UDutheronomi 31:3 - iBhayibhili Elingcwele 1978

³ INkosi uNkulunkulu wenu uqobo izakuchapha phambi kwenu, ichithe lezizizwe phambi kwenu ukuba lizinqobe; uJoshuwa uzakulihola ekuchapheni kwenu njengokutsho kweNkosi.

IBhayibhili Elingcwele LesiNdebele

³ UThixo uNkulunkulu wenu nguye ozachapha phambi kwenu. Uzabhubhisa lezizizwe phambi kwenu, lina lizathatha ilizwe lazo libe ngelenu. UJoshuwa laye uzachapha ahambe phambi kwenu, njengokutsho kukaThixo.

UDutheronomi 31:3 Mawu Ofanana

UGenesisi 48:21

UIsrayeli wathi kuJosefa: Khangela, mina ngiyafa; kodwa uNkulunkulu uzakuba lawe, akubuyisele elizweni laboyihlo.

Imisebenzi 7:45

okhokho kanye loJoshuwa balamukela balingenisa elizweni lezizwe uNkulunkulu azixotsha phambi kwabo, lalikhona kwaze kwaba sensukwini zikaDavida.

UDutheronomi 1:30

INkosi uNkulunkulu wenu ehamba phambi kwenu izakulilwela njengalokhu eyalenzela khona eGibithe phambi kwenu,

UDutheronomi 3:28

Kodwa laya uJoshuwa, umkhuthaze, umqinise; ngoba yena uzakuwela phambi kwalababantu, abanike ilizwe olibonayo libe yilifa labo.

UDutheronomi 31:14

INkosi yathi kuMose: Usuku lokufa kwakho selusondele; mbize uJoshuwa, lime lobabili ethenteni lokuhlangana ukuba ngimlayeze. UMose loJoshuwa bahambake, bema ethenteni lokuhlangana.

UDutheronomi 31:23

INkosi yasilaya uJoshuwa indodana kaNuni yathi: Qina, ume isibindi, ngoba uzakubangenisa abantu bakoIsrayeli elizweni engathembisa ukubanika lona; ngizakuba lawe.

UDutheronomi 31:4

INkosi izakwenza kuzo lokho eyakwenza kuSihoni loOgi, amakhosi amaAmori, laselizweni lawo, izakuzichitha.

UDutheronomi 34:9

UJoshuwa indodana kaNuni wayegcwele umoya wokuhlakanipha, ngoba uMose wayebekile izandla zakhe phezu kwakhe. Ngakhoke abantu bakoIsrayeli bamlalela, benza njengalokhu iNkosi imlayile uMose.

UDutheronomi 7:1

Kuzakuthi lapho iNkosi uNkulunkulu wakho isikungenisa elizweni oya kulo ukulithumba ixotshe izizwe ezinengi phambi kwakho, amaHethi lamaGirigashi lamaAmori lamaKanani lamaPerizi lamaHivi lamaJebusi, izizwe eziyisikhombisa ezinkulu lezilamandla kulawe,

UDutheronomi 9:3

Ngakhoke yazi lamuhla ukuthi yiNkosi uNkulunkulu wakho echapha ngaphambi kwakho enjengomlilo oqothulayo; yona izakubachitha, ibanqobe phambi kwakho; uzakubaxotsha, ubabhubhise masinyane, njengokukuthembisa kwayo.

AmaHebheru 4:8

Ngoba uba uJoshuwa wayebaphumuzile, uNkulunkulu wayengayikukhuluma emva kwalokho ngolunye usuku.

UJoshuwa 1:2

UMose inceku yami usefile; ngakhoke suka uchaphe leliJordani wena labo bonke lababantu bakoIsrayeli, liye elizweni engilinika lona.

UJoshuwa 11:15

Njengalokhu iNkosi yayimlayile uMose inceku yayo, ngakho uMose wamlaya uJoshuwa. UJoshuwa wenza njalo; kakulalutho angalwenzanga kukho iNkosi eyakulaya uMose.

UJoshuwa 3:7

INkosi yathi kuJoshuwa: Lamhla ngizaqala ukukuphakamisa phambi kwabo bonke abakoIsrayeli ukuba bazi ukuthi njengalokho ngangiloMose, ngizakuba lawe.

UJoshuwa 4:14

Ngalolosuku iNkosi yamphakamisa uJoshuwa phambi kwabo bonke abakoIsrayeli, bamhlonipha njengalokhu babemhlonipha uMose insuku zonke zokuphila kwakhe.