UDutheronomi 32:14 - iBhayibhili Elingcwele 1978

¹⁴ lezankefu zezinkomo, lochago lwezimbuzi, kanye lamafutha amawundlu lawezinqama, inkomo zaseBashani lezimbuzi, lamabele amahle; wanatha iwayini, igazi lezithelo zesivini.

IBhayibhili Elingcwele LesiNdebele

¹⁴ lezankefu langochago oluvela emihlambini yenkomo leyezimvu; lamazinyane anonisiweyo ezimvu lembuzi, lenqama zekhethelo zaseBhashani, kanye lengqoloyi elezinhlamvu ezinhle. Wanatha igazi eliphuphumayo lesithelo samavini.

UDutheronomi 32:14 Mawu Ofanana

UGenesisi 18:8

Wathatha amasi lochago, lethole abelilungisile, wakubeka phambi kwawo; wema ngakuwo ngaphansi kwesihlahla, adla.

UGenesisi 49:11

Ubophela ithole lakhe likababhemi evinini, lethole lakhe likababhemikazi evinini elihle. Ugezisa ingubo zakhe ewayinini, lezambatho zakhe egazini lezithelo zevini.

2 USamuyeli 17:29

lenyosi, lamasi, lezimvu, letshizi kuDavida labantu ababelaye ukuba badle; ngoba bathi: Abantu balambile, badiniwe, bomile enkangala.

UNehemiya 9:25

Bathumba imizi ebiyelweyo lelizwe elinothileyo, lezindlu ezigcwele zonke izinto ezinhle, imithombo egejiweyo lezivini lezihlahla zamaoliva lezihlahla ezilezithelo ezinengi. Badla basutha, bazimuka, bazithokozisa ngezinto ezinhle owabapha zona.

UNehemiya 9:26

Kodwake kabalalelanga, bakuvukela wena, bafulathela umlayo wakho, babulala abaprofethi bakho ababebaxwayisa ukuze babuyele kuwe, bakuhlambaza kakhulu.

UJobe 20:17

Angeke ayibone imifula yochago, lezifula zoluju lolaza.

UJobe 29:6

lapho izinyathelo zami zazigeziswa ngochago, lamadwala egobhoza amafutha!

AmaHubo 147:14

Iyenza ukuthula emikhawulweni yakho; ikusuthise ngamabele amahle.

AmaHubo 22:12

Inkunzi ezinengi zingihanqile, inkunzi ezilamandla zaseBashani zingizingelezele;

AmaHubo 81:16

Bengingalipha amabele amahle, ngilisuthise ngenyosi ezivela edwaleni.

U-Isaya 7:15

Lapho esekhulile esekwazi ukukhetha okuhle lokubi uzakudla amasi lenyosi;

U-Isaya 7:22

kuthi ngokwehlisa kwazo adle amasi; ngoba bonke abaseleyo elizweni bazakudla amasi lenyosi.

UHezekhiyeli 39:18

Lizakudla inyama yamaqhawe, linathe igazi lezikhulu zomhlaba; banjengezinqama, lamawundlu, lezimbuzi, lezinkunzi, lezinonileyo zaseBashani.

UHosiya 11:4

Ngabadonsa ngamagoda omusa langezintambo zothando, ngenza kibo njengomuntu ophakamisela umntwana emlonyeni ukumanga, ngakhothama kibo, ngabanika ukudla.

uAmosi 4:1

Zwanini lelilizwi, lina mankomokazi aseBashani, elisentabeni yaseSamariya, elicindezela abayanga, linyathezela phansi abaswelayo, elithi kubomkenu: Lethani sinathe.

UMikha 7:14

Yelusa abantu bakho ngentonga yakho, umhlambi ongowakho impela ohlala wodwa ehlathini lasezihotsheni; kawalukele eBashani laseGileyadi njengasendulo.

AmaNani 18:12

Lonke ikhethelo lamafutha, lekhethelo lonke lewayini, lekhethelo lonke lamabele, lengqabutho yalokho abakunikela eNkosini, ngiyakunika khona.

UDutheronomi 28:47

Njengoba lingayikhonzanga iNkosi uNkulunkulu wenu ngokuthokoza langenhliziyo ejabulayo ngenxa yobunengi bempahla yenu yonke,

Isambulo 14:20

Isikhamelo sanyathelwa ngaphandle komuzi; kwaphuma igazi esikhamelweni, lakhula laze lafika ematomini amabhiza, lahamba amakhilomitha angamakhulu amathathu.

Abahluleli 5:25

USisera wacela amanzi, wamnika uchago, wamlethela amasi ngomganu oligugu.