ukuphindisela lokubuyisela, ngesikhathi sokutshelela kwenyawo zabo; ngoba usuku lwabo lwengozi selusondele, lokho abakulungiselweyo kuzafika masinyane.

UDutheronomi 5:9

Ungazikhothameli, ungazikhonzi; ngoba mina iNkosi uNkulunkulu wakho nginguNkulunkulu olomona, ngehlisela ububi baboyise ebantwaneni besizukulwana sesithathu lesesine sabangizondayo,

UDutheronomi 7:10

ophindisela labo abamzondayo, ababhubhise. Kayikuphuza ukumphindisela omzondayo.

2 uTimothi 3:4

labanikela abanye, labalamawala, labagcwele ukuzikhukhumeza, labathanda ukuzithokozisa kulokuthanda uNkulunkulu,