UDutheronomi 31:8 - iBhayibhili Elingcwele 1978

⁸ INkosi uqobo ihamba phambi kwenu; izakuba lani, ingalilahli, ingalitshiyi; lingesabi, lingakhathazeki.

IBhayibhili Elingcwele LesiNdebele

⁸ UThixo ngokwakhe uhamba phambi kwakho njalo uzakuba lawe; kasoze akutshiye loba akufulathele. Ungesabi; ungapheli amandla.”

UDutheronomi 31:8 Mawu Ofanana

UGenesisi 28:15

Khangela, ngizakuba lawe ngikulondoloze lapha uya khona, ngikubuyise futhi kulelilizwe; ngoba kangizukukutshiya ngize ngikwenze lokho engikhulume ngakho kuwe.

1 AmaKhosi 11:38

Uba ulalela konke engikulaya khona, uhambe ngendlela zami, wenze okulungileyo phambi kwami, ugcine izimiso zami lemilayo yami njengoDavida inceku yami, ngizakuba lawe, ngiwuqinise umbuso wakho njengokaDavida; ngizakukunika uIsrayeli,

1 AmaKhosi 6:13

ngizahlala phakathi kwabantu bakoIsrayeli, ngingabatshiyi abantu bami.

1 AmaKhosi 8:57

INkosi uNkulunkulu wethu ibe lathi njengalokhu yayilabokhokho bethu, ingasitshiyi ingasilahli,

1 ImiLando 22:13

Uzakuphumelelake uba unanzelela ukugcina izimiso lemithetho iNkosi uNkulunkulu eyayinika uIsrayeli ngoMose. Qina, ube lesibindi, ungesabi utshaywe luvalo.

1 ImiLando 28:20

UDavida wasesithi kuSolomoni indodana yakhe: Dodake ume isibindi, usebenze; ungesabi utshaywe luvalo; ngoba iNkosi uNkulunkulu, yebo uNkulunkulu wami, ulawe. Kasoze wakulahla, kasoze akutshiye, uze uphele wonke umsebenzi wenkonzo yethempeli.

AmaHubo 94:14

Ngoba iNkosi kayiyikubatshiya abantu bayo, kayiyikusilahla isizwe sayo;

U-Eksodasi 32:1

Abantu sebebonile ukuthi uMose ulibele ukwehla entabeni, babuthana kuAroni bathi kuye: Suka, usenzele onkulunkulu abazakuhamba phambi kwethu; ngoba uMose lowo, umuntu owasikhupha elizweni laseGibithe, kasazi ukuthi wehlelwe yini.

U-Eksodasi 33:14

Yasisithi: Mina uqobo ngizahamba lawe, ngikuphumuze.

UJeremiya 32:40

Ngizakwenza labo isivumelwano esingelakuphela, ukuze ngingayekeli ukubenzela okuhle, ngifake ukungesaba enhliziyweni zabo ukuze bangangitshiyi.

AmaNani 13:9

Owesizwe sakoBenjamini, uPaliti indodana kaRafu.

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

UDutheronomi 20:1

Lapho liphuma impi ukuyahlasela izitha zenu, beselibona amabhiza lezinqola, labantu abanengi kulani, lingabesabi; ngoba iNkosi uNkulunkulu wenu eyalikhupha eGibithe ilani.

UDutheronomi 31:23

INkosi yasilaya uJoshuwa indodana kaNuni yathi: Qina, ume isibindi, ngoba uzakubangenisa abantu bakoIsrayeli elizweni engathembisa ukubanika lona; ngizakuba lawe.

UDutheronomi 31:3

INkosi uNkulunkulu wenu uqobo izakuchapha phambi kwenu, ichithe lezizizwe phambi kwenu ukuba lizinqobe; uJoshuwa uzakulihola ekuchapheni kwenu njengokutsho kweNkosi.

UDutheronomi 31:6

Qinani, lime isibindi, lingazesabi, lingatshaywa luvalo ngenxa yazo; ngoba yona iNkosi uNkulunkulu wenu ihamba lani; kayiyikulilahla, kayiyikulitshiya.

UDutheronomi 4:31

ngoba iNkosi uNkulunkulu wenu inguNkulunkulu olomusa, kayiyikulitshiya, kayiyikulibhubhisa, kayiyikukhohlwa isivumelwano eyasifunga kubokhokho benu.

UDutheronomi 9:3

Ngakhoke yazi lamuhla ukuthi yiNkosi uNkulunkulu wakho echapha ngaphambi kwakho enjengomlilo oqothulayo; yona izakubachitha, ibanqobe phambi kwakho; uzakubaxotsha, ubabhubhise masinyane, njengokukuthembisa kwayo.

AmaHebheru 13:5

Lingaphileli imali; laneliswe yilokho elilakho; ngoba yena utshilo ukuthi: Kangisoze ngakulahla, kangisoze ngakutshiya.

UJoshuwa 1:5

Kakulamuntu ozakumelana lawe zonke insuku zokuphila kwakho. Njengalokhu ngangiloMose, lawe ngizakuba lawe; kangisoze ngikulahle, kangisoze ngikutshiye.

UJoshuwa 1:9

Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.

1 USamuyeli 12:22

Ngoba iNkosi kayikubalahla abantu bayo ngenxa yebizo layo elikhulu, ngoba kwaba kuhle kuyo ukuzenzela lina libe ngabantu bayo.